تاقىرىپ توڭىرەگىندە ۇلتتىق ەكونوميكا ۆيتسە-ءمينيسترى ءمادي تاكيەۆ 2019 جىلعا ارنالعان رەسپۋبليكالىق بيۋدجەتىنىڭ ناقتىلاۋ شەنبەرىندە ەلدىڭ الەۋمەتتىك-ەكونوميكالىق دامۋ بولجامىنىڭ نەگىزگى كورسەتكىشتەرىن ساقتالا وتىرىپ, تۇسىمدەردىڭ جالپى كولەمى 95 ملرد تەڭگەگە ءوسىپ, 10,7 ترلن تەڭگەنى قۇرايتىنىن اتاپ ءوتتى.
ۆيتسە-مينيستر اتاپ وتكەندەي, شىعىستار 95 ملرد تەڭگەگە ارتادى, بۇل كىرىستەردىڭ وسۋىمەن سايكەس كەلەدى. رەسپۋبليكالىق بيۋدجەتتىڭ شىعىستار كولەمى 12 ترلن تەڭگەدەن اسادى. وسىلايشا, تۇسىمدەر 10,7 ترلن تەڭگەنى, شىعىستار 12 ترلن تەڭگەنى, تاپشىلىق 1,4 ترلن تەڭگەنى قۇراپ وتىر.
ودان كەيىن بايانداما جاساعان قارجى ءبىرىنشى ۆيتسە-ءمينيسترى بەرىك شولپانقۇلوۆ بيۋدجەتتى ناقتىلاۋ كەزىندە رەسپۋبليكالىق بيۋدجەتتىڭ نەگىزگى پارامەترلەرى بويىنشا تۇسىمدەر – 10 تريلليون 663,5 ميلليارد تەڭگە, شىعىستار – 12 تريلليون 28,1 ميلليارد تەڭگە, تاپشىلىق – 1 تريلليون 364,6 ميلليارد تەڭگە كولەىندە قالىپتاسىپ, اعىمداعى جىلدىڭ 9 ايىنداعى اتقارۋ قورىتىندىلارى بويىنشا بيۋدجەت تۇسىمدەرى 94,9 ميلليارد تەڭگەگە ۇلعايعان .
اتالعان زاڭعا ۇكىمەتتىك تۇزەتۋلەردى تالقىلاۋ بارىسىندا ءماجىلىس دەپۋتاتتارى مۇرات تەمىرجانوۆ, راۋ البەرت, ساپار احمەتوۆ, ارتۋر پلاتونوۆ, دانيا ەسپاەۆا, جەكسەنباي دۇيسەباەۆ باسقا دا بىرقاتار حالىق قالاۋلىلارى زاڭ جوباسىنداعى كەمشىن تۇستارعا باسا نازار اۋدارىپ, اسىرەسە, اۋىل شارۋاشىلىعىنا قاتىستى وزەكتى سۇراقتاردى العا تارتتى.
بارلىق ۇسىنىس, پىكىرلەر ودان ءارى قوجاحان كوكىرەكباەۆ جەتەكشىلىك ەتەتىن جۇمىس توبىنىڭ وتىرىستارىندا تالقىلاناتىن بولادى.
