قازاقستاننىڭ 7 سپورتتىق كلۋبىنان كەلگەن 100-دەن اسا سپورتشى 7 سالماق دارەجەسى بويىنشا سىنعا ءتۇستى. ارميالىق سپورتشىلار ەلىمىزدىڭ ءتۇرلى سپورت كلۋبتارىنان كەلگەن, اتاپ ايتقاندا, الماتى قالاسىنىڭ «Qazaq kuresi», قاراعاندى قالاسىنىڭ «قاراعاندى قازاق كۇرەسى» جانە «زاككار», نۇر-سۇلتان قالاسىنىڭ «ەلوردا باتىرلارى» مەن جامبىل وبلىسىنىڭ «جەكپە-جەك» كلۋبتارى قارسىلاستارى ءبىر-بىرىمەن كەزدەستى.
«اتالعان تۋرنير, 6-7 جەلتوقسان ارالىعىندا الماتى قالاسىندا وتەتىن كونفەدەراتسيالار كۋبوگىنا ىرىكتەۋ بولدى. بۇل تۋرنير وزىنە دزيۋدو, قازاق كۇرەسى, تاەكۆوندو, بوكس, ەركىن جانە گرەك-ريم كۇرەسى سىندى سپورتتىڭ بەس ءتۇرى بويىنشا سايىسقا تۇسەتىندىگىمەن جانە دە «قابىرعادان قابىرعاعا» فورماتىندا وتەتىندىگىمەن ەرەكشەلەنىپ وتىر. ءبىزدىڭ سپورتشىلار جاقسى ناتيجە كورسەتىپ, اتالعان كۋبوكقا جولداما الدى. اوسك قۇرامىنا قر قم اوسك مەرزىمدى قىزمەتتە جۇرگەن قاتارداعى جاۋىنگەرلەر ەراسىل ساكەن ۇلى مەن ەركەبۇلان ابدۋللا كىردى», دەپ اتاپ ءوتتى قازاق كۇرەسى بويىنشا كوماندانىڭ باستىعى اسان مامبەتقۇلوۆ.
