الەم • 08 قازان، 2019

ازەربايجان پرەزيدەنتى باعداد امىرەەۆتى قابىلدادى

104 رەتكورسەتىلدى

ازەربايجان رەسپۋبليكاسىنىڭ پرەزيدەنتى يلحام اليەۆ تۇركى كەڭەسىنىڭ باس حاتشىسى باعداد امىرەەۆتى قابىلدادى. بۇل تۋرالى ۇيىمنىڭ ءباسپاسوز قىزمەتى حابارلادى

باس حاتشى ب.امىرەەۆ پرەزيدەنت اليەۆتى جاقىندا تۇركى كەڭەسىنە مۇشە مەملەكەتتەردىڭ پرەزيدەنتتەرىمەن جۇرگىزگەن سۇحباتتارى، سونداي-اق 15 قازاندا باكۋدە وتەتىن تۇركى كەڭەسىنىڭ 7-ءشى سامميتىنە دايىندىق تۋرالى حاباردار ەتتى. سامميتپەن تۇسپا-تۇس كەلەتىن تۇركى كەڭەسى قۇرىلۋىنىڭ 10 جىلدىعىنا دا توقتالىپ، وسى تۇرعىدا ۇيىمداستىرىلاتىن ءىس-شارالار تۋرالى اڭگىمەلەدى.

باس حاتشى سونداي-اق پرەزيدەنت اليەۆكە تۇركى كەڭەسىنىڭ كۇن تارتىبىنە ەلەۋلى قولداۋ كورسەتكەنى جانە ۇيىم اياسىنداعى ىنتىماقتاستىق پروتسەسىندەگى ازەربايجاننىڭ سىندارلى جانە بەلسەندى ءرولى مەن تۇركىتىلدەس مەملەكەتتەر اراسىنداعى كوپجاقتى قاتىناستاردى دامىتقانى ءۇشىن العىس ايتتى.

ءوز كەزەگىندە ي.اليەۆ الداعى ءسامميتتىڭ ەرەكشە ماڭىزدىلىعىن اتاپ ءوتتى. ول وزبەكستاننىڭ تۇركى كەڭەسىنە قوسىلۋىنا جانە 2019 جىلدىڭ 19 قىركۇيەگىندە ماجارستاندا (بۋداپەشت) تۇركى كەڭەسىنىڭ ەۋروپالىق كەڭسەسىنىڭ اشىلۋىنا قاتىستى قۋانىشىن ءبىلدىردى. بۇل كەڭسە كەڭەستىڭ ەۋروپالىق وداق ەلدەرىمەن جانە باسقا دا ەۋروپاداعى حالىقارالىق ۇيىمدارمەن قارىم-قاتىناسىن جاقسارتۋعا باعىتتالعان.

جۇزدەسۋ بارىسىندا پرەزيدەنت پەن باس حاتشى مەملەكەت باسشىلارىنىڭ تۇركى ىنتىماقتاستىعىنىڭ ەكونوميكالىق اۋقىمىن كەڭەيتۋ جونىندەگى شەشىمدەرىنىڭ ورىندالۋ بارىسىن تالقىلادى. وسىعان بايلانىستى باس حاتشى ب.امىرەەۆ وزبەكستان ۇكىمەتىنىڭ ۇيىمداستىرۋىمەن وتكەن تۇركىتىلدەس مەملەكەتتەردىڭ بىرىككەن ساۋدا-ونەركاسىپتىك پالاتاسىنىڭ ءى بيزنەس جانە ينۆەستيتسيالىق فورۋمىنىڭ ناتيجەلەرى تۋرالى باياندادى.

پرەزيدەنت يلحام اليەۆ مۇشە مەملەكەتتەر مەن تۇركى كەڭەسى حاتشىلىعىنىڭ بىرلەسكەن كۇش-جىگەرىنىڭ ارقاسىندا تۇركى كەڭەسىنىڭ الداعى ءسامميتى بارلىق تۇركى حالىقتارىنىڭ يگىلىگى ءۇشىن تابىستى تاريحي وقيعا بولادى دەپ سەنىم ءبىلدىردى.

سوڭعى جاڭالىقتار

ساپارداعى سىر

رۋحانيات • كەشە

اقاڭنىڭ اماناتى

رۋحانيات • كەشە

تارالىم ءھام قارالىم

100 • 21 قاراشا، 2019

«ەگەمەن» ەستەن شىقپايدى

100 • 21 قاراشا، 2019

تارحان تەكتى رەداكتور

100 • 21 قاراشا، 2019

ءجۇز جىل

100 • 21 قاراشا، 2019

ۇشقىر ويلار ۇشقىندارى

100 • 21 قاراشا، 2019

ۇلكەن جولدىڭ ۇزىكتەرى

100 • 21 قاراشا، 2019

ينۆەستيتسيا – دامۋ داڭعىلى

ايماقتار • 21 قاراشا، 2019

ۇقساس جاڭالىقتار