تاعايىنداۋ • 25 قىركۇيەك, 2019

باتىس قازاقستان وبلىسى اكىمىنىڭ جاڭا ورىنباسارى تاعايىندالدى

286 رەت
كورسەتىلدى
1 مين
وقۋ ءۇشىن

«100 ناقتى قادام» – ۇلت جوسپارىندا كورسەتىلگەن مەريتوكراتيا قاعيداسىنا سايكەس پرەزيدەنت اكىمشىلىگى كەلىسىمىمەن جانە اكىمنىڭ وكىمىمەن باتىس قازاقستان وبلىسى اكىمىنىڭ ورىنباسارى بولىپ ەگىزباەۆ سەرىك راحمەتوللا ۇلى تاعايىندالدى. بۇل تۋرالى باتىس قازاقستان وبلىسى اكىمدىگىنىڭ ءباسپاسوز قىزمەتى حابارلادى.

باتىس قازاقستان وبلىسى اكىمىنىڭ جاڭا ورىنباسارى تاعايىندالدى

سەرىك راحمەتوللا ۇلى ەگىزباەۆ – 1963 جىلى تۋعان, ءبىلىمى جوعارى, باتىس قازاقستان اۋىل شارۋاشىلىق ينستيتۋتىن «اگرونوم», قازاق مەملەكەتتىك زاڭ اكادەمياسىن «زاڭگەر» ماماندىقتارى جانە قر پرەزيدەنتىنىڭ جانىنداعى مەملەكەتتىك قىزمەت اكادەمياسىن بىتىرگەن. ەكونوميكا عىلىمدارىنىڭ كانديداتى.

ءار جىلدارى:

- بقو اكىمى اپپاراتى ءبولىمىنىڭ باس ينسپەكتورى, ءبولىم مەڭگەرۋشىسىنىڭ ورىنباسارى,

- قارجى مينيسترلىگى دەپارتامەنت ءبولىمىنىڭ باستىعى,

- پرەمەر-مينيستر كەڭسەسى الەۋمەتتىك-مادەني دامۋ ءبولىمىنىڭ باس ينسپەكتورى, ۇيىمداستىرۋ-ينسپەكتورلىق جانە اۋماقتىق دامۋ ءبولىمىنىڭ باس ينسپەكتورى,

- پرەزيدەنت اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى,  ءبولىم مەڭگەرۋشىسىنىڭ ورىنباسارى,

- اۋىل شارۋاشىلىعىنىڭ ۆيتسە-ءمينيسترى.

كۇنى بۇگىنگە دەيىن «Qazaqstan» رترك» اق باسقارما توراعاسىنىڭ ورىنباسارى بولدى.

ول ىشكى ساياسات, ءبىلىم, جاستار ساياساتى, مادەنيەت, ءدىن ىستەرى, تىلدەردى دامىتۋ سالالارىنا جەتەكشىلىك ەتەتىن بولادى.

سوڭعى جاڭالىقتار