سۋارمالى جەر - مەملەكەتىمىزدىڭ التىن قورى دەسەك, اق التىنىمەن تانىمال ماقتاارال اۋدانىنا قاراستى 61 مىڭ گەكتارعا جۋىق ەگىستىك القاپتىڭ بارلىعى دا سۋارمالى جەر ەكەنى بەلگىلى. سوڭعى جىلدارى جەر استى سۋلارىنىڭ تەز كوتەرىلۋى جەردىڭ سورلانۋىنا الىپ بارىپ, اۋدان شارۋالارىنىڭ مول ءونىم الۋىنا كەدەرگى كەلتىرىپ جۇرگەنى ۇلكەن ماسەلەگە اينالعان ەدى. ودان قالسا كوللەكتورلىق جۇيەلەردىڭ تازالانباۋى, كانالدار مەن ارىق-اتىز بەتوندارىنىڭ ءشىرۋى نەمەسە مۇلدە بولماۋى - ەگىستىك القاپتارىنا سۋ جەتكىزۋدى قيىنداتا ءتۇستى. مىنە, ماسەلەنى شەشۋ ءۇشىن مەملەكەتىمىز قىرۋار قارجى ءبولىپ, بۇگىنگى تاڭدا پۋيد-2 جوباسى بويىنشا جۇمىستار قارقىندى ءجۇرىپ جاتىر. ماقتاارال اۋدانىندا پۋيد-2 جوباسى جالپى 39796 گەكتار اۋماقتى قامتىپ, 3 كەزەڭ بويىنشا جۇرگىزىلۋدە. جوبا اياسىندا 223 كانال, 208 سۋ قاشىرتقىسى, 149 تىك درەناج كۇردەلى جوندەۋدەن ءوتىپ, قايتا قالپىنا كەلتىرىلەتىن بولادى.
جوبانىڭ ءى كەزەڭى بويىنشا ازەربايجاندىق "اكيليك گرۋپ" كومپانياسى قۇرىلىس جۇمىستارىن جۇرگىزىپ جاتىر. كومپانيانىڭ ديرەكتورى يلحام مامەدوۆ مەن جوبا جەتەكشىسى پاۆەل گراسميك جالپى قۇرىلىس جۇمىستارى 30 ايعا جوسپارلانعانىن اتاپ ءوتتى. ءى كەزەڭ اياسىندا ەڭبەكشى جانە جاڭاجول اۋىلدىق وكرۋگتەرىنە قاراستى ۇزىندىعى 147,18 شاقىرىمدى قۇرايتىن ك-11, ك-13, ك-13ا كانالدارى تارماقتارىمەن بىرگە, 49 دانا تىك درەناج بەن ۇزىندىعى 191,6 شاقىرىمدى قۇرايتىن سۋ قاشىرتقىلارى كۇردەلى جوندەۋدەن وتەتىن بولادى. سونداي-اق, اۋدان ورتالىعى مىرزاكەنت كەنتىندەگى 4 دانا تىك درەناجدارىن جوندەۋ دە قامتىلماقشى. جوبا جۇزەگە اسقاندا ەڭبەكشى اۋىلدىق وكرۋگىنىڭ 5350 گەكتارى, جاڭاجول اۋىلدىق وكرۋگىنىڭ 2650 گەكتارى جانە مىرزاكەنت كەنتىنىڭ 8000 گەكتار اۋماعى جەر استى سۋلارىنان تازاراتىن بولادى.
قازىرگى تاڭدا جالپى ۇزىندىعى 7,2 شاقىرىمدى قۇرايتىن بىرنەشە كانالداردا قۇرىلىس جۇمىستارى جۇرگىزىلىپ, تولىقتاي اياقتالعان. سونداي-اق, ءدال وسى كەزەڭ اياسىندا 44 بىرلىكتى قۇرايتىن جەلىلىك قۇرىلعىلار ورناتىلىپ, 16 دانا باقىلاۋ ۇڭعىمالارىنا دا قۇرىلىس جۇمىستارى جاسالعان. "اكيليك گرۋپ" كومپانياسىنىڭ باسشىسى قازىرگى ۋاقىتتا ۇزىندىعى 10,78 شاقىرىمدى قۇرايتىن 6 كانالدا قۇرىلىس جۇمىستارى جۇرگىزىلىپ جاتقانىن ايتتى.
