ەڭبەك نارىعىندا سۇرانىسقا يە ماماندىقتار بويىنشا كاسىبي داعدىلاردى قالىپتاستىرۋ ماقساتىندا ازاماتتاردىڭ جەكەلەگەن ساناتتارى ءۇشىن قىسقا مەرزىمدى كۋرستار وتكىزۋدى كوزدەيتىن «ەڭبەك» مەملەكەتتىك باعدارلاماسىنىڭ ءبىرىنشى باعىتى اياسىندا نۇر سۇلتاندا 550 ادام وقۋعا جىبەرىلدى. قىسقا مەرزىمدى كاسىپتىك وقىتۋ اياقتالعاننان كەيىن حالىقتى جۇمىسپەن قامتۋ ورتالىقتارى مەملەكەتتىك باعدارلامانىڭ قاتىسۋشىلارىنا جۇمىسقا ورنالاسۋعا كومەك كورسەتەدى.
مەملەكەتتىك باعدارلامانىڭ ەكىنشى باعىتىنىڭ نەگىزگى مىندەتى ازاماتتاردىڭ كاسىپكەرلىك باستامالارىن دامىتۋ بولىپ تابىلادى. ونىڭ شەڭبەرىندە باستاپقى بيزنەستى ىسكە اسىراتىن نەمەسە ىسكە اسىرۋدى جوسپارلايتىن جانە بۇرىن باسقا مەملەكەتتىك باعدارلامالار شەڭبەرىندە قارجىلىق قولداۋ الماعان ۇمىتكەرلەرگە وتەۋسىز جانە قايتارىمسىز نەگىزدە 100 جانە 200 اەك مولشەرىندە مەملەكەتتىك گرانتتار بەرىلەدى. بۇدان باسقا, اۋىلدا جانە قالالاردا كاسىپكەرلىك الەۋەتى بار ءىسىن جاڭا باستاعان كاسىپكەرلەرگە, اۋىل شارۋاشىلىعى كووپەراتيۆتەرىنە جانە ولاردىڭ زەينەتكەرلىك جاسقا جەتپەگەن مۇشەلەرىنە, شارۋا جانە فەرمەر قوجالىقتارىنا ميكروكرەديتتەر بەرىلەدى. «باستاۋ-بيزنەس» جوباسى اياسىندا ميكروكرەديت الۋشىلار ءۇشىن كاسىپكەرلىك نەگىزدەرىنە وقىتۋ جۇرگىزىلەدى.
نۇر-سۇلتان قالاسىندا ميكروكرەديتتەۋمەن 48 ادام قامتىلدى. مەملەكەتتىك گرانتتاردى 100 اەك-كە دەيىنگى مولشەردە مەملەكەتتىك باعدارلامانىڭ 39 قاتىسۋشىسى, 200 اەك-كە دەيىنگى مولشەردە – 10 (جاستار, از قامتىلعان جانە كوپ بالالى وتباسى مۇشەلەرى, ەڭبەككە قابىلەتتى مۇگەدەكتەر) ادام الدى.
مەملەكەتتىك باعدارلامانىڭ ءۇشىنشى باعىتى ازاماتتاردىڭ جەكەلەگەن ساناتتارىن جۇمىسقا ورنالاستىرۋ ءۇشىن مەملەكەتتىك سۋبسيديالاناتىن جۇمىس ورىندارىن قۇرۋدى كوزدەيدى. ونى جۇزەگە اسىرۋ اياسىندا نۇر-سۇلتاندا 2 930 ادام, ونىڭ ىشىندە الەۋمەتتىك جۇمىس ورىندارىنا 152 ادام, قوعامدىق جۇمىسقا 1 998 ادام جۇمىسقا ورنالاستىرىلدى, جاستار پراكتيكاسىنا 780 ادام تارتىلدى.
