رەكتوردىڭ ايتۋىنشا, بيىل تۋريزم ماماندىعىنا 58 ستۋدەنت ءبىرىنشى كۋرسقا قابىلداندى. ۋنيۆەرسيتەتتە جالپى سانى 156 ستۋدەنت تۋريزم ماماندىعىن مەڭگەرۋگە كىرىسۋدە. ستۋدەنتتەر ءتۋريزمى جوعارى دامىعان تۇركيانىڭ بەس جۇلدىزدى قوناقۇيلەرىنەن ءىس تاجىريبەلەرىن شىڭداۋدا.
فورۋمنىڭ باستى ماقساتى – وبلىس مارتەبەسىن العان تۇركىستان وڭىرىندە ءتۋريزمنىڭ سان سالاسىن دامىتىپ, تۇركى دۇنيەسىنىڭ رۋحاني ورتالىعىن جان-جاقتى دامىتۋعا بەلسەندى قاتىسۋ. وسى ورايدا دجوردج ۆاشينگتون ۋنيۆەرسيتەتىنىڭ «حالىقارالىق ءتۋريزمدى زەرتتەۋ» ينستيتۋتىنىڭ ديرەكتورى, پروفەسسور سەلين ماتۋز «مادەني تۋريزم ماسەلەلەرى» تاقىرىبىندا بايانداما جاساپ, قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ءبىرىنشى ۆيتسە-پرەزيدەنتى پروفەسسور جەنگيز تومار ءوز ويلارىمەن ءبولىستى. تۇركىستان وبلىستىق
تۋريزم باسقارماسى باسشىسىنىڭ مىندەتىن اتقارۋشى پەريزات قونىسباەۆا «تۇركىستان وبلىسىنىڭ تۋريستىك مۇمكىندىكتەرى» تاقىرىبىنداعى بايانداماسىندا ءوڭىردىڭ تۋريزم سالاسىن دامىتۋعا الەۋەتى جەتكىلىكتى ەكەندىگىن العا تارتتى. ستۋدەنتتەردى ءتۋريزمدى دامىتۋداعى تىڭ ويلارىمەن قاتار بىرلەسكەن جوبالاردى جۇزەگە اسىرۋعا شاقىردى.
ۋنيۆەرسيتەت رەكتورى ءوز كەزەگىندە قازىرگى كەزدە ستۋدەنتتەردىڭ تۋريزم سالاسى بويىنشا كرەاتيۆتى يننوۆاتسيالىق ستارتاپ باستامالارى بار ەكەندىگىن جەتكىزدى. سونىمەن قاتار ساياحاتشىلارعا حانتاعىعا گەولوگيالىق تۋريستىك باعدار اشۋعا, ەلىمىزدەگى جۇزدەگەن ۇلتتار مەن ۇلىستاردىڭ تاعامدىق ءتۋريزمىن دە ۇسىنۋعا بولاتىندىعىن اتاپ ءوتتى.
فورۋم سوڭىندا ەلىمىزدىڭ قوناقجاي داستۇرىمەن اقش پروفەسسورى سەلين ماتۋزعا ەستەلىك سىي-سياپات جاسالدى. تىلشىلەردىڭ «اكادەميك ءادىل احمەتوۆتىڭ: «اقش-تاعى ۇندىستەر مەن قازاقتاردىڭ تەكتىك ۇقساستىعى 70 پايىز» دەگەن ويىنا قوسىلاسىز با؟», دەگەن سۇراعىنا پروفەسسور سەلين ماتۋز: «ارينە قوسىلامىن. جالپى, الەمدەگى ۇلتتار مەن ۇلىستاردىڭ تەگى ءبىر. سوندىقتان ءبىر-بىرىمىزدەن جوعىمىزدى تابامىز. سول ارقىلى رۋحاني دۇنيەمىزدى بايىتامىز. تۇركى دۇنيەسىنىڭ رۋحاني ورتالىعى بولعاندىقتان مەنىڭ ىنتا, قۇلشىنىسىمنىڭ تۇركىستانعا اۋىپ وتىرعانى سوندىقتان» دەپ جاۋاپ بەردى. مۇحيتتىڭ ارعى جاعى دەمەي, رۋحاني تۋىستارىن ىزدەپ كەلگەن سەلين ماتۋز حانىم الداعى ۋاقىتتا ياساۋي ۋنيۆەرسيتەتىنىڭ قۇرمەتتى پروفەسسورى اتانىپ, حالىقارالىق ۋنيۆەرسيتەتتىڭ تەوريالىق ءھام پراكتيكالىق دارىسكەرى بولۋعا دا بەيىلدى ەكەندىگىن ءبىلدىردى. سونداي-اق دجوردج ۆاشينگتون ۋنيۆەرسيتەتى مەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى, تۇركىستان وبلىسىنىڭ تۋريزم باسقارماسى قازاقستان جانە ورتالىق ازيا اۋماعى بويىنشا ءتۋريزمدى دامىتۋ تۋرالى مەموراندۋمعا قول قويۋعا ۋاعدالاستى.
تۇركىستاندا تۋريزم دامىسا, ونىمەن ىلەسە كولىك تاسىمالى, قوعامدىق تاماقتاندىرۋ ورىندارى, قوناقۇي قىزمەتىنىڭ ساپاسى دا جاقسارا تۇسەرى انىق. ەندەشە, تۋريزمگە بەيىم ستۋدەنت جاستاردىڭ ايى وڭىنان تۋعالى تۇر.
ەسكەندىر ەرتاي
