ايماقتار • 09 قازان، 2019

ەمىزىك جۇتقان ءسابي امان قالدى

49 رەتكورسەتىلدى

«جازىم بولسا بىلامىققا ءتىس سىنار» دەمەكشى، بەينەتتىڭ جەڭىلى جوق جانە تاپ بولمايتىن جەرى دە جوق.

جاڭاوزەن قالاسىنىڭ ەكى  جا­سار تۇرعىنى ابىلايحان ساتى­بالدى ويناپ وتىرىپ اۋزىنداعى ەمىزىكتى جۇتىپ قويعان. شاشال­عان بالانى اتا-اناسى شۇعىل ماڭعىستاۋ وبلىستىق بالالار اۋرۋ­حاناسىنا جەتكىزەدى. ال بۇل كەزدە  توقتاۋسىز قۇسىپ، السىرە­گەن بالدىرعاننىڭ دەنەسى قۇرعاي باستاعان بولاتىن.

اقتاۋ قالاسىنداعى بالالار اۋرۋحاناسىنا جەتكىزىلگەن بويدا دارىگەرلەر بالانى رەنتگەنگە ءتۇسىرىپ، ىشەكتە كەدەرگى بارىن انىق­تاپ، شۇعىل ەندوسكوپيالىق وتا جاسايدى. ماڭعىستاۋ وبلىس­تىق كوپبەيىندى بالالار اۋرۋحا­ناسى تراۆموتولوگيا-ورتوپەديا ءبولىمىنىڭ مەڭگەرۋشىسى، جوعا­رى ساناتتى بالالار حيرۋرگى قۇر­­مان قايرانوۆتىڭ ايتۋىنشا، ال­عاشىندا دياگنوز قويۋ قيىن بولعان، سەبەبى رەنتگەنگە ت­ۇسىرگەندە ەمىزىك كورىنبەگەن، الايدا ىشەك وتكىزبەۋشىلىگىنىڭ بەلگىسى بولعان.

ەگەر دە اتا-انا ۋاقتىلى دارىگەرگە حابارلاسپاعاندا بالا­نىڭ ەكسيكوزعا ءتۇسىپ كەتۋى مۇمكىن ەدى، سەبەبى تاماق پەن سۋ ىشپەگەن جاعدايدا دەنە قۇرعاپ كەتەدى، ناتيجەسىندە السىزدىك پايدا بولادى. بۇل جەردە ەڭ باستىسى بالا ۋاقىتىندا جەتكىزىلىپ، وعان جەدەل كومەك كورسەتىلدى. يمفۋزيالىق ەم تاعايىندالدى. بۇگىندە ەندوس­­كوپيالىق حيرۋرگيانىڭ دامى­عانى سونشالىق، ۇلكەن كەسىندى جاساماي جانە ىشكى قۇرىلىسىن اشپاي، ىشىنە كىرىپ قاجەتتى كومەك جاسالىپ وتىر. 

– اۋرۋحاناعا العاشقى تۇسكەن كەزى اۋىر دەۋگە بولادى. سەبەبى ىشكەن استىڭ بارلىعىن كەرى قاي­تارىپ جاتتى. بوزارىپ، تاماق پەن سۋ ىشە الماعاسىن شولدەگەنى سونشالىق بالانىڭ دەنەسى قۇر­عاي باستاعان. اتا-اناسىنىڭ رۇقساتىن الىپ، وتا جاسالدى. وتا ءساتتى اياقتالدى، بالانىڭ قازىرگى جاعدايى جاقسى، تاماق پەن سۋسىن ءىشىپ جاتىر. مەنىڭ 21 جىلدىق تاجىريبەمدە وسىعان ۇقساس جاع­دايلار بولىپ تۇراتىن. كوبىنە تيىن، پلاستيكالىق كىشكەنتاي ويىنشىق، جۇلدىزشانى جۇتىپ قويعان بالانىڭ وڭەشىنەن الىپ ءجۇرمىز، – دەيدى دارىگەر ق.قاي­رانوۆ.

قيىن جاعدايدى بولدىرماس ءۇشىن دارىگەرلەر اتا-انالار بالاعا مۇقيات بولسا دەگەندى ايتادى، اسىرەسە كىشكەنتاي بالانىڭ ءاربىر قيمىلىن قاداعالاعان دۇرىس.

قازىر «ەمىزىك جۇتقان ەردىڭ» جاعدايى جاقسى، دەنساۋلىعىنا ءتونىپ تۇرعان قاۋىپ جوق. ەندى ەكى  جاسار ابىلايحان ساتىبالدى ۇيىنە جىبەرىلمەك.

 

 

ماڭعىستاۋ وبلىسى

 

سوڭعى جاڭالىقتار

ۇقساس جاڭالىقتار