فورۋمعا ەكى ەلدىڭ ىسكەرلىك ورتالارىنىڭ 200-دەن استام وكىلدەرى قاتىستى. فورۋم شەڭبەرىندە ينۆەستيتسيالىق جانە ساۋدا-ەكونوميكالىق سالالارىنىڭ پەرسپەكتيۆتى جوبالارى قارالدى, نەمىس كومپانيالارىمەن جالپى سوماسى شامامەن $700 ملن-عا ينۆەستيتسيالىق جوبالاردى ىسكە اسىرۋ تۋرالى ۋاعدالاستىققا قول جەتكىزىلدى. بۇدان وزگە, LindeGas, SMS Group, CLAAS Group سياقتى جانە تاعى باسقا كومپانيالارمەن ىنتىماقتاستىق پەرسپەكتيۆالارى تالقىلاندى.
ءسوز سويلەۋ بارىسىندا رومان سكليار وسى بيزنەس فورۋم ساۋدا-ەكونوميكالىق جانە ينۆەستيتسيالىق ىنتىماقتاستىقتى بەلسەندەندىرۋ, لوگيستيكا سياقتى وزەكتى سالالاردا سەرىكتەستىكتىڭ دامۋىنا سەرپىن بەرۋ, سونداي-اق ەكىجاقتى ءوزارا ءىس-قيمىلدىڭ جاڭا مۇمكىندىكتەرىن اشۋ ءۇشىن جاقسى الاڭ بولعانىن اتاپ ءوتتى.
قازاقستان رەسپۋبليكاسىنىڭ ۇكىمەتى باسشىسىنىڭ ورىنباسارى اتاپ وتكەندەي, گەرمانيا ۇزاق جىلدار بويى قازاقستاننىڭ ستراتەگيالىق سەرىكتەسى مەن سەنىمدى دوسى بولىپ كەلەدى, ديپلوماتيالىق قاتىناستار ورناتىلعان 27 جىل ىشىندە ەلدەرىمىز اراسىندا ىنتىماقتاستىقتىڭ ىرگەسى مىقتى ارحيتەكتۋراسى قۇرىلدى.
بۇدان وزگە, كوپ جىلدار بويى گەرمانيا قازاقستاننىڭ جەتەكشى سىرتقى ەكونوميكالىق سەرىكتەستەرىنىڭ ءبىرى. مىسالعا, 2018 جىلدىڭ قورىتىندىسى بويىنشا تاۋار اينالىمى تاريحي ماكسيمۋم 5,1 ملرد ەۋروعا جەتتى, بۇل گەرمانيانىڭ ورتالىق ازيانىڭ بارلىق ەلدەرىمەن سىرتقى ساۋداسىنىڭ شامامەن 85%-ىن قۇرايدى. بۇل رەتتە, سوڭعى 14 جىلدا نەمىس كومپانيالارى قازاقستانعا شامامەن $5 ملرد ينۆەستيتسيالادى.
قازاقستان-گەرمان قاتىناستارىنىڭ ماڭىزدى كەزەڭدەرىنىڭ ءبىرى, بۇل قازاقستان مەن گەرمانيانىڭ ساياسي, ەكونوميكالىق جانە ساراپشىلىق ورتالارىنىڭ وكىلدەرى ءۇشىن فورمالدى ەمەس الاڭ رەتىندە ساۋدا-ەكونوميكالىق ىنتىماقتاستىق جونىندەگى ۇكىمەتارالىق جۇمىس توبى ء(ۇاجت), ستراتەگيالىق ىنتىماقتاستىق جونىندەگى قازاقستان-گەرمان ىسكەرلىك كەڭەسى, سونداي-اق بەرلين ەۋرازيالىق كلۋبى سياقتى قۇرىلىمداردىڭ اشىلۋى مەن بەلسەندى جۇمىسى.
ءسوزىن قورىتىندىلاي كەلە رومان سكليار نەمىس بيزنەسى ءۇشىن ءبىزدىڭ ەل ورتالىق ازياداعى سەنىمدى سەرىكتەس ەكەنىن اتاپ ءوتتى. بۇگىن قازاقستان بيزنەس جۇرگىزۋ ءۇشىن ەڭ قولايلى شارتتار ۇسىنادى, سەبەبى بيزنەسمەندەردىڭ بارلىق باستامالارى مەملەكەت پەن ۇكىمەتتىڭ تاراپىنان ۇنەمى قولداۋ تابادى.