ء يىرجار اۋىلدىق وكرۋگىنىڭ 7581 گەكتارى, بىرلىك اۋىلدىق وكرۋگىنىڭ 4575 گەكتارى جانە جامبىل اۋىلدىق وكرۋگىنىڭ 4291 گەكتار القابىن جەر استى سۋلارىنان تازارتۋ ءىى كەزەڭ بويىنشا ىسكە اسىرىلۋدا. ول ءۇشىن يراندىق "تۋننەل سااد اريانا" كومپانياسى قۇرىلىس جۇمىستارىن جۇرگىزۋدە. كومپانيانىڭ ديرەكتورى باباك نوۆرۋزي مەن جوبا جەتەكشىسى گولامي بەحمان جوبانى ىسكە اسىرۋ 36 ايعا جوسپارلانعانىن تىلگە تيەك ەتىپ, ۆيتسە-مينيستر س.گروموۆقا جۇمىس بارىسى جونىندە ەسەپ بەردى.
جالپى ءىى كەزەڭدە 16447 گەكتار اۋماقتاعى ۇزىندىعى 337,35 شاقىرىمدى قۇرايتىن ك-16ب, ك-18, ك-18ا كانالدارى تارماقتارىمەن بىرگە, 100 دانا تىك درەناج جانە 262 شاقىرىمدى قۇرايتىن سۋ قاشىرتقىلارى كۇردەلۋ جوندەۋدەن وتەتىن بولادى. بۇگىنگى تاڭدا ۇزىندىعى 8,79 شاقىرىمدى قۇرايتىن 7 دانا كانالدا جانە 3 دانا باقىلاۋ ۇڭعىماسىندا قۇرىلىس جۇمىستارى اياقتالعان. ال, 2 دانا تىك درەناجدى ۇڭعىمالارىندا بۇرعىلاۋ جۇمىستارى جاسالىپ, قازىرگى ۋاقىتتا 10 دانا تىك درەناجعا قاجەتتى 389 دانا جوعارى كەرنەۋلى ەلەكتر باعاندارىنىڭ قۇرىلىس-مونتاج جۇمىستارى جۇرگىزىلۋدە ەكەن. سونىمەن قاتار, 94,58 شاقىرىمدى قۇرايتىن تىك درەناجدارعا قىزمەت جاساۋ جولدارىنىڭ 19,84 شاقىرىمىندا, جالپى ۇزىندىعى 15,1 شاقىرىمدى قۇرايتىن 11 كانالدا قۇرىلىس جۇمىستارى قارقىندى تۇردە جاسالىپ جاتىر.
پۋيد-2 جوباسىنىڭ ءىىى كەزەڭى بويىنشا يزرايلدىك "تاحال كونسالتينگ ينجينيرينگ" كومانياسى 307,928 شاقىرىم كانالدى, 130,391 شاقىرىم سۋ قاشىرتقىلارىن كۇردەلى جوندەۋدەن وتكىزۋدى 36 ايعا جوسپارلاعان. بۇگىنگى تاڭدا ك-22 كانالىنىڭ 2200 مەتر بولىگىندە ەسكى پليتالارىن بۇزۋ جۇمىستارى جۇرگىزىلگەن. سونداي-اق, ك-22-20, ك-22-8, ك-22-9, ك-22-10 كانالدارىندا وسىمدىك قاباتى قىرقىلىپ, كومۋ جۇمىستارى جاسالۋدا.
ايتا كەتەيىك, پۋيد-2 جوباسىنىڭ 3 بىردەي كەزەڭىمەن تانىسىپ شىققان سەرگەي گروموۆ جوباعا جەرگىلىكتى جەردەن جۇمىسشىلاردى كوپتەپ تارتۋ جانە جوعارى جالاقى بەرىلۋ كەرەكتىگىن اتاپ ءوتتى. سونداي-اق, قۇرىلىس جۇمىستارىنىڭ ساپالى جۇرگىزىلۋىن ۇنەمى قاداعالاپ تۇرۋ ءۇشىن اۋدان اكىمى باقىت اسانوۆقا تاپسىرما بەردى.
