ال اتاۋلى الەۋمەتتىك كومەكتى تولەۋگە جيىنى 11,5 ملرد تەڭگە قارجى قاراستىرىلىپتى. دەسەك تە قازىرگى ۋاقىتتا ەل كولەمىندە اتاۋلى الەۋمەتتىك كومەككە قول جەتكىزۋ ءۇشىن تابىسىن جاسىرىپ, مالىنىڭ سانىن كەمىتىپ كورسەتۋ, دۇنيە مۇلكىن تۋىستارىنىڭ اتىنا تىركەۋ سەكىلدى فاكتىلەردىڭ كوپ بولماسا دا, تىركەلىپ جاتقانى جاسىرىن ەمەس. «ارنايى قۇرىلعان كوميسسيا ەڭبەك جانە حالىقتى الەۋمەتتىك قورعاۋ مينيسترلىگىنىڭ «ەڭبەك رەسۋرستارىن دامىتۋ ورتالىعى» ۇسىنعان تىزىمگە سايكەس اتاۋلى الەۋمەتتىك كومەك تاعايىندالعان 3658 وتباسى بويىنشا جۇمىستى اياقتادى. وسى تىزىمدەگى 150 وتباسى ءساۋىر ايىندا ءبىرىنشى توقسانداعى تابىستارىن تومەن كورسەتكەن. قالعان 3508 وتباسىنا تالداۋ جۇرگىزىلدى, 103 وتباسىندا كومەكتى تولەۋدىڭ زاڭسىزدىعى انىقتالعان جوق, بۇل وتباسىلارعا تولەمدەر جالعاستى. ال قاتەلىك بولماعان 3405 وتباسىنا تولەم توقتاتىلمايدى» دەگەن ەدى جاقىندا وسكەمەندە وتكەن كوپ بالالى وتباسىلاردىڭ ماسەلەسىن شەشۋ جونىندەگى كوميسسيا وتىرىسىندا وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىسىنىڭ ورىنباسارى ەربولات وشاقباەۆ.
باسقارمانىڭ الەۋمەتتىك تولەم ءبولىمىنىڭ باس مامانى بۇلبۇل قۇسمانوۆانىڭ ايتۋىنشا, مينيسترلىك «تابىسىن جاسىردى» دەپ ءتىزىمىن ۇسىنعان 150 وتباسىنىڭ 120-سىنىڭ شىنىمەن دە تابىسىنىڭ اسىپ كەتكەنى انىقتالىپتى. «ولار تابىسىن ادەيى جاسىردى دەپ ايتا المايمىز. ءبىرىنىڭ ەڭبەك دەمالىسىنىڭ اقشاسى كەش تۇسكەن, ەكىنشىسى جۇمىس بەرۋشىنىڭ تاراپىنان جالاقىسىن ۋاقىتىندا الماعان. تەكسەرە كەلە وسىنداي جايتتاردى انىقتاپ, اتاۋلى الەۋمەتتىك كومەكتى توقتاتتىق. قازىرگى ۋاقىتتا 120 وتباسى وزدەرى العان الەۋمەتتىك كومەكتىڭ قارجىسىن مەملەكەتكە قايتارۋدا. قالعان 30 وتباسىندا قايتا ەسەپتەۋ جۇرگىزىلدى, الەۋمەتتىك كومەك بەرۋ توقتاتىلعان جوق. تەك كولەمى ازايدى» دەگەن ول وسكەمەن قالاسى مەن بورودۋليحا اۋدانىندا اليمەنت كولەمىن ازايتىپ كورسەتۋ فاكتىلەرى تىركەلگەنىن جەتكىزدى. ال ءۇرجار اۋدانىندا اۋداندىق جۇمىسپەن قامتۋ جانە حال اكتىلەرىن تىركەۋ ءبولىمى مال سانىنىڭ كوپتىگىنە بايلانىستى 5 وتباسىنا اتاۋلى الەۋمەتتىك كومەك تاعايىنداۋدان باس تارتىپتى. جالپى, بۇل اۋداندا 2018 جىلى 592, بيىل 2023 وتباسىنا اتاۋلى الەۋمەتتىك كومەك تاعايىندالىپتى.
شىعىس قازاقستان وبلىسى
