قازاقستان • 08 قازان، 2019

مەكەنجاي انىقتاماسى كۇشىن جويادى

81 رەتكورسەتىلدى

قازاقستاندا ەڭ كوپ سۇرا­نىس جاسالاتىن مەكەنجاي انىقتا­ما­سى ەندى اتىمەن بولمايدى. 2019 جىل­دىڭ 1 قاراشاسىنان باس­تاپ مەكەنجاي انىقتاماسىن الىپ تاستايدى. بۇدان بىلاي ازامات­تاردىڭ تۇرعىلىقتى مەكەنجايى تۋرالى مالىمەت مەملەكەتتىك ور­گان­داردىڭ بىرىكتىرىلگەن بازاسىندا ساقتالادى.

ايتا كەتەتىنى، جىل سايىن حا­لىققا قىزمەت كورسەتۋ ورتالى­عى­نا 4،5 ميلليوننان استام مەكەن­جاي انىقتاماسىن الۋعا ءوتى­نىش جا­سالاتىن كورىنەدى. بۇل اقپارات جۇ­مىسقا ورنالاسۋ، مەكتەپكە، بالا­باقشالارعا جانە مەديتسينالىق مە­كەمەلەر­گە رەسىمدەۋ كەزىندە تالاپ ەتى­لىپ كەلگەن ەدى. بۇل تۋرالى Astana Hub-تا وتكەن «تسيفرلىق كۇز» شاراسىندا كەڭىنەن اتالىپ ءوتتى. سونىمەن قاتار تسيفر­لىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇما­عاليەۆ وسى جىلدىڭ كۇزىنەن باستاپ eGov-تىڭ جاڭارتىلعان موبيل­دىك قولدانباسىنىڭ زاماناۋي مۇم­كىندىكتەرى جايلى ءسوز قوزعادى.

ء«بىز مەملەكەتتىك قىزمەت­تەردى ءموبيلدى تۇردە الۋعا باسا كوڭىل ءبولىپ وتىرمىز. ويتكەنى بۇگىنگى كۇنى ازاماتتاردىڭ بارىندە سمارتفون بار. سول سەبەپتى، eGov-تىڭ موبيلدىك قوسىمشاسىن جاڭارتۋ جۇ­مىس­تارى باستالعان كەزدە، ارىپ­­تەستەرىمە، ەڭ ءبىرىنشى كەزەكتە، بۇل قوسىمشانى وزدەرىڭىزدىڭ انالارىڭىز پايدالانا الاتىنداي ەتىپ جاساڭىزدار دەپ ۇسىندىم. ويتكەنى قوسىمشا قىزمەتتى وڭاي ءارى جىلدام الۋ ءۇشىن ول وتە ىڭعايلى بولۋى كەرەك»، دەدى ا.جۇماعاليەۆ.

ءمينيستردىڭ ايتۋىنشا، جاڭا قولدانبانىڭ كومەگىمەن قىزمەتتى ساۋساقپەن ءبىر باسۋ ارقىلى الۋعا بولادى. ءموبيلدى قولدانبانىڭ Beta-نۇسقاسى PlayMarket جانە AppStore-دە جاقىن بولاشاقتا قولجەتىمدى بولماق. ونىڭ كومەگىمەن 23 قىز­مەتتى الۋعا، ەتسق-عا ءوتىنىم بەرۋگە جانە ونىڭ ارەكەت ەتۋ مەرزىمىن ۇزار­تۋعا بولادى.

«ۇلتتىق اقپاراتتىق تەحنولو­گيا­لار» اق باسقارما توراعاسى اسەت تۇرىسوۆ ءموبيلدى قوسىمشانى ازىرلەۋشىلەر ەلەكتروندى تسيفرلىق قولتاڭبانى پايدالانۋدى بارىنشا حالىققا ىڭعايلى ءارى ۇيرەنشىكتى ەتىپ جاساعانىن ايتتى.

