الاياقتىقتىڭ ەڭ كوپ تاراعان ءتۇرى عالامتورداعى INSTAGRAM الەۋمەتتىك جەلىسى مەن Kolesa.kz, Kriھا.kz, OLX سياقتى سايتتار ارقىلى تاۋار ساتۋ تۋرالى حابارلاندىرۋ ورنالاستىرۋ ارقىلى جاسالادى. ەلەكتروندى ساۋدا الاڭدارى مەن الەۋمەتتىك جەلىلەردە «فەيك» پاراقشا اشقاندار كوپ جاعدايدا جىلجىمايتىن م ۇلىك, اۆتوبولشەك جانە كيىم-كەشەك ساۋدالايدى. الاياقتار قۇرباندارىن ارزان تاۋارمەن جانە ء«تيىمدى» ۇسىنىستارمەن قىزىقتىرىپ, اقشانى الدىن الا QIWI-اميانعا نەمەسە ەكسپرەسس-تولەمدەر ارقىلى بانكتەگى ەسەپشوتقا اۋدارۋدى سۇرايدى. سودان كەيىن تاۋار ساتۋشى بىرنەشە كۇن بويى ءتۇرلى سىلتاۋ ايتىپ تاۋاردى تەز ارادا جەتكىزۋگە ۋادە بەرەدى دە, سوڭىندا مۇلدەم جوعالىپ كەتەدى.
سونداي-اق كورسەتىلگەن الاياقتار سايتتار ارقىلى ءتۇرلى تاۋار ساتاتىن بولاشاق قۇرباندارىن تاۋىپ الادى. حات الماسۋ جانە تەلەفونمەن سويلەسۋ ارقىلى ونىڭ سەنىمىنە كىرەدى. سوسىن جابىرلەنۋشىنىڭ بانكتەگى ەسەپشوتىنا اقشا اۋدارۋ ءۇشىن الدىن الا تولەم جاساۋ تۋرالى ۇسىنىس جاسايدى. وعان يلانعان جابىرلەنۋشى كارتاسىنىڭ بانكتىك رەكۆيزيتتەرىن, جەكە باسىن كۋالاندىراتىن قۇجات نومىرلەرىن, ءوزىنىڭ شوتىنا اقشا «قابىلداۋعا ارنالعان» سمس ءپارولىن حابارلايدى. وسىنىڭ ءبارىن قولىنا تۇسىرگەن الاياق الەۋمەتتىك ينجەنەريانى پايدالانىپ جابىرلەنۋشىنىڭ ەسەپشوتىنداعى قاراجاتتى سىپىرىپ الادى. ول از بولسا, قولىنا تۇسكەن جەكە مالىمەتتەرى بويىنشا سايتتاردا جابىرلەنۋشىنىڭ اتىنا ميكرونەسيە قارىز راسىمدەلەدى.
بۇگىندە ينتەرنەتتە بانكتەردىڭ «قارا تىزىمىنە» ىلىككەندەرگە نەسيە الۋعا كومەك كورسەتۋ تۋرالى حابارلامالار كەڭىنەن تارالۋدا. حابارلاندىرۋلار كوبىنە OLX.كz سايتىندا, ميكرونەسيە ۇسىناتىن ءتۇرلى سايتتاردا جاريالانادى. الاياقتار قارماعىنا ىلىككەندەرگە بانكتەردەگى «بەدەلدى كوكەلەرىنىڭ» كومەگىمەن شارۋانى بىرەر ساعاتتا شەشىپ بەرەتىنىن العا تارتادى.
سونداي-اق كەيبىر الەۋمەتتىك جەلىلەردە ءبىر تاۋار العان جاعدايدا ەكىنشىسىن تەگىن بەرۋ, تاۋارعا قوسىمشا سىيلىق بەرۋ, تەگىن جەتكىزۋ, بۋكمەكەرلىك كەڭسەلەردەگى ءباس ساۋداسىنا كومەك كورسەتۋ, سپورتتىڭ «كەلىسىمدى» ويىندارى تۋرالى جالعان اقپارات تاراتۋ سىندى ارەكەتتەر كوبەيگەن. ەڭ سوراقىسى, ايلاكەرلەر تانىمال بلوگەرلەرگە جارناما جاساتىپ, «تۇتىنۋشىلارىنىڭ» قاتارىن ەسەلەي تۇسۋدە.
وسىعان بايلانىستى قوستاناي وبلىسىنىڭ پوليتسيا دەپارتامەنتى الەۋمەتتىك جەلى قولدانۋشىلارىن ساقتىق شارالارىن كۇشەيتۋگە شاقىرادى. ەگەر قانداي دا ءبىر تاۋاردى عالامتور ارقىلى ساتىپ الۋ قاجەت بولسا, حابارلاندىرۋدى مۇقيات تەكسەرىڭىز, ونى جاريالاعان تۇلعا تۋرالى اقپارات جيناڭىز, باسقا ساتىپ الۋشىلاردىڭ پىكىرلەرىن وقىپ الىڭىز دەيدى ءباسپاسوز قىزمەتىنىڭ وكىلدەرى. الايدا, قىلمىسكەرلەر قوسىمشا جالعان پاراقشالار اشىپ, سول ارقىلى وزدەرى تۋرالى وڭ پىكىرلەر جازۋى دا مۇمكىن ەكەنىن ەسكەرگەن ءجون.
جۇماتاي كاكىمجانوۆ
قوستاناي
