ۇكىمەت • 07 قازان، 2019

ۇكىمەتتە اتاۋلى الەۋمەتتىك كومەك كورسەتۋدىڭ جاڭا تاسىلدەرى قارالدى

80 رەتكورسەتىلدى

قازاقستان رەسپۋبليكاسىنىڭ پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ايقىندىق، ادىلەتتىلىك جانە ەڭبەككە ىنتالاندىرۋ قاعيداتتارىنا نەگىزدەلگەن اتاۋلى الەۋمەتتىك كومەك كورسەتۋدىڭ جاڭا تاسىلدەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ااك ءبولۋدىڭ جاڭارتىلعان مودەلى ەلباسى نۇرسۇلتان نازارباەۆ باستاماشى بولعان «الەۋمەتتىك قامقورلىق» الەۋمەتتىك شارالارىنىڭ قيسىندى جالعاسى جانە پرەزيدەنت قاسىم-جومارت توقاەۆتىڭ «Cىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» قازاقستان حالقىنا ارناعان جولداۋىندا بەرىلگەن تاپسىرمالارىن ورىنداۋ ماقساتىندا ازىرلەنگەن. 

قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ 2020 جىلدىڭ 1 قاڭتارىنان باستاپ الەۋمەتتىك قولداۋ شارالارىنىڭ كەشەندى ءتاسىلى مەن اتاۋلى سيپاتىن قابىلداۋدى قاراستىراتىن زاڭ جوباسىن تانىستىردى. 

1) 4 نەمەسە ودان دا كوپ كامەلەتكە تولماعان بالاسى بار نەمەسە 23 جاسقا دەيىنگى كۇندىزگى بولىمدە وقيتىن ستۋدەنتتەرى بار بارلىق كوپ بالالى وتباسىلارعا مەملەكەتتىك جاردەماقى ەنگىزۋ;

2) وتباسىنىڭ بارلىق مۇشەلەرىنە كەدەيلىك شەگى مەن وتباسىنىڭ جان باسىنا شاققانداعى ورتاشا تابىسىنىڭ اراسىنداعى ايىرماشىلىق رەتىندە توقسان سايىنعى ااك تاعايىنداۋ، بۇل جاعدايدا وتباسىنىڭ جۇمىسقا جارامدى مۇشەلەرى جۇمىس ىستەۋى ءتيىس، ال مەملەكەت جۇمىسقا ورنالاسۋعا جانە بيزنەسپەن اينالىسۋعا كومەكتەسەتىن بولادى;

3) مەملەكەتتىڭ از قامتىلعان وتباسىلارداعى بالالاردى كەپىلدەندىرىلگەن الەۋمەتتىك پاكەتپەن قامتاماسىز ەتۋى: 1-دەن 6 جاسقا دەيىنگى بالالار تاماقپەن، گيگيەنالىق قۇرالدارمەن جانە ءبىلىم بەرۋ قىزمەتتەرىمەن، ال 6 جاستان 18 جاسقا دەيىن — مەكتەپتەردە تەگىن ىستىق تاماقپەن، قالالىق قوعامدىق كولىكتە كۇندەلىكتى تەگىن جول جۇرۋمەن، مەكتەپ فورماسىمەن، وقۋ قۇرالدارىمەن قامتاماسىز ەتىلەدى.

پرەمەر-مينيستر قارالىپ وتىرعان ماسەلەنىڭ ماڭىزدىلىعى جوعارى ەكەنىن اتاپ ءوتتى.ء«بىز حالىقتى الەۋمەتتىك قولداۋ تەتىكتەرىن جۇيەلى تۇردە جەتىلدىرىپ وتىرامىز. بۇل باعىتتا كوپتەگەن اۋقىمدى جۇمىستار اتقارىلدى، ول ەلباسىنىڭ ەرەكشە باقىلاۋىنا الىنعان. مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي، كومەك كورسەتۋ تەتىگى “اشىق ءارى ادىلەتتى بولىپ، ادامداردى بەيقامدىققا ەمەس، ەڭبەك ەتۋگە ىنتالاندىرۋى ءتيىس»، — دەدى ا. مامين.

ۇكىمەت باسشىسى ەڭبەك جانە حالىقتى الەۋمەتتىك قورعاۋ مينيسترلىگىنە اكىمدىكتەرمەن بىرلەسىپ، وڭىرلەردە ااك بەرۋدىڭ جاڭا تاسىلدەرى تۋرالى ءتۇسىندىرۋ جۇمىستارىن ۇيىمداستىرۋدى، قازان ايىنىڭ سوڭىنا دەيىن ءتيىستى زاڭ جوباسىن پارلامەنتكە ۇسىنۋدى، ال وڭىرلەردىڭ اكىمدەرىنە ااك ۇسىنۋ بويىنشا تۇزەتىلگەن شارالاردىڭ ناقتى ورىندالۋىن قامتاماسىز ەتۋدى تاپسىردى.«ازاماتتارىمىز كومەككە مۇقتاج ادامداردىڭ ءبارى – از قامتىلعاندار، كوپ بالالى وتباسىلار مەن بالالار مەملەكەتتىڭ قورعاۋىندا بولعانىن جانە سولاي قالاتىنىن ءبىلۋى كەرەك. جۇمىس ىستەي الاتىندارعا – ولارعا وقۋدان وتۋگە، ماماندىق الۋعا، جەكە كاسىپ اشۋعا، جۇمىسقا ورنالاسۋعا بارلىق جاعداي جاسالىپ جاتىر»، — دەپ اتاپ ءوتتى پرەمەر-مينيستر.

سوڭعى جاڭالىقتار

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

شىمبۇلاق شاڭعى ماۋسىمىن اشتى

قىسقى سپورت • كەشە

اتباسار

رۋحانيات • كەشە

ۇقساس جاڭالىقتار