«مەنىڭ جاستارعا بەرەتىن اقىلىم - ەڭ الدىمەنەن ءبىلىم الۋعا تىرىسۋ كەرەك. مىناۋ ءومىر دەگەن قيىن. «ەڭبەك ەتسەڭ ەرىنبەي, تويادى قارنىڭ تىلەنبەي» دەپ اباي بابامىزدىڭ ايتىپ كەتكەن ءسوزى بار. جاستاردى ەڭبەككە باۋلۋىمىز كەرەك, بىلىمگە باۋلۋىمىز كەرەك.ء وزىڭنىڭ ەڭبەگىڭمەن, بىلىمىڭمەن تاپساڭ, ءوزىڭ دە جاقسى بولاسىڭ, جانۇياڭدى دا اسىرايسىڭ, ەشكىمگە بارىپ تىلەنبەيسىڭ. جالپى قازاقستاننىڭ جانۇيالارى بۇل ماسەلەدە ويلانۋى كەرەك. اراڭداتۋعا ەشقاشان كونبەۋى كەرەك. بارلىعىمىزدىڭ ويىمىز - ەلدىڭ اماندىعى, جۇرتتىڭ تىنىشتىعى. قازاقستانىمىزدىڭ تاۋەلسىزدىگى ماڭگى بولسىن دەپ ويلاۋىمىز كەرەك. سوندا بىزدە دە, كەلەر ۇرپاعىمىزدا دا بارلىعى بولادى. ەل سىيلايدى, دۇنيەجۇزى سىيلايدى», دەدى ەلباسى «حابار» ارناسىنا بەرگەن ارنايى سۇحباتىندا.
