«نيۋ-يوركتە ساپارمەن ءجۇرىپ, الماتىداعى 4-ءشى قالالىق اۋرۋحانانىڭ باس دارىگەرى جانە انەستەزيولوگىنىڭ تۇتقىندالۋى جونىندەگى مەديتسينا قاۋىمىنىڭ ءوتىنىش-تىلەكتەرىن وقىدىم. گەرمانيا اۋرۋحاناسىندا جاسالعان وتادان سوڭ قايتىس بولعان ناۋقاستىڭ ءولىمىن زاڭعا سايكەس تەكسەرۋدى تاپسىردىم. بۇل ماسەلە پرەزيدەنت اكىمشىلىگى, دەنساۋلىق ساقتاۋ مينيسترلىگى, الماتى ق. اكىمىنىڭ باقىلاۋىندا», دەپ جازدى پرەزيدەنت قاسىم-جومارت توقاەۆ تۆيتتەردەگى پاراقشاسىندا.
ەسكە سالا كەتەيىك, الماتى اۋدانارالىق مامانداندىرىلعان تەرگەۋ سوتىنىڭ قاۋلىسىمەن دارىگەر اسقار تۇڭعىشباەۆ قر قك 317-بابىنىڭ 3-بولىمىمەن (مەديتسينا جۇمىسكەرiنiڭ كاسiپتىك مiندەتتەرiن تيiسiنشە ورىنداماۋى سالدارىنان ابايسىزدا ادام ولiمiنە اكەپ سوققان ءىس-ارەكەتتەر) 2 ايعا قاماۋعا الىندى.
