رۋحانيات • 01 قازان، 2019

التىن وردا شاھارلارىنا حالىقارالىق ەكسپەديتسيا جولعا شىقتى

213 رەتكورسەتىلدى

اتىراۋ وبلىسى كاسىپكەرلىك جانە يندۋستريالىق-يننوۆاتسيالىق دامۋ باسقارماسى قولداۋىمەن قازاقستان رەسپۋبليكاسى مادەنيەت جانە سپورت مينيسترلىگى «سارايشىق» مەملەكەتتىك تاريحي-مادەني مۋزەي-قورىعى» رەسپۋبليكالىق مەكەمەسىنىڭ ۇيىمداستىرۋىمەن جوشى ۇلىسى استانالارى «سارايشىق – ساراي-باتۋ – ساراي بەركە قالالارى ىزىمەن» اتتى حالىقارالىق عىلىمي-زەرتتەۋ ەكسپەديتسياسىنا جولعا شىقتى.

ەكسپەديتسيانى مۋزەي-قورىق ديرەكتورى تاريح عىلىمدارىنىڭ دوكتورى، پروفەسسور ابىلسەيىت مۇقتار باستاپ ءجۇر. توپ قۇرامىندا مۋزەي-قورىق قىزمەتكەرلەرى، ۇعا كوررەسپوندەنت مۇشەسى، گەولوگيا-مينەرولوگيا عىلىمدارىنىڭ دوكتورى، پروفەسسور ن.سەيتوۆ، ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ پروفەسسورى، سۋرەتشى و.كەندىر، تاريح عىلىمدارىنىڭ دوكتورى س.ساپانوۆ، تاريح عىلىمدارىنىڭ دوكتورى ا.احمەت، م.وتەمىس ۇلى اتىنداعى باتىس قازاقستان مەملەكەتتىك ۋنيۆەرسيتەتىنىڭ گەوگراف عالىمى ا.تۇرعانباەۆ، جۋرناليستەر، ولكەتانۋشىلار بار.

- ەكسپەديتسيا ماقساتى - جوشى ۇلىسى -التىن وردا تاريحىنداعى استانالاردىڭ ورنىندا عىلىمي زەرتتەۋلەر جۇرگىزۋ. وسى ساپاردا استراحان، ۆولگوگراد مۋزەيلەرىمەن بىرلەسىپ جۇمىستار اتقارۋ ءۇشىن كەلىسسوزدەر جۇرگىزەمىز. اتىراۋ وبلىسى بويىنشا ءتۋريزمدى دامىتۋ ءۇشىن تۋر كومپانيالارىمەن كەلىسىمشارتقا وتىرامىز، - دەيدى ابىلسەيىت قاپيز ۇلى.

بۇگىن حالىقارالىق ەكسپەديتسيا رەسەي فەدەراتسياسى استراحان وبلىسى ۆولودار اۋدانىنا قاراستى التىنجار اۋىلىنا ات باسىن تىرەپ، كۇي اتاسى قۇرمانعازى ساعىرباي ۇلى كەسەنەسىنە زيارات ەتەدى.

1

 

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

ۇقساس جاڭالىقتار