قازاقستان • 10 قازان، 2019

بۇگىن ەلىمىزدىڭ كەي وڭىرلەرىندە قار ارالاس جاڭبىر جاۋى مۇمكىن

218 رەتكورسەتىلدى

10 قازان كۇنى قازاقستاننىڭ باسىم بولىگى انتيتسيكلون ىقپالىندا بولادى. سوعان بايلانىستى جاۋىن-شاشىنسىز اۋا رايى ساقتالادى. تەك سولتۇستىك-باتىستا جانە سولتۇستىكتە اتموسفەرالىق فرونتالدى بولىكتەردىڭ وتۋىنە بايلانىستى نايزاعاي ويناپ، جاڭبىر جاۋادى. سولتۇستىك-باتىستا – تۇندە جاۋىن-شاشىن (جاڭبىر، قار ارالاس جاڭبىر)، سولتۇستىكتە بۇرشاق جاۋى ىقتيمال. ەل بويىنشا جەكەلەگەن وڭىرلەردە تۇمان، ەكپىندى جەل، وڭتۇستىك-باتىستا شاڭدى داۋىل بولجانادى. بۇل تۋرالى قازگيدرومەت وكىلدەرى حابارلادى. 

اتاپ ايتقاندا، تاڭەرتەڭ جانە كۇندىز قىزىلوردا، كۇندىز اقمولا، سولتۇستىك قازاقستان وبلىستارىنىڭ كەي جەرلەرىندە نايزاعاي كۇتىلەدى، جەل 15-20 م/س كۇشەيەدى.

قىزىلوردا وبلىسىندا جەلدىڭ كۇشى ەكپىنى 25 م/س جەتەدى. سولتۇستىك قازاقستان وبلىسىندا بۇرشاق جاۋى ىقتيمال. قوستاناي وبلىسىنىڭ كەي جەرلەرىندە نايزاعاي، تۇمان، 15-20 م/س ەكپىندەگى جەل بولجانادى. جامبىل، ماڭعىستاۋ، اقتوبە وبلىستارىنىڭ كەي جەرلەرىن تۇمان باسىپ، جەلدىڭ كۇشى 15-20 م/س ارتادى. ماڭعىستاۋ وبلىسىندا-شاڭدى داۋىل كۇتىلەدى.

اتىراۋ، باتىس قازاقستان، تۇندە الماتى وبلىستارىنىڭ كەي جەرلەرىندە تۇمان بولادى. كۇندىز قاراعاندى وبلىسىنىڭ كەي جەرلەرىندە جەل كۇشەيەدى، كۇشى - 18 م/س. سونداي-اق تۇركىستان وبلىسىنىڭ باسىم بولىگىندە، قىزىلوردا وبلىسىنىڭ شىعىسىندا، جامبىل وبلىسىنىڭ باتىسىندا جانە قاراعاندى وبلىسىنىڭ وڭتۇستىك-شىعىس بولىگىندە، باتىس قازاقستان وبلىسىنىڭ ونتۇستىك-شىعىسىندا، شىعىس قازاقستان وبلىسىنىڭ سولتۇستىك-شىعىس بولىگىندە وتە جوعارى ءورت قاۋپى ساقتالادى. 

 

 

 

سوڭعى جاڭالىقتار

ۇقساس جاڭالىقتار