«2030 جىلعا قاراي ءبىر تۇرعىندى 30 شارشى مەترگە دەيىن باسپانامەن قامتاماسىز ەتۋ اياسىندا جاڭا تۇرعىن ءۇيدى ىسكە قوسۋ كولەمىن جىل سايىن 8-10 پايىزعا ارتتىرۋ كۇتىلىپ وتىر», - دەدى مينيستر پارلامەنت ماجىلىسىندە «نۇرلى جەر» باعدارلاماسىنىڭ جۇزەگە اسىرىلۋىنا ارنالعان ۇكىمەت ساعاتىندا.
بەلگىلى بولعانداي, 2018 جىلى حالىقتىڭ تۇرعىن ۇيمەن قامتاماسىز ەتىلۋى 1 تۇرعىنعا شاققاندا 21,8 شارشى مەتر بولدى.
«الايدا, تۇرعىن ءۇي قورىنىڭ كولەمى ارتقانىنا قاراماستان, قازاقستاندىقتار ءۇشىن تۇرعىن ءۇيدىڭ كولجەتىمدىلىگى ءالى دە بولسا وزەكتى بولىپ وتىر. ەڭ الدىمەن بۇل حالىقتىڭ الەۋمەتتىك جاعىنان وسال توپتارى ءۇشىن دە وزەكتى ماسەلە. اعىمداعى جىلى 13,5 ملن شارشى مەتر جاڭا تۇرعىن ءۇي نەمەسە 118 مىڭ تۇرعىنجاي سالىنادى. مەملەكەتتىك ينۆەستيتسيا ەسەبىنەن 1,7 ملن شارشى مەتر پايدالانۋعا بەرىلەدى, بۇل 30 مىڭنان استام مۇقتاج ازاماتتى ءوز تۇرعىن ۇيمەن قامتاماسىز ەتەتىن بولادى», - دەدى ب. اتامقۇلوۆ.
ونىڭ ايتۋىنشا, بيىلدىڭ باسىنان باستاپ (قاڭتار-تامىز) قارجىلاندىرۋدىڭ بارلىق كوزدەرى ەسەبىنەن 7,6 ملن شارشى مەتر تۇرعىن ءۇي پايدالانۋعا بەرىلدى.
