«التىن وردانىڭ 750 جىلدىعىن ءتول تاريحىمىزعا, مادەنيەتىمىز بەن تابيعاتىمىزعا تۋريستەر نازارىن اۋدارۋ تۇرعىسىنان اتاپ وتكەن ءجون. ءتۋريزمدى دامىتۋ ءۇشىن قاجەتتى ينفراقۇرىلىم جۇرگىزۋدى, سونىڭ ىشىندە جول سالىپ, بىلىكتى ماماندار دايىنداۋدى قامتاماسىز ەتۋ قاجەت», دەگەن بولاتىن.
جولداۋداعى بۇل ويى بىرنەشە جىلدىق يدەولوگيالىق جانە ينفراقۇرىلىمدىق كەشەندى جۇمىستىڭ جەمىسى. سەبەبى بۇعان دەيىن «رۋحاني جاڭعىرۋ» جانە « ۇلى دالانىڭ جەتى قىرى» باعدارلامالىق ماقالالاردىڭ ارقاسىندا ەلىمىزدە جۇزدەگەن تابيعي-تاريحي ەسكەرتكىشتەر قالپىنا كەلتىرىلدى. قازىر جەكەلەگەن وبلىستار وسى باعدارلامالار اياسىندا ول نىسانداردى ايماقتىق تۋريزم يندۋسترياسىنىڭ نىسانىنا اينالدىرۋعا جاقىن. جول سالىپ, جارىق تارتىپ تۋريستىك باعىتتار جاساپ جاتقانى بەلگىلى. ماسەلەن, قاراعاندى وبلىسىندا تالدى ارحەولوگيالىق ەسكەرتكىشتەر كەشەنى ماڭىندا ارنايى جوبا جاسالۋدا. جاقىن بولاشاقتا ول جەردە شەڭبەرلى تۋريستىك باعىتتار بولادى. ال اقمولا وبلىسى بارلىق تاريحي نىساندار ءتىزىمىن جاساپ, قالپىنا كەلتىردى. ول بۋراباي تۋريستىك ايماعىنا كىرىكتىرىلمەك. بوتاي قونىسىنىڭ ماكەتىن كوكشە ەتەگىنە ورنالاستىرۋى سول ويلاستىرىلعان جۇمىستىڭ جەمىسى. بىزدەگى ءتۋريزمنىڭ باستى ەرەكشەلىگى ەتنوتۋريزم نىساندارىنا باي. پرەزيدەنت سونى مەڭزەپ, جولداۋى ارقىلى يدەيانى گەنەراتسيا جاساپ وتىر. تۇتاس قۇرلىقتاعى گەوساياسي احۋالدىڭ نەگىزى بولعان التىن وردانىڭ 750 جىلدىعى وتاندىق ءتۋريزمدى بىردەن حالىقارالىق ارەناعا كوتەرۋدىڭ توتە جولى. ەندى ۇكىمەتكە وتاندىق تۋريزم الەۋەتىنە عىلىمي باعا بەرۋ, جۇمىستى كەشەندى ۇيىمداستىرۋ مىندەتى تۇر.
ازامات كەڭەس ۇلى,
بلوگەر, قازاقستان جۋرناليستەر
وداعىنىڭ مۇشەسى
