سونىڭ ءبىرى مەملەكەت باسشىسىنىڭ «قوعامدى تولعاندىرىپ وتىرعان نەگىزگى ماسەلەلەر كوشەدە ەمەس, پارلامەنتتە جانە ازاماتتىق ديالوگ اياسىندا تالقىلانىپ, شەشىمىن تابۋى ءتيىس» دەگەن ءسوزى. ءوز كەزەگىندە جولداۋ جۇكتەگەن بۇل مىندەت كەيىنگى كەزدەرى بىرقاتار اۋماقتا بيلىك پەن بۇقارا اراسىنداعى الشاقتاعان بايلانىستى نىعايتىپ, جەرگىلىكتى جەردەگى ءماسليحاتتىڭ حالىق الدىنداعى جاۋاپكەرشىلىگىن كۇشەيتە تۇسەدى.
2019 جىلدىڭ 6 ايىندا ەلىمىز بويىنشا بارلىعى 142 مەملەكەتتىك قىزمەتكەر تارتىپتىك جاۋاپقا تارتىلعان. ولار اتقارۋشىلىق ءتارتىپ پەن ەتيكا نورمالارىن بۇزىپ, مەملەكەتتىك قىزمەتكە داق تۇسىرگەنى ءۇشىن جاۋاپقا تارتىلعان. بۇل وتكەن جىلدىڭ سايكەس مەرزىمىمەن سالىستىرعاندا ايتارلىقتاي از. دەسە دە مۇنداي ولقىلىقتىڭ ورىن الۋىنا مۇلدەم جول بەرمەي, ءمىنسىز ەڭبەك ۇلگىسىن كورسەتۋ بيلىكتىڭ العا قويعان نەگىزگى ماقساتتارىنىڭ ءبىرى ەكەنى قۋانتادى. بۇل تۇرعىدا ق.توقاەۆ «مەملەكەتتىك قىزمەتشىلەر جۇمىسىنىڭ تيىمدىلىگىن ارتتىرۋ ماقساتىندا ارنايى دايىندىعى بار جاس كادرلاردى تارتۋ قاجەت. سونىمەن بىرگە 2020 جىلدان باستاپ ءبىز مەملەكەتتىك قىزمەتشىلەردىڭ سانىن بىرتىندەپ قىسقارتۋعا كىرىسىپ ۇنەمدەلگەن قاراجاتتى نەعۇرلىم پايدالى قىزمەتكەرلەردى ىنتالاندىرۋعا جۇمسايمىز» دەپ وي تۇيەدى. ساننان گورى ساپاعا ءمان بەرسەك, الارىمىز ازايمايدى, كەرىسىنشە اسىعىمىز الشىسىنان تۇسەتىنىن ەسكەرگەن ابزال. ونىڭ ۇستىنە قازاقستان مەملەكەتتىك قىزمەتكەرلەردىڭ سانى جونىنەن الەم بويىنشا العاشقى وندىققا كىرەتىنىن ەسكەرۋ ارقىلى, بۇل شارانىڭ دۇرىس قادام ەكەنىنە انىق كوز جەتكىزۋگە بولادى.
ەلىمىزدە جىل سايىن زورلىق-زومبىلىق قىلمىسىنىڭ الاڭداتارلىق احۋالدى قالىپتاستىرىپ جاتقانى جاسىرىن ەمەس. كوپتەگەن قوعام بەلسەندىلەرى بۇل قىلمىسقا بارعاندارعا كوپ جاعدايدا زاڭ جۇمساقتىق تانىتىپ جاتاتىنىن ناقتى دايەكتەرمەن كەلتىرە وتىرىپ, جازانى قاتاڭداتۋ تۋرالى پارلامەنتكە ونلاين ءوتىنىش جاساعان. وعان نەگىز دە جوق ەمەس. سەبەبى وسى جىلدىڭ قاڭتار-شىلدە ايى ارالىعىندا ەلىمىزدە قىلمىستىق كودەكسىنىڭ زورلاۋ بابى بويىنشا 647 قىلمىس تىركەلگەن. قوعام بەلسەندىلەرىنىڭ بۇل دابىلى پرەزيدەنت نازارىنان تىس قالمادى. ول ءوز جولداۋىندا «جىنىستىق زورلىق-زومبىلىق, پەدوفيليا, ەسىرتكى تاراتۋ, ادام ساۋداسى, ايەلدەرگە قاتىستى تۇرمىستىق زورلىق-زومبىلىق جانە باسقا دا اۋىر قىلمىستارعا اسىرەسە بالالارعا قاتىستى قىلمىستارعا قولدانىلاتىن جازانى شۇعىل تۇردە قاتايتۋ قاجەت. بۇل ماسەلەنى شەشۋدى پارلامەنتكە جانە ۇكىمەتكە تاپسىرامىن» دەپ, تۇيتكىلدى ماسەلەلەردىڭ ءتۇيىنىن تارقاتۋعا پارمەن بەردى.
