بۇل تۋرالى پارتيانىڭ قالالىق فيليالىندا وتكەن وتىرىستا قالا اكىمى التاي كولگىنوۆ ايتتى. شاھار باسشىسىنىڭ ايتۋىنشا, بىلتىر 140-تان استام كوپپاتەرلى تۇرعىن ءۇي سالىنسا, بيىل ونىڭ كولەمى مەملەكەتتىك جانە جەكە قاراجات ەسەبىنەن سالىنعان باسپانانى قوسا العاندا 35 مىڭعا جەتكەن. قازىرگى ۋاقىتتا 300-گە جۋىق تۇرعىن ءۇيدىڭ قۇرىلىسى جۇرگىزىلىپ جاتىر. دەسە دە سانى وسكەنىمەن ساپاعا كەلگەندە ماسەلە كۇردەلى.
– ونىڭ ىشىندە ساپاسىز قۇرىلىس جۇمىستارى, شاتىردان اققان سۋ, اۆتوتۇراقتاردى سۋ باسۋ فاكتىلەرى, اۋلالاردى رەتسىز اباتتاندىرۋ, اۋماقتاردىڭ سانيتارلىق تازالىعى, سونداي-اق قوقىس شىعارۋعا قاتىستى وزەكتى ماسەلەلەر كوپ. قىس مەزگىلى جاقىنداپ قالدى. قار شىعارۋعا بايلانىستى پروبلەمالار دا جەتەرلىك, – دەدى ا.كولگىنوۆ.
قالا اكىمىنىڭ ءسوزىن Nur Otan پارتياسىنىڭ حاتشىسى مارات سەمبەكوۆ تە قۋاتتاپ, بۇل رەتتە ساياسي ۇيىم ارنايى زەرتتەۋ جۇرگىزگەنىن جەتكىزدى. ونىڭ ناتيجەسى كورسەتكەندەي قازاقستاننىڭ ءاربىر ءۇشىنشى ازاماتى پاتەر يەلەرى كووپەراتيۆىنە كۇمانمەن قارايتىنى انىقتالدى. سەبەبى ولار جۇمىستارىن جاسىرىن تۇردە جۇرگىزەدى دەپ جاۋاپ بەرگەن رەسپوندەنتتەر.
– نۇر-سۇلتان جانە الماتى قالالارىنداعى كەيبىر جەكەلەگەن ۇيىمدار تۇرعىنداردان جينالعان 70-80% اقشانى ءوز ماقساتتارىنا پايدالانعانى بەلگىلى بولدى. بۇل قاراجات نەگىزىنەن باسپانانى كۇتىپ ۇستاۋعا جۇمسالۋى ءتيىس ەدى. كوپ جاعدايدا قۇرىلىس كومپانيالارى ءۇيدى سالعاننان كەيىن ونى باسقارۋ ءۇشىن ادەيى قوسالقى ۇيىم قۇرادى. سول سەكىلدى ورتاق مەنشىكتەگى جەرتولەلەردى جانە ءۇيدىڭ ۇستىڭگى قاباتىنداعى بوس ورىنداردى جالعا بەرىپ, ساتۋمەن اينالىسادى. بۇگىندە پارلامەنتتە تۇرعىن ءۇي-كوممۋنالدى شارۋاشىلىعىنا بايلانىستى زاڭعا وزگەرىس ەنگىزۋ ماسەلەسى قاراستىرىلىپ جاتىر. ول تۇرعىن ءۇي قورىن باسقارۋدى جەتىلدىرۋگە ارنالعان. بىراق بىرنارسەنى ەسكەرۋ قاجەت. تۇرعىن ءۇي قورىن ءتيىمدى باسقارۋ تەك تۇرعىنداردىڭ بەلسەندىلىگى ارقىلى عانا جۇزەگە اسادى, – دەدى م.سەمبەكوۆ.
ەلوردا اكىمى پيك-ءتى قولداۋ ءۇشىن بيۋدجەتتىڭ ميلليونداعان سوماسى جۇمسالعانىن ايتادى. بىراق ونىڭ قالاي جانە قايدا جۇمسالىپ جاتقانى بەلگىسىز دەيدى. 2018 جىلى جۇمىسىنا سالعىرت قاراعان 428 سۋبەكت اكىمشىلىك جاۋاپكەرشىلىككە تارتىلسا, بيىل بۇل كورسەتكىش 278 سۋبەكتىنى قۇراعان. 4 قۇرىلىس سالۋشى ليتسەنزيادان ايىرىلدى.
