پرەزيدەنت • 11 قازان، 2019

كەڭەسۋ مەن كەلىسۋ – يگىلىككە باستايدى

46 رەت كورسەتىلدى

ەل پرەزيدەنتى قاسىم-جومارت توقاەۆ ءوزىنىڭ جولداۋىندا قوعامداعى كوپتەگەن ماڭىزدى ماسەلەلەردى ءسوز ەتتى. سونىڭ ءبىرى – پارتيالىق قۇرىلىم پروتسەسىن جالعاستىرۋ. بۇل رەتتە پرەزيدەنت Nur Otan پارتياسىنىڭ وزگە دە ساياسي پارتيالارمەن سەرىكتەسە وتىرىپ جۇمىس ىستەۋ قاجەتتىگىن ايتتى.

مەملەكەت باسشىسى وسى تۇستا كەلىسىپ پىشكەن توننىڭ كەلتە بولمايتىنىن نۇسقاپ وتىر. ياعني، Nur Otan پارتياسى ناعىز قوعامشىل، ناعىز حالىقشىل پارتياعا اينالۋى ءتيىس. ول ءۇشىن بارلىق مۇمكىندىكتەردى ءتيىمدى پايدالانىپ، وزگە دە ساياسي پارتيالار جانە قوعامدىق قوزعالىستارمەن بىتە قايناسىپ، بىرلەسە ارەكەت ەتسە، ۇتىمدى بولارى انىق. حالىقتىڭ سەنىمىن اقتاۋدان باسقا ۇلى مۇرات جوق. بۇگىنگى نۇروتاندىقتار وسى ءسوزدىڭ ءتۇپ-توركىنىن تەرەڭ ۇعىنىپ، قوعامداعى وزەكتى ماسەلەلەردى دەر كەزىندە شەشۋگە بارىنشا اتسالىسادى.

ەل ءتۇرلى قيىندىقتار مەن كەدەرگىلەرگە ۇشىراعاندا Nur Otan-عا ءۇمىت ارتىپ، كومەك سۇراپ كەلەدى. وتكەن 8 ايدىڭ وزىندە ءبىزدىڭ وبلىستىق قوعامدىق قابىلداۋعا 5204 ارىز-شاعىم تۇسكەن. مۇندا كوتەرىلگەن ماسەلەنىڭ باسىم بولىگى شەشىمىن تاۋىپ، ءتيىستى كومەكتەر كورسەتىلدى. دەگەنمەن، قوردالانعان ماسەلەلەر جەتكىلىكتى. ونى ءبارىمىز كەڭەسە وتىرىپ كەلىسكەنىمىز دۇرىس. حالىقپەن بايلانىس جاڭاشا فورماتتا جاندانۋى ءتيىس.

راس، سوڭعى جىلدارى ءتۇيىندى تۇيتكىلدەر مىنبەلەردە ەمەس كوشەلەردە تالقىلاناتىن بولىپ ءجۇر. ياعني، ەلىمىزدە ازاماتتىق قوعاممەن ديالوگ ءالى دۇرىس ورنىعا العان جوق. بيلىك پەن حالىقتىڭ اراسىندا قوعامدىق ديالوگ دۇرىس ورنىقپاسا، ەلىمىزدەگى تاتۋلىق پەن تۇراقتىلىق تۋرالى ءسوز قوزعاۋ بەكەر بولادى. سوندىقتان ءاربىر مەملەكەتتىك قىزمەتكەر وسى بايلانىستىڭ دۇرىس ورنىعۋىنا وزىندىك ۇلەسىن قوسۋى ءتيىس. ءاربىر مەملەكەتشىل ازامات حالىقتىڭ مۇڭ-مۇقتاجىن تىڭداۋدان قاشپاۋ كەرەك. بيلىككە ءتۇيىندى تۇيتكىلدى دەر كەزىندە كورە بىلەتىن، ونىڭ شەشىلۋ جولىن تابا بىلەتىن ازاماتتار قاجەت. سوندا عانا كەز كەلگەن تۇيتكىلدىڭ ءتۇيىنىن تارقاتۋعا بولادى. وسى رەتتە قاسىم-جومارت كەمەل ۇلى «ەلباسىمىزدىڭ «ەل بىرلىگى – ەڭ باستى قاسيەت» دەگەن قاناتتى ءسوزى ءبىزدىڭ اينىماس قاعيدامىز. بەرەكە مەن بىرلىك، اقىل مەن پاراسات حالقىمىزدى ۇنەمى العا باستاپ كەلەدى. باعىتىمىز – ايقىن، جولىمىز – اشىق، بارلىعىمىز بىرگە بولساق ەلىمىز بۇدان دا زور تابىسقا جەتەدى دەپ سەنەمىن»، دەدى.

