57 ەلدىڭ پارلامەنتشىلەرى قاتىسقان اسسامبلەيا سەسسياسىنىڭ نەگىزگى تاقىرىبى جەرورتا تەڭىزى ايماعىنداعى قاۋىپسىزدىكتى كۇشەيتۋ جولدارىن, سونداي-اق, كليماتتىڭ وزگەرۋى مەن ەقىۇ كەڭىستىگىندەگى ەكولوگيالىق كوشى-قون ماسەلەلەرىن تالقىلاۋعا ارنالدى.
ت.مۇقاشەۆ شاراعا قاتىسۋشىلارعا ء«دىن نەمەسە سەنىم نەگىزىندەگى توزبەۋشىلىكپەن جانە كەمسىتۋشىلىكپەن كۇرەس» ءۇشىنشى سەسسياسى اياسىندا توزىمدىلىك پەن جاھاندىق دىنارالىق ۇنقاتىسۋدى ىلگەرىلەتۋ جونىندەگى وتاندىق تاجىريبەنى تانىستىردى. قازاقستاننىڭ تۇڭعىش پرەزيدەنتى – ەلباسى ن.ءا.نازارباەۆتىڭ الەمدىك جانە ءداستۇرلى دىندەر ليدەرلەرى سەزىن شاقىرۋ جونىندەگى باستاماسىن جانە مەملەكەت باسشىسى ق.ك.توقاەۆتىڭ بەلگىلەگەن باعىتىن جالعاستىراتىنىن اتاپ ءوتىپ, سەناتور راديكاليزمگە توزبەۋشىلىك پەن ونىمەن كۇرەستىڭ سالدارىن بولدىرماۋ جونىندەگى جۇيەلى جانە الدىن الا اتقارىلاتىن شارالارعا توقتالدى.
ت.مۇقاشەۆ ءوز سوزىندە تەرروريزمنىڭ ورتاق انىقتاماسىن جاساۋ, تەرروريستىك جانە ەكسترەميستىك ۇيىمداردىڭ, حالىقارالىق قىلمىستىق توپتاردىڭ بىرىڭعاي ءتىزىمىن قالىپتاستىرۋ تۋرالى ەلباسىنىڭ ۇسىنىسىن ەرەكشە اتاپ ءوتتى.
اسسامبلەيا اياسىندا سەناتورلار ت.مۇقاشەۆ پەن ع.دۇيسەمباەۆ ەقىۇ پا توراعاسى گەورگي تسەرەتەليمەن, ماروككوداعى كوشى-قون حالىقارالىق ۇيىمى بيۋروسى ديرەكتورىنىڭ ورىنباسارى تەرەزا بوتەللامەن, امەريكاندىق سەناتور رودجەر ۋيكەرمەن جانە مىسىر, ماروككو, رەسەي, تاجىكستان مەن تۇركيا دەپۋتاتتارىمەن بىرقاتار كەزدەسۋ وتكىزدى. كەزدەسۋ بارىسىندا اسسامبلەيانىڭ كۇن ءتارتىبى, سونداي-اق, بيو الۋانتۇرلىلىك پەن ەكولوگيا ماسەلەلەرىنە قاتىستى پىكىر الماسۋ بولدى.
