قازاقستان • 09 قازان، 2019

باقىتجان ساعىنتاەۆ مەگاپوليستى دامىتۋدىڭ 7 نەگىزگى باسىمدىعىن اتادى

33 رەتكورسەتىلدى

بۇگىن باقىتجان ساعىنتاەۆ ءال-فارابي اتىنداعى قازۇۋ-دىڭ ستۋدەنتتەرىمەن كەزدەسىپ، قالانى دامىتۋعا باعىتتالعان «الماتى-2050» ستراتەگيالىق جوباسىمەن ءبولىستى.

«الماتىنىڭ بولاشاعى – قالانىڭ ءوسىپ كەلە جاتقان جاس كاسىبي ماماندارىنىڭ، عالىمدارى مەن باسقارۋشى، كاسىپكەرلەر تولقىنىنىڭ قولىندا. جانە ءدال سىزدەر، بۇگىنگى ستۋدەنتتەر – قالانىڭ باعا جەتپەس ادامي كاپيتالىسىزدار»،  دەدى باقىتجان ساعىنتاەۆ.

دامۋ جوباسى 7 نەگىزگى ستراتەگيالىق باسىمدىققا نەگىزدەلگەن، العاشقىسى – عالامدىق اۋقىمداعى «اقىلدى» قالاعا اينالىپ، ءومىر ءسۇرۋ ساپاسى جونىنەن الەمنىڭ 100 ۇزدىك قالاسىنىڭ قاتارىنا ەنۋ.

2-باسىمدىق - الماتى شەتسىز قالاعا اينالۋى ءتيىس. «الماتى ءار اۋدانىنىڭ ءبىر-بىرىنە ۇقسامايتىن وزىندىك ەرەكشە ورىندارى بار كوپورتالىقتى قالا بولۋى ءتيىس»،  دەدى قالا اكىمى.  

ورتالىق پەن شەت جاقتاردىڭ اراسىنداعى ءومىر ءسۇرۋ دەڭگەيلەرىنىڭ ايىرماشىلىعىن ازايتۋ ءۇشىن «جاڭا الماتى» جوسپارى ءتۇزىلدى. ونىڭ باستى ماقساتى – تاياۋ بەسجىلدىقتا قالانىڭ بارلىق اۋداندارىنداعى سۋمەن قامتاماسىز ەتۋ، جارىقتاندىرۋ، اۋلالاردى اباتتاندىرۋ، قوعامدىق كولىك، باسپانا قۇرىلىسى، بالاباقشا، مەكتەپ پەن جول ماسەلەسىن شەشۋ.

الماتى سونداي-اق ادامعا قاراي ورايلاستىرىلعان قالا بولۋى كەرەك. ياعني، ءار تۇرعىنعا باعىتتالعان، ءار ءتۇرلى باستامالارعا اشىق قالاعا اينالدىرۋدى جوسپارلاپ وتىرمىز»، دەپ ءسوزىن ءتۇيىپ  ءوتتى قالا باسشىسى.

باقىتجان ساعىنتاەۆ ستۋدەنتتەردى ەرىكتىلەر قوزعالىسىنا بەلسەنە قاتىسىپ، قالانى ىزگىلەندىرۋگە جول كورسەتۋگە شاقىردى. «مەنىڭ ۇستانىمىم: قالانى باسقارۋ قالا تۇرعىندارىمەن تىعىز بايلانىستا ءوربۋى كەرەك. ءبىزدىڭ مەگاپوليس اۋقىمىندا «ەستيتىن مەملەكەت» ءپرينتسيپىن جۇزەگە اسىرۋ شارت»، دەدى قالا باسشىسى.

ءتورتىنشى باسىمدىق – قىلمىس پەن تەحنوگەندىك قاۋىپ دەڭگەيى وتە تومەن قاۋىپسىز قالا قالىپتاستىرۋ. بۇل ماقساتتى جۇزەگە اسىرۋ ءۇشىن اقىلدى قالا تەحنولوگياسى ەنگىزىلەدى – ول ءۇشىن قاۋىپسىزدىككە تونگەن قاتەردى بىردەن انىقتاپ، شەشىم قابىلداۋعا مۇمكىندىك بەرەتىن كامەرالار، داتچيكتەر، اناليز Big Data ساراپتامالار، جاساندى ينتەللەكت قالىپتاستىرۋ كەرەك.

2020 جىلدىڭ سوڭىنا دەيىن حالىق كوپ جينالاتىن جەرلەردە ادامداردىڭ ءتۇرىن تانيتىن، بەينەتالداۋ جاساي الاتىن ينتەللەكتۋالدى جۇيەسى بار 1000 كامەرا ورناتۋ جوسپارلانۋدا. تابيعات پەن قالالىق ورتانى بىرىكتىرەتىن جوعارى ەكولوگيالىق ستاندارتقا يە جاسىل قالا قۇرۋ – بەسىنشى باسىمدىق. ء«بىز بىرنەشە جىلدا قالانىڭ كوگال قورىن تۇبەگەيلى جاڭارتامىز، Jasyl Almaty باعدارلاماسى بويىنشا ەڭ ءبىرىنشى كەزەكتە شەت ايماقتار قامتىلاتىنداي، جالپى 1 ملن اعاش وتىرعىزامىز»،   دەدى باقىتجان ساعىنتاەۆ.

اكىم بارشا جۇرتتى 12 قازاندا كوك-توبەدە وتەتىن سەنبىلىككە بەلسەنە قاتىسۋعا شاقىردى.

الماتىنىڭ جاڭا جىبەك جولى بويىندا ورنالاسقان ەلىمىزدىڭ ىسكەرلىك ورتالىعى رەتىندەگى پوزيتسياسىن نىعايتۋ التىنشى باسىمدىق بولىپ تابىلادى.

ء«بىز 2050 جىلى ءججو-ءدى ءار ادام باسىنا شاققاندا 2،5 ەسە ۇلعايتۋدى ماقسات ەتىپ وتىرمىز»، دەدى اكىم.

ول ءۇشىن ءبىزدىڭ ونىمدەر مەن قىزمەتتەر الەمدىك نارىقتا سۇرانىسقا يە جانە باسەكەگە قابىلەتتى بولۋى كەرەك».

جەتىنشى ستراتەگيالىق باسىمدىق - الماتى مادەني كرەاتيۆتى قالاعا اينالۋى كەرەك. ساعىنتاەۆتىڭ پىكىرىنشە، ول ءۇشىن مادەني كەڭىستىكتەردى الەمدىك مادەني ترەندتەرگە لايىقتاپ قايتا جۇكتەۋ شارت.

ء«بىز ستراتەگيا قۇجاتىنىڭ جوباسىن ارنايى سايت پەن قالالىق باق ارقىلى قوعامدىق تالقىلاۋعا جىبەرەمىز. مەن سىزدەردى جانە بارشى قالا تۇرعىندارىن وسىعان بەلسەنە قاتىسۋعا شاقىرامىن»، دەپ تۇيىندەدى الماتى اكىمى باقىتجان ساعىنتاەۆ.

سوڭعى جاڭالىقتار

ۇقساس جاڭالىقتار