جاڭاقالا اۋداندىق سوتىنىڭ 2019 جىلعى 20 ناۋرىزدا شىعارعان سوت ۇكىمىمەن وسى اۋداننىڭ جۋالىوي اۋىلىندا تۇراتىن ءۇش جىگىت قىلمىستىق كودەكستىڭ 339-بابى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا سوتتالعان بولاتىن. ولار 1,5 جىلعا باس بوستاندىعى شەكتەلىپ, 100 ساعاتتىق ءماجبۇرلى ەڭبەككە تارتىلعان. جانە مەملەكەت پايداسىنا 10 822 500 تەڭگە ماتەريالدىق زالال جانە 324 675 تەڭگە مەملەكەتتىك باج ءوندىرىلۋى ءتيىس بولاتىن.
وقيعا بىلاي بولعان: 2018 جىلى 18 جەلتوقسان كۇنى جاڭاقالا اۋدانى جاڭاقازان اۋىلدىق وكرۋگىنە قاراستى جۋالىوي اۋىلىنىڭ تۇرعىندارى س.رىسپاەۆ پەن م.قۇسپانوۆ قوس اتپەن مال ىزدەپ شىعادى. ولارعا جولداعى ەشكى قىستاعىندا تۇراتىن ە.كادين قوسىلادى. تۇندە جايىلىپ جۇرگەن اقبوكەن ۇيىرىنە كەزدەسىپ, اتپەن قاماپ, ءۇش سەركەسىن اتىپ العان. ونىڭ ءمۇيىزىن كەسۋ ءۇشىن جولدا ءبىر مالشىنىڭ ۇيىنەن قولارا سۇراپ العان. ءسويتىپ جۇرگەندە 19 جەلتوقسان كۇنى تۇنگى 02.00. ساعات شاماسىندا «وحوتزووپروم» ينسپەكتورلارىنىڭ قولىنا تۇسكەن. بۇلتارتپايتىن ايعاقتارمەن قولعا تۇسكەن براكونەرلەر سوت كەزىندە قىلمىسىن تولىق مويىنداپ, ىستەگەن ىستەرىنە وكىنىش بىلدىرگەن.
الايدا كىنالىلەر سوت ۇكىمىنە سايكەس تولەۋى ءتيىس 10,8 ملن تەڭگە قارجىنى تولەۋگە اسىقپاپتى. بيىلعى 15 مامىردان بەرى سوتتالعاندار بار بولعانى 180 مىڭ تەڭگە وتەگەن.
«پروكۋرورلار اقپاراتتىق جۇيەلەردى قولدانا وتىرىپ, بورىشكەرلەردىڭ مەنشىگىندە 105 ءىرى قارا مال جانە 382 قوي بارىن انىقتادى. پروكۋراتۋرانىڭ ۇسىنۋى بويىنشا «اتقارۋشىلىق iس جۇرگiزۋ جانە سوت ورىنداۋشىلارىنىڭ مارتەبەسi تۋرالى» زاڭنىڭ 32, 66-باپتارىنىڭ تارتىبىندە سوت ورىنداۋشى م ۇلىكتىڭ تiزiمدەمەسىن جاساپ, م ۇلىككە تىيىم سالىندى», دەيدى باتىس قازاقستان وبلىسى پروكۋرورىنىڭ باق-پەن بايلانىس بويىنشا اعا كومەكشىسى باۋىرجان احمەتجان.
«ۇكىم ۋاقىتىندا ورىندالماسا, سوتتالۋشىلاردىڭ يەلىگىندەگى مال بازارعا شىعارىلىپ, اۋكتسيونعا سالىنادى» دەگەن ەسكەرتۋدەن كەيىن بورىشكەرلەر قالعان سومانى تولىعىمەن وتەپ تاستاپتى.
2019 جىلدىڭ باسىنان بەرى اۋدان پروكۋراتۋراسى اتقارۋشىلىق ءىس جۇرگىزۋ سالاسىندا 2 ۇسىنۋ ەنگىزىپ, 13 ملن تەڭگە وندىرگەن. 3 سوت ورىنداۋشىسى تارتىپتىك, 2 بورىشكەر اكىمشىلىك جاۋاپكەرشىلىككە تارتىلدى.
باتىس قازاقستان وبلىسى
