وڭىرلىك كاسىپكەرلەر پالاتاسىنىڭ ديرەكتورى نۇربەك قاراساەۆ ەلدى مەكەندەردە سكرينينگ جۇرگىزۋ اۋدان اكىمدەرىنىڭ قاتىسۋىمەن بەلسەندى ءجۇرىپ جاتقانىن باياندادى. سونان سوڭ كاسىپكەرلەرگە جەر, ونداعى كوممۋنيكاتسيا جايى كورسەتىلگەن اقپاراتتى جاريا تۇردە الۋدا قيىندىقتار تۋىنداعانىن جەتكىزدى. مۇنان بولەك كاسىپكەرلەرگە قىزمەت كورسەتۋ ورتالىعىن جەرگىلىكتى بيۋدجەت ەسەبىنەن قارجىلاندىرۋ جولىن ۇسىندى. ماماندىققا دايارلاۋ سالاسىندا كاسىپكەرلەر پالاتاسى سەنىمگەرلىكپەن باسقارۋعا دايىن ەكەنىن اتاپ ءوتتى.
-وبلىستاعى 16 كوللەدجدىڭ 7-ەۋى سەنىمگەرلىكپەن باسقارۋعا بولاتىندىعى جونىندە ءبىلىم باسقارماسىمەن بىرلەسىپ تالداۋ جۇرگىزدىك. بۇل مەملەكەت شىعىنىن ۇنەمدەۋگە كوپ كومەگىن تيگىزەدى, - دەدى ول.
-كاسىپكەرلەرگە قىزمەت كورسەتۋ ورتالىعىن قارجىلاندىرۋ جاعىن قاراستىرامىز. كاسىپكەرلەر ماسەلەسىن بىرلەسىپ شەشۋگە دايىنبىز. كوللەدجدەردە ماماندىق دايىنداۋعا كەلەر بولساق, جۇمىسسىزدىقتى ازايتۋ جاعىنان سەپتىگىن تيگىزسە, سۇرانىسقا يە مامانداردى قايتا دايارلاۋعا سەرپىن بەرسە بۇدان ۇتپاساق, ۇتىلمايمىز. سوندىقتان دا ۇسىنىستارىڭىزدى قولدايمىز, - دەدى وبلىس باسشىسى.
سونان سوڭ وبلىسقا بەلگىلى كاسىپكەرلەر ءسوز الىپ, شەشىمىن تاپپاعان جايتتاردى ورتاعا سالدى. مو كاسىپكەرلەر پالاتاسى جانىنداعى ىسكەر ايەلدەر كەڭەسىنىڭ ءتورايىمى ساۋلە ساليحوۆا سالت-ءداستۇردىڭ قايماعى بۇزىلماعان ماڭعىستاۋدا قولونەرشىلەر ورتالىعىن اشۋ تۋرالى ۇسىنىس ايتتى. سوندا ماڭعىستاۋلىق باي ناقىشپەن جاسالاتىن قولونەر بۇيىمدارى ءبىر ورتالىقتا جاسالىپ, ونىمدەر ساۋداعا دا شىعارىلماق. «
-وبلىستا كيىز ءۇي جابدىعىن تىگەتىن الدىڭعى بۋىننان 4 قانا شەبەر قالدى. ولاردىڭ جاسى 60-تان اسىپ بارادى. سولاردىڭ بىلەتىن مول مۇراسىن, كيىز باسۋ, باسقۇر, شي توقۋ ت.ب.بۇيمداردى جاساۋدى جاستارعا ۇيرەتەتىن شەبەرلىك مەكتەبى اشىلسا. سوندا شەبەرلەردىڭ ارقايسىسى مىڭداعان شاكىرت تاربيەلەپ, ماڭعىستاۋ مۇراسىن ۇرپاقتان ۇرپاققا جەتكىزەتىن ءىزباسارلار تولقىنى ۇزىلمەس ەدى, دەدى ول.
كەزدەسۋ بارىسىندا كاسىپكەرلەر جەر, قۇرىلىس, تۋريزم سالاسىن دامىتۋ, ايەلدەر كاسىپكەرلىگىن جەتىلدىرۋ, جەرگىلىكتى ءونىمدى تۇتىنۋ سىندى ماڭىزدى ماسەلەلەردى قوزعادى. وبلىس باسشىسى قاشان دا ءوڭىر دامۋى ءۇشىن ءتيىمدى جوبالاردى قولداۋعا دايىن ەكەنىن ايتتى.
بۇل قولداۋ وبلىستا قىزمەت ەتەتىن 114 مىڭنان استام ادام ورتا جانە شاعىن بيزنەس سالاسى وكىلدەرىنە ۇلكەن سەرپىن بەرەدى. وڭىردەگى بيزنەس نىساندارى 53 مىڭعا جەتىپ قالدى. بۇل كاسىپكەرلەر قاتارىنىڭ وتكەن جىلمەن سالىستىرعاندا 9,5% ارتقانىن كورسەتەدى.
ماڭعىستاۋ وبلىسى
