بۇل – شەتەلدە تۇراتىن وتانداستارمەن بايلانىس ورناتۋ جانە نىعايتۋ بويىنشا قور باعدارلاماسى سەرياسىنداعى ءتورتىنشى بيزنەس-فورۋم. ءىس-شارانىڭ نەگىزگى ماقساتى – ۇلىبريتانياداعى قازاق دياسپوراسى وكىلدەرىمەن ىسكەرلىك قارىم-قاتىناس ورناتۋ.
فورۋمعا قازاقستاننىڭ ۇلىبريتانياداعى ەلشىسى ەرلان ءابىلفايىز ۇلى ىدىرىسوۆ, «وتانداستار قورى» كەاق ۆيتسە-پرەزيدەنتى ماعاۋيا سارباسوۆ, دۇنيەجۇزى قازاقتارى قاۋىمداستىعىنىڭ توراعاسىنىڭ ورىنباسارى جانىبەك لەسبەكوۆ, بيزنەس جانە جوبالاردى اكسەلەراتسيالاۋ دەپارتامەنتىنىڭ باس مەنەدجەرى اناس باققوجاەۆ, «Crimson Field» جشس ديرەكتورى تالعات احمەتجانوۆ, «Kazakhstan Phd Association» پرەزيدەنتى اليا سەمباەۆا جانە قازاق دياسپورا وكىلدەرى مەن ۇلىبريتانيادا وقىپ جۇرگەن قازاقستاندىق ستۋدەنتتەر قاتىستى.
قوردىڭ ۆيتسە-پرەزيدەنتى ماعاۋيا سارباسوۆ جيىنعا قاتىسۋشىلاردى قور جانە دۇنيەجۇزى قازاقتار قاۋىمداستىعىنىڭ قىزمەتىمەن, شەتەلدەگى دياسپورامەن جۇمىس ىستەۋ جونىندەگى قوردىڭ نەگىزگى جوبالارىنىڭ ءبىرى – الەم بويىنشا قازاق مادەني - ىسكەرلىك ءۇيى جەلىسىن قۇرۋ جونىندەگى جوسپارىمەن تانىستىردى.
ورتالىق كەڭسەسى نۇر-سۇلتاندا ورنالاسقان قازاق مادەني-ىسكەرلىك ءۇيى رەسمي وكىلى رەتىندە شەت ەلدەردە تۇراتىن ەتنيكالىق قازاقتار تارتىلاتىن ىسكەرلىك ۇيلەرى مەن مادەني ورتالىقتار جەلىسىن قۇرادى. ولار قازاق مادەنيەتىن, سالت-ءداستۇرىن, ۇلتتىق برەندتەرىن دارىپتەيدى جانە ءتىلدى ساقتايدى. سونداي-اق قازاقستاندىق ەكسپورتتى, ونىمدەردى تارتۋعا اتسالىسادى. بيزنەس-كەلىسىمشارتتار جاساۋعا قاتىسادى, سەرىكتەستەردى, تىڭ بيزنەس يدەيالار مەن يننوۆاتسيالىق ستارتاپتاردى ىزدەيدى. يزرايل, ارمەنيا ءتارىزدى ەلدەردە مادەنيەتتى ىلگەرىلەتۋ مەن بيزنەستى دامىتۋدا كەڭىنەن قولدانىلعان بۇل ۇستانىم –دياسپورا وكىلىنىڭ ءبىلىم-بىلىگى مەن تۇراتىن ەلىنىڭ تۇتىنىس قاجەتتىلىگى جايلى تۇسىنىگىن دۇرىس باعىتتا پايدالانۋ ناقتى جەمىسىن بەرگەن.
فورۋم قاتىسۋشىلارى ستارتاپتار, بيزنەس-باستامالار, قولدا بار جوبالار تۋرالى ايتىپ, سپيكەرلەرگە سۇراقتار قويىپ, بيزنەس جوسپارلار مەن باستامالاردى قازاقستاندا دا, حالىقارالىق نارىقتا دا ىلگەرىلەتۋ مۇمكىندىكتەرىن تالقىلادى.
سونداي-اق لوندوندا استانا وپەرا, استانا بالەت, قۇرمانعازى وركەسترى سياقتى مادەني جانە ۇلتتىق برەندتەردى ىلگەرىلەتۋ, دياسپورا اراسىندا ءتىلدى ساقتاۋ, سونداي-اق «اباي» مادەني ورتالىعىن قۇرۋ ماسەلەلەرى قوزعالدى.
ايتا كەتەيىك, لوندونداعى بيزنەس-فورۋم ميۋنحەن, سان-فرانتسيسكو, ستامبۋل جانە تاشكەنت قالالارىنداعى كەزدەسۋلەردەن كەيىن بەسىنشى بولدى. ءتۇرلى ەلدەردە تۇراتىن وتانداستارمەن بارلىق وسىنداي كەزدەسۋلەر 8 (گفر, اقش, ۇلىبريتانيا, شۆەتسيا, قىتاي حالىق رەسپۋبليكاسى, وزبەكستان, تۇركيا جانە رەسەي) جوسپارلانعان, كەلەسى بيزنەس-فورۋم 2019 جىلدىڭ قازان ايىندا ستوكگولم قالاسىندا (شۆەتسيا) وتەدى.
الداعى فورۋمدار تۋرالى بارلىق اقپارات قوردىڭ Facebook جانە Instagram الەۋمەتتىك جەلىلەرىندەگى رەسمي بەتتەرىندە قولجەتىمدى. بۇدان باسقا, الداعى بيزنەس-فورۋمداردىڭ ەگجەي-تەگجەيىن وتانداستارىمىزدىڭ سۇراقتارى بويىنشا بىرىڭعاي بايلانىس ورتالىعىنا قوڭىراۋ شالىپ بىلۋگە بولادى:
1404
8 800 080 1404
+7 (7172) 98 14 04
سونداي-اق Whatsapp جانە Telegram مەسسەندجەرلەردە (قوڭىراۋلار قابىلدانادى) ءنومىرى بويىنشا
+7 701 000 1404
