جاڭا كەڭسەنىڭ اشىلۋ راسىمىنە قالالىق سوتتىڭ توراعاسى ەربول راحىمبەكوۆ, سوت جۇيەسىنىڭ ارداگەرلەرى, قالالىق, اۋداندىق جانە وعان تەڭەستىرىلگەن سوتتاردىڭ سۋديالارى, سوت ماماندارى, پروكۋرورلار جانە مەدياتورلار قاتىستى.
«فرونت-كەڭسەنىڭ نەگىزگى جۇمىسى – سوتتىڭ اشىقتىعىن قامتاماسىز ەتىپ, قالا تۇرعىندارىنىڭ سوت تورەلىگىن جەدەل جۇزەگە اسىرۋ. مۇندا ارىزدانعان ازاماتتار ۋاقىتىن جوعالتپاي, ناتيجەلى اقپارات الۋعا بارلىق مۇمكىندىك جاسالعان», دەيدى سوتتار اكىمشىسىنىڭ باسشىسى نۇرسۇلتان بايتىلەسوۆ.
فرونت-كەڭسەدە پروكۋرور, مەدياتور جانە ادۆوكاتتار قىزمەت كورسەتەتىن, اقپاراتتاندىرۋ جانە تاتۋلاستىرۋ بولمەلەرى بار. سونىمەن قاتار ءوز وزىنە قىزمەت كورسەتۋ بولمەسىمەن قاتار بالالارعا ارنالعان بۇرىشتار بار. كەڭسەنىڭ كىرەبەرىسىندەگى اقپاراتتاندىرۋ ورتالىعىندا تۇرعىندار كەڭەس بەرۋشى قىزمەتكەرلەردىڭ كومەگىنە جۇگىنە الادى. كەڭسە قۇقىقتىق قىزمەتتەرگە قول جەتكىزۋ ماقساتىندا زاماناۋي تەحنيكالار جانە جايلى جيھازدارمەن جابدىقتالعان.
شىمكەنت
