بۇگىندە ماڭعىستاۋدا جەرلەس جازۋشىنىڭ 80 جىلدىعىنا قىزۋ دايىندىق جۇرگىزۋمەن بىرگە, وبلىستىق دەڭگەيدەگى سان-ءتۇرلى شارالار – بايقاۋلار مەن كەشتەر ءجيى وتۋدە. سونىڭ ءبىرى – «بولاشاققا باعدار: رۋحاني جاڭعىرۋ» باعدارلاماسى اياسىندا ماڭعىستاۋ وبلىستىق عىلىمي-ادىستەمەلىك جانە مادەني قىزمەت كورسەتۋ ورتالىعىنىڭ «ەلىمىزگە تانىمال, ءوڭىرىمىزدىڭ, ۇلى ەسىمدەرىن ماقتان تۇتامىز» جوباسى بويىنشا وبلىستىق مادەنيەت, تىلدەردى دامىتۋ جانە ارحيۆ ءىسى باسقارماسى جانە وبلىستىق عىلىمي-ادىستەمەلىك جانە مادەني قىزمەت كورسەتۋ ورتالىعىنىڭ ۇيىمداستىرۋىمەن اۋىل ونەرپازدارى اراسىندا وتكىزىلگەن «التىن شۋاق» بايقاۋى.
كوركەمونەرپازداردىڭ شەبەرلىكتەرىن شىڭداۋ, مۇمكىندىكتەرىن كورەرمەنگە كورسەتۋ, درامالىق جانردىڭ رەپەرتۋارلىق بازاسىن نىعايتىپ, ونىڭ دامۋىنا ىقپال ەتۋ, قويىلىمداردىڭ كوركەمدىك يدەيالىق دەڭگەيىن ارتتىرۋ جانە ءابىش شىعارمالارىن ناسيحاتتاۋ ماقساتىنداعى شاراعا ماڭعىستاۋدىڭ اۋدان-قالالارىنان ون دراما ۇجىمى قاتىستى. ولاردىڭ اراسىندا ماڭعىستاۋدىڭ اتى وزىپ, وزدەرىن ۇلگىلى جاعىنان كورسەتىپ جۇرگەن جاڭاوزەن قالاسى «التىن شاڭىراق» حالىقتىق تەاترى, مۇنايلى اۋدانى, قىزىلتوبە حالىقتىق دراما ۇجىمى, قاراقيا اۋدانى سەنەك «كوز اينەك» دراما ۇجىمى, قاراقيا اۋدانى مۇنايشى «قارا شاڭىراق» دراما ۇجىمى, بەينەۋ اۋدانى اقجىگىت حالىق تەاترى, ماڭعىستاۋ اۋدانىنىڭ جىڭعىلدى حالىقتىق دراما ۇجىمى, وندى حالىقتىق دراما ۇجىمى, جارمىش حالىق تەاترى, ۇشتاعان دراما ۇجىمى, تۇپقاراعان اۋداندىق دراما ۇجىمى بار.
بايقاۋدا ءابىش كەكىلباي شىعارمالارىن ساحنالاۋعا دەگەن اۋىل ونەرپازدارىنىڭ تالپىنىسى قۋانتتى. ولار ءاربىر شىعارامنى جەتە وقىپ, ونىڭ استارىنا ءۇڭىلىپ, ساحنا تورىندە بەينەلەۋگە بارىنشا دايىندالىپ, شىعارماداعى ءار كەيىپكەردىڭ وبرازىن اشۋعا ۇمتىلدى. جازۋشى قالامىنىڭ قۋاتى ساحنادا ارتىستەردىڭ شەبەرلىگىمەن ۇشتاسىپ شىنايىلىقپەن ءوربىپ جاتتى.
بايقاۋ قورىتىندىسىندا «ەڭ باقىتتى كۇن» پوۆەسى جەلىسىندەگى ەكى اكتىلى قويىلىممەن ماڭعىستاۋ اۋدانى جىڭعىلدى حالىقتىق دراما ۇجىمى 1 ورىندى, جاڭاوزەن قالاسى «مۇنايشى» مادەنيەت ءۇيىنىڭ حالىقتىق «التىن شاڭىراق» دراما ۇجىمى « ءبىر شوكىم بۇلت» حيكاياسىنىڭ جەلىسى بويىنشا قويىلىمىمەن 2-ورىندى يەلەنسە, 3-ورىندى «شىڭىراۋ» پوۆەسىن ساحنالعان مۇنايلى اۋدانى قىزىلتوبە مادەنيەت ءۇيىنىڭ حالىقتىق دراما ۇجىمى مەن «ەڭ باقىتتى كۇن» اڭگىمەسىنىڭ جەلىسى بويىنشا قويىلىم كورسەتكەن قاراقيا اۋدانى سەنەك اۋىلىنىڭ «كوز اينەك» دراما ۇجىمى ءبولىستى. ال بەينەۋ اقجىگىت حالىقتىق دراما ۇجىمى, قاراقيا اۋدانى مۇنايشى «قارا شاڭىراق» دراما ۇجىمى, ماڭعىستاۋ اۋدانى جارمىش حالىق تەاترى, ماڭعىستاۋ اۋدانى وندى حالىقتىق دراما ۇجىمى, ماڭعىستاۋ اۋدانى ۇشتاعان حالىقتىق دراما ۇجىمى, تۇپقاراعان اۋداندىق مادەنيەت ءۇيىنىڭ دراما ۇجىمىنا العىس بەرىلدى. ولار قالامگەردىڭ «قۇس قاناتى», ء«بىر شوكىم بۇلت», ء«بىر شوق جيدە» سىندى شىعارمالارىن كورەرمەن نازارىنا ۇسىندى.
سونداي-اق بايقاۋ اياسىندا «ۇزدىك ستسەناري», «ۇزدىك سۋرەتشى», «ۇزدىك ايەل ادام ءرولى», «ۇزدىك ەر ادام ءرولى» «ۇزدىك ەپيزودتىق ءرول» جانە «ۇزدىك كوستيۋمەر», «ۇزدىك رەجيسسەر», جۇلدەلەرىنىڭ يەگەرلەرى انىقتالدى.
اۋىل كوركەمونەرپازدارى ءابىش شىعارمالارىن وقىپ, مەڭگەرىپ قانا قويماي, ونى ساحنالاۋداعى شەبەرلىكتەرىمەن ءسۇيسىنتتى.
ماڭعىستاۋ وبلىسى
