– ءبىزدىڭ مۇراجاي شىعارماشىلىق جاستارعا – سۋرەتشىلەرگە, اقىندار مەن جازۋشىلارعا, مۋزىكانتتار مەن اكتەرلەرگە ەرەكشە كوڭىل بولەدى. بيىلعى جاستار جىلىندا ءبىز جاڭا ءداستۇر ەنگىزبەكپىز. جاس سۋرەتشىلەردىڭ ءوز كۇشتەرىمەن ۇيىمداستىرىلعان توپتىق كورمەلەرىن وتكىزە باستايمىز. بۇل جاس اۆتورلارعا جىل سايىن ءوز جۇمىستارىن كورسەتۋگە مۇمكىندىك بەرەدى, – دەيدى مۋزەي باسشىسى.
تاياۋدا اتالعان مۇراجايدا SERPIN-2019 جاس سۋرەتشىلەرىنىڭ كورمەسى اشىلدى. ەكسپوزيتسيادا 18-30 جاس ارالىعىنداعى 20 تالانتتى اۆتوردىڭ جۇمىستارى كورەرمەن نازارىنا ۇسىنىلدى.
مامانداردىڭ ايتۋىنشا, جاس سۋرەتشىلەر ءۇشىن وسىنداي كورمەلەرگە جۇيەلى تۇردە قاتىسىپ وتىرۋدىڭ ماڭىزى وتە زور ەكەن. مۇنىڭ ءوزى بولاشاقتا ولاردىڭ شىعارماشىلىق تۇرعىدا دامۋىنا يگى اسەرىن تيگىزەدى. سايىپ كەلگەندە, جاس اۆتورلاردىڭ ارقايسىسى ءوز الىنشە قايتالانباس دارا تۇلعا, اركىم ءوز الەمىن تانىپ-بىلۋگە ۇمتىلادى جانە ونى ءوز تۋىندىسى ارقىلى كورەرمەندەرگە پاش ەتۋگە تىرىسادى. دەگەنمەن جاس قىلقالام شەبەرلەرىنە ورتاق دۇنيەلەر دە بار: ول – شىعارماشىلىق سەرپىلىس, شەكسىز قيال مەن اساۋ سەزىم, تۋىندىنى جاساۋ, ويناتۋ, ويلاۋ جانە قيالداۋ, ءوزىنىڭ قايتالانباس ءىزىن قالدىرۋ. مىنە, وسى ارەكەتتەر ولاردىڭ باسىن بىرىكتىرىپ تۇرادى.
SERPIN-2019 جاس سۋرەتشىلەر كورمەسى 3 قازانعا دەيىن جالعاسادى.
قاراعاندى