جولداۋدا كوتەرىلگەن تاعى ءبىر ماڭىزدى ماسەلەنىڭ ءبىرى – باس­پانا. پرەزيدەنت 2020 جىلدان باستاپ جىل سايىن 10 مىڭ وتباسى «باقىتتى وتباسى» باعدارلاماسى ارقىلى باسپانالى بولاتىنىن ايتتى. اتالعان باعدارلامانىڭ تيىمدىلىگى مول. ياعني، جەڭىلدىك مولشەرلەمەسى نەبارى  2 پايىزدى، العاشقى جارناسى 10 پا­يىزدى قۇرايدى. ەگەر ءبىز وسى باع­دار­لامانى تولىق ىسكە اسىرا الساق، قانشاما كوپ بالالى جانە مۇگەدەك بالا اسىرۋشى وتباسىلاردى، جاستاردى باسپانامەن قامتىعان بولار ەدىك. 

ەلدىڭ دامۋىن ءاربىر وتباسى سەزىنگەندە عانا بەرەكەلى قوعام ورنايدى. ال باسپانالى بولۋ سونىڭ باستى شارتى. بۇل باعىتتا سوڭعى جىلدارى ناتيجەلى جوبالار جۇزەگە اسۋدا. تۇركىستان قالاسىنىڭ وزىندە وتكەن اپتادا الەۋمەتتىك جاعىنان از قامتىلعان 700-دەي وتباسى باسپاناعا قول جەتكىزدى. بۇل جۇمىستار ەسەلەنەرى انىق.

مەملەكەت باسشىسى جەڭىل­دە­تىل­گەن سالىق جۇيەسى، بيزنەس­كە قولايلى جاعداي جاساۋ، الەۋ­مەتتىك-مادەني سالانى قولداۋ، بالا قۇقىعىن قورعاۋ باعىتتارى بو­يىنشا ەلىمىزدەگى باستى پروبلە­مالاردى اتاپ كورسەتتى. ەندى وسى تۇيتكىلدەردى تارقاتۋ ءۇشىن جۇمىلۋىمىز قاجەت.

 بەيسەنباي تاجىباەۆ

 

سوڭعى جاڭالىقتار

مۇراعاتتار مۇڭ شاعادى

ادەبيەت • كەشە

"Balapan" تەلەارناسىنا - 10 جىل

قازاقستان • كەشە

بۇگىن – ەڭبەك كۇنى

قازاقستان • كەشە

اقتاۋدا گەولوگتار اللەياسى اشىلدى

ايماقتار • 26 قىركۇيەك، 2020

شەكتەن شىققان احۋال جوق

ايماقتار • 26 قىركۇيەك، 2020

دەمالىس كۇندەرى اۋا رايى قانداي بولادى

اۋا رايى • 26 قىركۇيەك، 2020

ەپيزووتيكالىق جاعداي تۇراقتانۋدا

ايماقتار • 26 قىركۇيەك، 2020

وتكەن تاۋلىكتە 170 ادام جازىلىپ شىقتى

قازاقستان • 26 قىركۇيەك، 2020

قازاقستاندا تاعى 69 ادام ىندەت جۇقتىردى

كوروناۆيرۋس • 26 قىركۇيەك، 2020

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

ۇقساس جاڭالىقتار