«جاڭا ءموبيلدى قولدانبانى پايدالانۋ ءۇشىن ازامات ەتسق-نى اسا قاجەت ەتپەيدى. ءبىز ءبارىمىز تەلە­فوننىڭ قۇلپىن ساۋساق ىزىمەن نە­مەسە FaceID ارقىلى اشۋدى ادەت­كە اينالدىردىق. ءدال سولاي وسى قوسىمشادا ەتسق-نى بيو­مە­­ترياڭىزعا بايلاپ، قىزمەتكە تاپ­سىرىس بەرگەن كەزدە ءوزىڭىزدىڭ TouchID نەمەسە faceID ارقىلى سۇ­راۋىڭىزدى راستاي الاسىز»، دەدى ءا.تۇرىسوۆ.

حالىق اراسىندا كەڭ تارال­عان تەلەگراممداعى ەGov بوتى ارقىلى بۇگىندە 15 قىزمەت ءتۇ­رىن لەزدە ءارى ەش قيىندىقسىز الۋعا بولادى. ءدال وسىنداي جۇيە ۆكونتاكتە جانە فەيسبۋك سياق­تى الەۋمەتتىك جەلى­لەرگە دە ەنگىزىلدى.

«ازاماتتارعا ارنالعان ۇكى­مەت» اق باسقارماسىنىڭ توراعا­سى اسەمگۇل بالتاشەۆا الداعى ۋاقىتتا بىرقاتار قىزمەتتىڭ «بەلسەندى» بولاتىنىن، ول ءۇشىن ازاماتتارعا تەك sms-حابار­لا­ماعا جاۋاپ بەرۋ قاجەتتىگىن ايت­تى.

«بۇدان وزگە، بالا تۋدى تىركەۋ، نەكەنى تىركەۋ نەمەسە بۇزۋ، بالا اسىراپ الۋ قىزمەتتەرىن ءوزىڭىز قالاعان حقو-دان الۋ مۇمكىندىگى پايدا بولادى»، دەدى ءا.بالتاشەۆا.

بيىلعى كۇزدىڭ تسيفرلىق جاڭا­لىق­­تارىن سالىق تولەم­دەرىن جۇيەلى تۇردە جەڭىلدەتۋ جۇمىستارى تۇيىن­دەپ بەردى. قارجى ۆيتسە-ءمينيسترى رۋسلان ەڭسەباەۆتىڭ ايتۋىنشا، ازامات­تارعا سالىق تولەمدەرى تۋرالى ال­دىن الا حابار بەرۋ قىزمەتى ىسكە قوسىلعان.

«سالىقتى تولەۋ دە جەڭىل­دەتىلدى. بۇرىنعىداي سالىق ورگان­دارىنىڭ كودتارىن ەنگىزۋدىڭ قا­جەتى جوق، تەك ساۋساعىڭىزبەن ءبىر رەت باسا وتىرىپ، بانكتىك قول­دان­بالار ارقىلى سالىق تولەي الاسىز. مۇنداي فۋنكتسيونال Kaspi بانكتە ىسكە اسىرىلدى، ال جاقىن ارادا «حالىق بانكى» ىسكە قوسادى»، دەدى ر.ەڭسەباەۆ.

مۇنىڭ ءبارى حالىقتىڭ ۋاقىتىن ۇنەمدەپ، جۇمىسىن جەڭىلدەتۋگە ىقپال ەتپەك. ەڭ باستىسى، كەز كەلگەن ۋاقىتتا، ەشقايدا شىقپاي-اق قالاعان قۇجاتىڭىزعا قول جەتكىزە الاسىز.

سوڭعى جاڭالىقتار

ساپارداعى سىر

رۋحانيات • كەشە

اقاڭنىڭ اماناتى

رۋحانيات • كەشە

تارالىم ءھام قارالىم

100 • 21 قاراشا، 2019

«ەگەمەن» ەستەن شىقپايدى

100 • 21 قاراشا، 2019

تارحان تەكتى رەداكتور

100 • 21 قاراشا، 2019

ءجۇز جىل

100 • 21 قاراشا، 2019

ۇشقىر ويلار ۇشقىندارى

100 • 21 قاراشا، 2019

ۇلكەن جولدىڭ ۇزىكتەرى

100 • 21 قاراشا، 2019

ينۆەستيتسيا – دامۋ داڭعىلى

ايماقتار • 21 قاراشا، 2019

ۇقساس جاڭالىقتار