قوعام • 10 قازان، 2019

جۇمىس كوپ، ىستەيمىن دەگەن ىنتا جوق

56 رەتكورسەتىلدى

جىل باسىنان بەرى وبلىستىق كوشى-قون پوليتسياسىنىڭ قىزمەتكەرلەرى 3145 زاڭسىز ميگرانتتى اشكەرەلەگەن. ولاردىڭ باسىم بولىگى بەلگىلەنگەن مەرزىم ىشىندە تىركەۋگە تۇرماعان. قايسىبىرەۋلەرى ەڭبەك كەلىسىمشارتىن تولتىرماي، جۇمىسقا ورنالاسقان.

بىردە كوز تانىسىم جۇمىسقا ورنالا­سۋعا قول ۇشىن بەرۋىمدى ءوتىندى. ءوزىنىڭ ايتۋىنا قاراعاندا، جۇمىس جوق.

– قولايىڭا قانداي جۇمىس جاعا­دى؟–دەپ سۇرادىق ءبىز.

– جۇمىسى از، جالاقىسى كوپ، – دەپ جى­مي­دى الگى.

قالجىڭداپ تۇرعان شىعار دەپ ەدىم، شىنىن ايتىپ تۇر ەكەن.

– ونداي جۇمىس تابىلسا، ءوزىم-اق ورنالاسىپ المايمىن با؟، – دەپ جاۋاپ قاتتىق ازىلگە سۇيەپ.

جاڭاعىنىڭ جارتى اۋىز ءسوزى سەبەپ بولىپ، قالالىق جارنامالىق گا­زەت­ت­ەردى ءسۇزىپ شىقتىق. جۇمىس ىزدە­گەن­نەن جۇمىس­شى ىزدەگەن مەكەمە، كا­سىپورىن كوپ ەكەن. اسىرەسە، گازەلەكتر دانەكەرلەۋشى، سىلاق­شى-سىرشى، تو­كار، سلەسار، اۋىر جۇك كولى­گىن جۇر­­گىزۋشىلەر... جۇمىس بەرۋشىلەر جا­­­لاقى­­­سىنا دەيىن كورسەتىپتى. وعان قو­سا جۇمىس­­­­شىعا قانداي الەۋمەتتىك-تۇر­مىس­تىق جاعداي تۋعىزىلاتىنىندا. دەمەك، جۇ­مىس بار.

تاعى ءبىر دالەل كەلتىرە كەتەلىك، اق­مو­لا وبلىسىندا ۇستىمىزدەگى جىلدىڭ با­­­سى­­­نان بەرى 6844 ەڭبەك ميگرانتى تىر­كە­­لىپ­تى. ولاردىڭ ەكى مىڭنان استامى ەڭ­­بەك كەلىسىمىن ۇزارتقان. سارالاپ قا­را­سا­ڭىز، الىس-جاقىن شەتەلدەن كەلگەن الگى جۇمىسشىلار نەگىزىنەن اۋىل شارۋا­شى­­لى­­عى مەن قۇرىلىس سالاسىندا ەڭبەك ەتەدى ەكەن.

– مەملەكەتتىك قىزمەت كورسەتۋ ستان­دار­تىنىڭ بەكىتىلگەن ەرەجەسىنە ساي­كەس ەگەر تىر­كەۋگە تۇرۋ ەلەكتروندى پورتال ار­قىلى جۇ­زەگە اسسا، بار-جوعى 15 مينۋتتى قام­تي­دى، – دەي­دى وبلىستىق كوشى-قون قىز­مەتى باس­قار­ماسى باستىعىنىڭ مىندەتىن ات­قا­­رۋ­­شى اقىلبەك مادىعۇلوۆ، – بۇل تا­راپت­ا ەش­قانداي قيىندىق جوق. سولاي بولا تۇرا، تىر­كەلمەي جۇمىس ىستەۋشىلەر ازاي­ماي وتىر. اسى­رەسە، كوكتەم مەن كۇز مەزگىل­دە­رىن­دە دۇ­مەپ كەتەدى.

ەگەر ولكەدە جۇمىس بولماسا، جاڭاعى جەتى مىڭعا جۋىق ەڭبەك ميگرانتى نە ىس­تەپ ءجۇر؟ ال جەرگىلىكتى جۇرت ءبىر-بىرى­مەن ۋادە­لەسىپ قويعانداي اۋىزدارىن قۋ شوپ­پەن ءسۇرتىپ، «جۇمىس جوق» دەپ جايبا­راقات وتىر. تەگى كوپ نارسەنىڭ توركىنى ءوزىمىزدىڭ ەنجار­­لىعىمىزدان-اۋ.

 

اقمولا وبلىسى

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار