«پارتيانىڭ بارلىق باستامالارى مەن مەملەكەت باسشىسى قاسىم-جومارت توقاەۆتىڭ سايلاۋ الدىنداعى ۋادەلەرىنىڭ ورىندالۋىن قاتاڭ باقىلاۋعا الۋ قاجەت. ەلباسى نۇرسۇلتان نازارباەۆ پارتيانىڭ سايلاۋالدى باعدارلاماسىن ۇكىمەتتىڭ جۇزەگە اسىرۋ بارىسىنا دا تالداۋ جۇرگىزۋدى تاپسىردى. Nur Otan فراكتسياسى بۇعان دەيىن وسى باعىتتا بىرقاتار جۇمىس اتقارىپ تا ۇلگەردى. جەكەلەگەن باعىتتار بويىنشا كەزەك كۇتتىرمەي شەشۋدى قاجەت ەتەتىن ولقىلىقتار انىقتالدى. پارتيالىق باقىلاۋ كوميتەتى وسى ماسەلەلەر بويىنشا جاۋاپتى مينيسترلىكتەردى تىڭداپ, جىبەرىلگەن كەمشىلىكتەردىڭ سەبەبىن انىقتاپ, جاۋاپتى قىزمەتكەرلەردىڭ پارتيالىق جاۋاپكەرشىلىگىن كۇشەيتۋى كەرەك», – دەدى باۋىرجان بايبەك.
پارتيا توراعاسىنىڭ ءبىرىنشى ورىنباسارى Nur Otan-نىڭ مۇشەلەرىنە پارتيالىق ءتارتىپ پەن جاۋاپكەرشىلىكتى ەستەن شىعارماۋ كەرەكتىگىن باسا ايتتى.
ء«ۇنسىز وتىرماي, حالىقتىڭ الدىنا شىعۋ كەرەك. ولاردىڭ كوتەرگەن ماسەلەلەرىنە قۇلاق اسىپ, اشىق تالقىلاۋ قاجەت. پارتيانىڭ قوعامدىق قابىلداۋ بولمەسىنە كەلىپ تۇسكەن شاعىمداردىڭ 47 پايىزى جەرگىلىكتى جەردە, ايماقتىق جانە اۋماقتىق فيليالداردىڭ توراعالارى شەشەتىن ماسەلەلەر. پارتيالىق باقىلاۋ كوميتەتى قوعامدىق قابىلداۋ بولمەسىمەن تىعىز جۇمىس ىستەپ, مۇنداي ماسەلەلەردىڭ تىكەلەي جەرگىلىكتى جەردە تەز شەشىلۋىن قامتاماسىز ەتۋى كەرەك. پروبلەمالاردى انىقتاپ, ولاردى كەشەندى تۇردە شەشۋ قاجەت. كۇرمەۋى قيىن ارىز-شاعىمدارعا ەرەكشە كوڭىل ءبولىپ, تەكسەرۋدىڭ بارلىق ساتىسىندا قاتاڭ پارتيالىق باقىلاۋعا الۋ كەرەك», – دەدى باۋىرجان بايبەك.
ونىڭ ايتۋىنشا, پارتيالىق باقىلاۋ كوميتەتى پروبلەمانى جانە جاۋاپتى شەنەۋنىكتى انىقتاپ, ونىڭ پارتيالىق جاۋاپكەرشىلىگىن قوعامدىق قايتا قاراۋ ارقىلى سەرپىن بەرۋى كەرەك. قارالىپ جاتقان ماسەلەلەر بويىنشا كوميتەتتىڭ بارلىق شەشىمدەرى ناقتى ناتيجەلەرگە باعىتتالۋى ءتيىس.
ءوز كەزەگىندە, پارتيالىق باقىلاۋ كوميتەتىنىڭ جاڭا توراعاسى پاۆەل كازانتسەۆ جاڭارتىلعان قۇرامنىڭ دەپۋتاتتىق كورپۋس, بەلگىلى قوعام قايراتكەرلەرى, سالا ماماندارى مەن ساراپشىلاردان, سونداي-اق, باق وكىلدەرىنەن تۇراتىنىن ايتتى. بيىل ازاماتتاردىڭ وتىنىشتەرىن قاراۋ تاجىريبەسى, بيۋدجەت قاراجاتىن جۇمساۋدىڭ تيىمدىلىگى جانە ايماقتىق پارتيالىق باقىلاۋ جۇيەسىنىڭ جۇمىسى تۋرالى ءۇش وتىرىس وتكىزۋ جوسپارلانعان.