جولداۋدا ايتىلعان وتباسى بيزنەسىن قۇرۋعا ەڭ الدىمەن كوپ بالالى جانە جاعدايى تومەن وتباسىلارعا باسا ءمان بەرۋ كەرەكتىگى تۋرالى باستاما كوتەرىلدى. بۇل شىمكەنتتەگى 31 مىڭ كوپ بالالى اناعا باياندى بولاشاققا دەگەن جىلى ءۇمىت سىيلاعانى ءسوزسىز. سونىمەن قاتار جۇمىسى ءبىر ىزگە تۇسكەن ازاماتتاردىڭ زەينەتاقى جيناعىنىڭ ءبىر بولىگىن باسپانا ساتىپ الۋعا نەمەسە ءبىلىم الۋ ءۇشىن پايدالانۋدىڭ مۇمكىندىكتەرى قاراستىرىلاتىنى جۇرتقا جاققان ەڭ باستى جاڭالىقتاردىڭ ءبىرى بولدى. مۇنىڭ ءوزى شىمكەنت قالاسى بويىنشا تۇرعىن ءۇي كەزەگىندە تۇرعان 37 مىڭنان استام ادامنىڭ كوپشىلىگىنە زور كومەك بولار باستاما ەكەنى انىق.
مەملەكەت باسشىسىنىڭ جولداۋىندا جۇرتشىلىقتى تولعاندىرىپ جۇرگەن جەر ماسەلەسىن اينالىپ وتپەگەنى دە كوپشىلىكتىڭ ىقىلاسىن اۋداردى. جەرىمىزدىڭ ۇلتاراقتاي بولىگى دە شەتەلدىكتەرگە ساتىلمايتىنىن جانە جەردى ماقساتتى تۇردە يگەرمەي, ونى بوسقا ۇستاپ وتىرعان لاتيفۋنديستەردەن ەن بايلىعىمىزدى قايتارىپ الاتىن ۋاقىتتىڭ كەلگەنىن ناقتى ءارى نىعارلاپ ايتۋى قازاقستاندىقتاردىڭ كوڭىلىن توعايتتى. ونىڭ جۇزەگە اسۋى ەلىمىزدە ازىق-ت ۇلىك ءونىمى بويىنشا ەڭ باستى پروبلەماعا اينالىپ وتىرعان ەت ءوندىرىسىنىڭ وركەن جايۋىنا جول اشپاق. جولداۋدا ايتىلعانداي قازىرگى تاڭدا قۇنى كۇن ساناپ قىمباتتاپ جاتقان ەت ءونىمى ءوندىرىسىنىڭ كەڭ قۇلاش جايۋىنا قولبايلاۋ بولىپ وتىرعان جايت – انالىق مال باسىنىڭ پروبلەماسىندا ەمەس, شارۋا قوجالىقتارىنا جەم-ءشوپ دايىندايتىن جەرلەردىڭ جەتىسپەۋشىلىگىنە بايلانىستى بولىپ وتىر. سالدارىنان ءتورت ت ۇلىكتى جەم-شوپپەن قامتاماسىز ەتۋ – 60 پايىزدان تومەن كورسەتكىشكە جەتكەن.
ءبىلىم جانە دەنساۋلىق سالاسىندا دا كوپتەگەن وڭ وزگەرىستىڭ ورىن الۋىنا ىقپال ەتەتىن باستامالار ايتىلعان پرەزيدەنت جولداۋىندا الەۋمەتتىك كومەك كورسەتۋ جۇيەسى ودان ءارى جەتىلدىرىلە تۇسەتىنى دە ءسوز بولدى. دەگەنمەن دە الەۋمەتتىك كومەك الۋ ءۇشىن ءوزىنىڭ تابىسىن جاسىرىپ باعاتىنداردىڭ ءىسى بەلەڭ العانىن اشىپ ايتتى. قاپەرگە الاتىن وسى جانە وزگە دە ماسەلەلەر بىزگە, ياعني ءماسليحات دەپۋتاتتارىنا زور جاۋاپكەرشىلىك جۇكتەيدى.
تورەايىم سۇلتانوۆا,
شىمكەنت قالالىق ءماسليحاتىنىڭ دەپۋتاتى
