قازىرگى تاڭدا اۋداندا 15 مەكتەپ جانە 1 ليتسەي بار, وندا 32 635 بالا ءبىلىم الادى. بيىل 2019 جىلى وبلىستىق بيۋدجەتتەن باتىر اۋىلدىق وكرۋگىنەن 960 ورىندىق مەكتەپتىڭ قۇرىلىسىنا قارجى ءبولىنىپ, قۇرىلىس جۇمىستارى باستالدى. نىسان 2020-2021 وقۋ جىلىنا قولدانىسقا بەرىلەتىن بولادى.
سونىمەن قاتار اعىمداعى جىلى اتامەكەن اۋىلدىق وكرۋگى مەن باسقۇدىق اۋىلدىق وكرۋگىندەگى قولدانىستاعى مەكتەپكە قوسىمشا ارقايسىسى 320 ورىندىق مەكتەپتەردىڭ قۇرىلىس جۇمىستارى اياقتالىپ, قولدانىسقا بەرىلدى دەدى وڭىرلىك كوممۋنيكاتسيالار قىزمەتى الاڭىندا وتكەن بريفينگتە مۇنايلى اۋدانىنىڭ اكىمى راحات ەلتيزاروۆ.
وقۋشىلار تاسىمالىن بولدىرماۋ جانە 3 اۋىسىمدى وقىتۋدى جويۋ ماقساتىندا جاڭا مەكتەپتەردىڭ قۇرىلىسىن باستاۋ قاجەت.
قازىرگى تاڭدا قىزىلتوبە-2 تۇرعىن ءۇي ماسسيۆىنەن 1200 ورىندىق مەكتەپ, ماڭعىستاۋ اۋىلىنىڭ بەسشوقى تۇرعىن ءۇي ماسسيۆىندە 1200 ورىندىق مەكتەپ, باسقۇدىق اۋىلدىق وكرۋگىنەن 600 جانە 1200 ورىندىق مەكتەپ, باتىر اۋىلىنان 1200 ورىندىق مەكتەپ قۇرىلىستارىنىڭ جوبالىق-سمەتالىق قۇجاتتاماسى جاساقتالىپ, مەملەكەتتىك ساراپتاماعا تاپسىرىلعان.
راحات تەزەكباي ۇلىنىڭ مالىمدەۋىنشە, «3 پەن 6 جاس ارالىعىنداعى بالالاردىڭ مەكتەپكە دەيىنگى ۇيىمدارمەن قامتۋ 98,2% قۇرايدى, ول كورسەتكىش وتكەن جىلى سالىستىرمالى ۋاقىتتا -93,6% -دى قۇراعان بولاتىن.
