نۇر-سۇلتان قالاسىندا ءدىني ەكسترەميزم مەن تەرروريزمنىڭ الدىن-الۋعا باعىتتالعان اقپاراتتىق-ءتۇسىندىرۋ توبى جۇمىس اتقارادى. قۇرامىنا جوعارى دارەجەلى ءدىنتانۋشىلار, تەولوگتار مەن پسيحولوگتار كىرەتىن اتالعان توپ ستۋدەنت, جۇمىس ىستەيتىن جاستار, ءارتۇرلى ءىرى بازارلار ۇجىمدارى, قۇرىلىس كومپانيالارى جانە مەملەكەتتىك قىزمەتكەرلەر اراسىندا دەسترۋكتيۆتى ءدىني اعىمدارعا قارسى ناسيحات جانە قازاقستان
رەسپۋبليكاسىنىڭ ءدىن سالاسىنداعى زاڭناماسىن ءتۇسىندىرۋدى جۇرگىزەدى. اقپاراتتىق-ءتۇسىندىرۋ ءدارىسى ەركىن سۇحبات فورماتىندا ءوتتى, ستۋدەنتتەر وزدەرىن تولعاندىرعان سۇراقتارعا جاۋاپ الدى. ۇيىمداستىرۋشىلاردىڭ ايتۋىنشا, مۇنداي دارىستەر قالانىڭ وزگە دە جوعارى وقۋ ورىندارىندا جالعاسىن تابادى.
ەسكە سالا كەتەيىك, ەلوردادا ءدىن سالاسىنا قاتىستى ارنايى «2288» سەنىم تەلەفونى جۇمىس ىستەيدى. قالا تۇرعىندارى مەن قوناقتارى اتالعان نومىرگە حابارلاسىپ, وزدەرىن تولعاندىرعا سۇراقتارعا جاۋاپ الا الادى.
