تاراپتار پارلامەنتارالىق ىنتىماقتاستىقتى نىعايتۋ ماسەلەلەرىن, سونداي-اق بولاشاقتاعى بىرلەسكەن ءىس-شارالار جوسپارى تۋرالى تالقىلادى.
سونىمەن بىرگە, نۇرلان نيگماتۋلين مەن گابريەلا كۋەۆاس باررون حالىقارالىق كۇن تارتىبىندەگى كوپتەگەن ماسەلەلەر بويىنشا ەلدەر اراسىنداعى ىنتىماقتاستىقتىڭ قاجەتتى ەلەمەنتى رەتىندە پارلامەنتتىك قۇرامنىڭ ماڭىزدىلىعىن اتاپ ءوتتى.
وسىعان بايلانىستى, ءماجىلىس توراعاسى مەن پاو باسشىسى نۇر-سۇلتان قالاسىندا وتكەن ەۋرازيا ەلدەرى سپيكەرلەرىنىڭ 4-ءشى كەڭەسىنىڭ ناتيجەلەرىن جوعارى باعالاپ, پارلامەنتارالىق وداق اسسامبلەياسىنىڭ 141-ءشى وتىرىسىندا حالىقارالىق قۇقىقتى نىعايتۋ: پارلامەنتتىڭ ءرولى مەن تەتىكتەرى, جانە ايماقتىق ىنتىماقتاستىقتىڭ ۇلەسى تاقىرىبىندا تالقىلانىپ جاتقان ماسەلەلەر قاتىسۋشىلاردىڭ ەركىن پىكىر الماسىپ, ءوز ەلدەرىنىڭ تاجىريبەلەرىمەن بولىسۋگە جانە ساياسي ديالوگتى دامىتۋعا ىقپال ەتەتىن تەتىكتەردى قۇرۋعا مۇمكىندىك بەرەتىنىنە سەنىم ءبىلدىردى.
بيىل 130 جىلدىق مەرەيتويىن اتاپ وتكەن پارلامەنتارالىق وداقتىڭ قۇرامىنا قازىرگى ۋاقىتتا 179 ۇلتتىق پارلامەنت پەن بىرقاتار حالىقارالىق پارلامەنتارالىق بىرلەستىكتەر كىرەدى.
