اۋىل شارۋاشىلىعى مينيسترلىگىنىڭ دەرەكتەرى بويىنشا, 2019 جىلى ەلىمىزدە ەگىن جيناۋ جۇمىستارى ۋاقىتىلى باستالدى جانە وبلىس اكىمدىكتەرىنىڭ مالىمەتتەرىنە سايكەس ءداندى داقىلداردىڭ 15,2 ملن گەكتار جالپى القابىنىڭ 15,1 ملن گەكتارى جينالدى, بۇل 99,2%-دى قۇرايدى. 19,1 ملن توننا استىق باستىرىلدى. ورتاشا ونىمدىلىك 12,6 تس/گا قۇرادى.
بيىل جاز ماۋسىمىنىڭ ىستىق ءارى قۇرعاق بولۋى ءداندى داقىلدار ونىمدىلىگىنىڭ تومەندەۋىنە سەبەپ بولدى. سونىڭ ناتيجەسىندە وتكەن جىلمەن سالىستىرعاندا ءداندى داقىلدار ءوندىرىسىنىڭ تومەندەۋى كۇتىلۋدە. جازدىڭ اپتاپ ىستىعىمەن قاتار, ەگىن جيناۋ جۇمىستارى بارىسىندا ۇزاق مەرزىمدى (جالپى ەسەپپەن 15-20 كۇن) جاۋىن-شاشىن بولدى, بۇل ءوز كەزەگىندە استىقتىڭ ساپاسىنا دا, ونىمدىلىگىنە دە اسەر ەتتى.
الدىن-الا ەسەپتەر بويىنشا بيىل ءداندى جانە ءداندى بۇرشاق داقىلدارىنىڭ ونىمدىلىگى بۋنكەرلىك سالماقتا شامامەن 19 ملن توننانى قۇراۋى مۇمكىن, بۇل 2018 جىلعى ونىممەن سالىستىرعاندا 2 ملن تونناعا كەم.
وبلىستار اكىمدىكتەرىنىڭ جەدەل دەرەكتەرىنە سايكەس بيىلعى 11 قازانداعى جاعداي بويىنشا 1,9 ملن توننا ءداندى داقىل تۇقىمى سەبىلدى, بۇل 99%-دى قۇرايدى, سونىڭ ىشىندە قوستاناي وبلىسى بويىنشا تۇقىم سەبۋ 98% اياقتالدى. تۇقىمداردى دايىنداۋ جۇمىستارى جالعاسۋدا. تۇقىم جەتىسپەۋشىلىگى بولمايدى.
جالپى جينالعان جاڭا ونىمنەن 2,9 ملن توننا ەلەۆاتورلارعا كەلىپ ءتۇستى, ونىڭ 1,8 ملن تونناسىن بيداي, 700 مىڭ تونناسىن ارپا قۇرايدى.
جەدەل دەرەكتەرگە سايكەس, ەلەۆاتورلارعا كەلىپ تۇسكەن بيدايدىڭ 80%-عا جۋىعى ازىق-ت ۇلىكتىك, 20% — مال ازىقتىق جانە تەحنيكالىق ماقساتقا ارنالعان بيداي. وتكەن جىلى ازىق-ت ۇلىكتىك بيدايدىڭ كولەمى 93% بولعان.
بيىلعى 2019/20 ماركەتينگتىك جىلى ءداندى داقىلدار ءوندىرىسىنىڭ ازايۋىنا بايلانىستى, ەكسپورتتىق الەۋەت وتكەن جىلمەن سالىستىرعاندا شامامەن 3 ملن تونناعا تومەندەۋى مۇمكىن.
بۇل رەتتە, س. وماروۆتىڭ ايتۋىنشا, ەكسپورتتىق باعىتتاردى كەڭەيتۋگە باعىتتالعان وتكەن جىلعى ستراتەگيادان اعىمداعى جىلدىڭ ەكسپورتتىق ستراتەگياسى وزگەشە بولادى.
«بۇل ماۋسىمدا نەگىزگى مىندەت – ورتالىق ازيا ەلدەرى – وزبەكستان, تاجىكستان, قىرعىزستان, تۇرىكمەنستان, سونداي-اق, اۋعانستان جانە يران ءتارىزدى ءداستۇرلى وتكىزۋ نارىقتارىنداعى قازاقستاندىق استىقتىڭ ورنىن ساقتاپ قالۋ», — دەپ ءتۇسىندىرىپ ءوتتى اۋىل شارۋاشىلىعى ءمينيسترى.
اتالعان ەلدەردەگى جوعارى ونىمگە بايلانىستى ءداستۇرلى يمپورتتاۋشى ەلدەردىڭ سۇرانىسى دا تومەندەيتىنىن ايتا كەتكەن ءجون.
وسىعان بايلانىستى وسى باعىتتاردا بيداي مەن ۇننىڭ 5 ملن توننادان كەم بولمايتىن ورتاشا جىلدىق كولەمىن ەكسپورتقا شىعارۋدى قامتاماسىز ەتۋ قاجەت.
سونىمەن قاتار, قول جەتكىزىلگەن كەلىسىمدەر (حاتتامالارعا قول قويۋ) اياسىندا پەرسپەكتيۆتى قىتاي باعىتىندا جوعارى ساپالى Hi-Pro بيدايىن, ارپانى ەكسپورتتاۋ قارقىنىن ساقتاپ قالۋ قاجەت.
