نۇرسۇلتان نازارباەۆ فرانتسيانىڭ بۇرىنعى پرەزيدەنتى جاك شيراكتىڭ ومىردەن وتكەنى تۋرالى سۋىت حاباردى زور كۇيزەلىسپەن قابىلدادى.
قازاقستاننىڭ تۇڭعىش پرەزيدەنتى مارقۇمنىڭ وتباسى مەن تۋعان-تۋىستارىنا, پرەزيدەنت ەممانيۋەل ماكرونعا جانە بارشا فرانتسيا حالقىنا كوڭىل ايتتى.
«ول ءوز ەلىنىڭ ناعىز پاتريوتى جانە حالىقارالىق دەڭگەيدەگى ءبىرتۋار ساياساتكەر رەتىندە ايانباي ەڭبەك ەتتى.
سونىمەن قاتار, قازاقستان مەن فرانتسيا اراسىنداعى ءوزارا سەنىمگە قۇرىلعان ديالوگ پەن دوستىق قارىم-قاتىناستى نىعايتۋعا باعا جەتپەس ەڭبەك سىڭىرگەنىن ەرەكشە اتاپ وتكىم كەلەدى.
جاك شيراكتىڭ جارقىن بەينەسى تەك فرانتسۋز حالقىنىڭ عانا ەمەس, الەم جۇرتشىلىعىنىڭ جادىندا ءاردايىم ساقتالادى دەپ سەنەمىن», - دەپ ايتىلعان جەدەلحاتتا.
