اكتسياعا 6 مىڭنان استام ادام قاتىستى. پرەمەر-ءمينيستردىڭ ورىنباسارى ب.ساپارباەۆ پەن ەلوردا اكىمى ا.كولگىنوۆ №76 مەكتەپ وقۋشىلارىمەن كەزدەسىپ, قورشاعان ورتاعا ۇقىپتى قاراۋ قاجەت ەكەندىگىن ايتىپ, وقۋشىلارمەن بىرگە اعاش وتىرعىزدى.
ۆيتسە-پرەمەر ب.ساپارباەۆ وقۋشىلاردى قورشاعان ورتاعا ۇقىپتى قاراۋعا, سونداي-اق ءبىلىم مەن ەڭبەكقورلىققا ۇمتىلۋعا شاقىردى.
«6 قازان-قورشاعان ورتانى قورعاۋ كۇنى. مەرەكەگە وراي ۇكىمەت اكىمدىكتەرمەن بىرلەسە وتىرىپ, قازاقستاننىڭ بارلىق مەكتەپتەرىندە ەكو-ساعاتتار وتكىزدى. اكتسيا 7 مىڭ مەكتەپتى قامتيدى. وعان 3 ملن-نان استام وقۋشى قاتىسادى. تابيعاتتى قورعاۋ وتە ماڭىزدى. ءداستۇر بويىنشا ءبىزدىڭ حالقىمىز اعاشتى بارلىق جەرلەردە وتىرعىزعان.», - دەپ اتاپ ءوتتى ول.
ەلوردا اكىمى ا.كولگىنوۆ جازدا قازاقستان رەسپۋبليكاسىنىڭ پرەزيدەنتى #Birge #TazaQazaqstan ەكو-چەللەندج قوزعالىسىن قولدادى, «ستۋدەنتتەر مەن جاستاردىڭ بەلسەندى قاتىسقانى اسا قۋانتتى»دەپ اتاپ ءوتتى. جازدا سۋ قويمالارى, وزەندەر مەن كولدەردىڭ جاعالاۋلارى قوقىستان تازارتىلدى. «ەلباسى ەلوردانى كوشىرگەن كەزدە, جاسىل بەلدەۋ جوباسىن جۇزەگە اسىرۋعا كىرىستى. قازىرگى تاڭدا قالا ورمانمەن قورشالعان, بۇل ۇلكەن ەڭبەك. ورمان-ءبىزدىڭ قالامىزدىڭ وكپەسى. ەكولوگيانىڭ جاقسى كۇيدە بولۋى, ءۇيدىڭ تازا تۇرۋى تەك وزىمىزگە عانا بايلانىستى. ءبىز وتىرعىزاتىن اعاشتارعا كۇتىم جاساپ, سۋارۋ كەرەك. بىرنەشە جىلدان كەيىن بۇل اعاشتار ءوسىپ, جايلى ءومىر سۇرۋىمىزگە سەپتىگىن تيگەزىن بولادى. ال سىزدەر وسى اعاشتاردى وتىرعىزعاندارىڭىزدى ماقتان تۇتاتىن بولاسىزدار», - دەدى ا.كولگىنوۆ.
16 قىركۇيەكتەن 13 قازانعا دەيىن ەلوردانى اباتتاندىرۋ, كوگالداندىرۋ جانە سانيتارلىق تازالاۋ بويىنشا ەكولوگيالىق ايلىق جاريالاندى.
