فەستيۆالدىڭ اشىلۋ سالتاناتىندا فيلم كورۋگە كەلگەن كورەي وكىلدىگىنىڭ 65 - 86 جاس ارالىعىنداعى ەرەسەكتەرىنەن باستاپ قالا جاستارى الدىمەن «حاەت» بي ءانسامبلىنىڭ كورەي ۇلتتىق ءبيىن جانە اباي اتىنداعى مادەنيەت ءۇيىنىڭ «DIFaMILY CREW» توبىنىڭ حيپ-حوپ ونەرىن تاماشالادى.
سونىمەن قاتار, قازاقستان رەسپۋبليكاسىنداعى كورەي رەسپۋبليكاسى ەلشىلىگى جانىنداعى كورەي مادەني ورتالىعىنىڭ ديرەكتورى لي حەران حانىم بارشا فيلم كورۋگە كەلگەن كورەرمەندەردى كينوفەستيۆالدىڭ اشىلۋىمەن قۇتتىقتاي وتىرىپ, وسىنداي ءىس-شارا ەكى ەل اراسىنداعى قارىم-قاتىناستىڭ ودان ءارى جاقىنداي تۇسۋىنە مۇمكىندىك بەرەتىنىن اتاپ ءوتتى. سونىمەن قاتار, ول «چوسون» كارىس ەتنومادەني بىرلەستىگىنىڭ ءتورايىمى مادەنوۆا رايساعا جانە تاعىلىمدى شارالارعا ۇيىتقى بولىپ جۇرگەن ماڭعىستاۋ وبلىستىق قازاقستان حالقى اسسامبلەياسىنىڭ حاتشىلىق مەڭگەرۋشىسى يسمۋرزينا گۇلجان ماقسۇتقىزىنا العىسىن ءبىلدىردى. كورەي فيلمدەرىنە قىزىعۋشىلىق تانىتىپ كەلگەن قوناقتاردىڭ سانى وتە كوپ. فيلمدە ساتقىندىق, الداۋ, ارباۋ, ادامنىڭ ار-نامىسى بەينەلەنەدى.
ماڭعىستاۋ وبلىسى
