اكىمنىڭ ازاماتتاردى جەكە قابىلداۋى بارىسىندا ايەلدەر مەسسەندجەردە بىرنەشە چاتتاردا تۇراتىنىن اتاپ ءوتتى. چاتتاعى ادمين تۇرعىن ۇيگە كەزەكتە تۇرۋ تۋرالى جالعان اقپارات تاراتقان.
«چاتتا ەگەر ءبىز الاڭعا شىقپاساق, ءبىزدى توپتان شىعاراتىندارىن جانە دە بۇدان بىلاي ەش تۇرعىن ءۇي باعدارلاماسىنا قاتىسا المايتىندىعىمىز تۋرالى ايتىلدى. كەزەككە سايكەس پاتەر بەرىلمەيتىندىگى تۋرالى دا ايتىلدى. سول كۇنى بالام اۋىرىپ, الاڭعا شىقپادىم. الاڭعا شىقپاعانىما قۋانامىن. ولار ءبىزدى پايدالانا وتىرىپ, ءوز ماسەلەلەرىن زاڭسىز جولمەن شەشكىسى كەلدى. سودان كەيىن ادمين چاتتان شىعىپ كەتتى. قازىر مەسسەندجەرلەردە تاراتىلاتىن اقپاراتقا سەنبەيمىز, بارلىق اقپاراتتى دۇرىستاپ تەكسەرەمىز. ويتكەنى, ەشكىم كەزەكتەن تىس باسپانا الا المايدى», دەدى قالا تۇرعىنى.
قابىلداۋعا كەلگەندەرگە ناقتى اقپاراتتى تەك مەملەكەتتىك ورگانداردان جانە «جانۇيا» وتباسى ينستيتۋتىن قولداۋ ورتالىعىندا الۋعا بولاتىنى ايتىلدى. ازاماتتاردى قابىلداۋ جۇيەلى تۇردە اۋداندىق اكىمدىكتەردە جانە «جانۇيا» وتباسى ينستيتۋتىن قولداۋ ورتالىعىندا وتەدى. ورتالىقتا ء«بىر تەرەزە» قاعيداتى بويىنشا 70-تەن استام مەملەكەتتىك قىزمەت كورسەتىلەدى.
قالا اكىمى التاي كولگىنوۆ ەرەكشە قاجەتتىلىگى بار بالالاردىڭ اتا-انالارىمەن كەزدەستى. كەزدەسۋدە باسپانا, وڭالتۋ ورتالىقتارىنان ەم الۋ مەن ينۆاتاكسي جەتىسپەۋشىلىگى بويىنشا ماسەلەلەر كوتەرىلدى. ەلوردا اكىمى ا.كولگىنوۆ مۇمكىندىگى شەكتەۋلى بالالارى بار انالاردىڭ سۇراقتارىن مۇقيات تىڭداپ, جاعدايدى بىلايشا ءتۇسىندىردى:
-بىرىنشىدەن, باسپانا ماسەلەسى وتە كۇردەلى. قالامىزدا تۇرعىن ۇيگە سۇرانىس وتە جوعارى. وسى ماسەلەنى ەسكەرىپ, مەملەكەت باسشىسى قولجەتىمدى باسپانا بۇرىنعىدان ءۇش ەسە كوپ سالۋدى تاپسىردى. اكىمدىكتە ءۇي كەزەگى قاتاڭ ساقتالادى. وزگەلەرگە كەزەكسىز شەشىپ بەردى دەگەن قاۋەسەتكە سەنبەڭىزدەر. 47 600 ادام ءۇي كەزەگىندە تۇر. كەزەكسىز ءۇي بەرىلسە, زاڭعا باعىنىپ كەزەگىن كۇتىپ وتىرعان ازاماتتاردىڭ قۇقىعىن قالاي اياق استى ەتەمىز؟ سوندىقتان بارلىعىن زاڭ اياسىندا قاراستىرامىز. ناقتى ايتارىمىز - ءبىر كۇندە باسپانا ماسەلەسىن شەشەمىز دەپ قۇرعاق ۋادە بەرمەيمىز. ەكىنشىدەن, قالامىزدا ەكى بىردەي وڭالتۋ ورتالىعى سالىنادى. بىرەۋى مەملەكەت قارجىسىنا, ەكىنشىسى جەكە ينۆەستور ەسەبىنەن اشىلىپ, سىزدەردىڭ بالالارىڭىزعا قىزمەت كورسەتەدى. سونىمەن قاتار, يپپودرومنىڭ اۋماعىندا يپپوتەراپيا ورتالىعى بوي كوتەرەدى. بۇل سىزدەردىڭ بالالارىڭىز ءۇشىن ۇلكەن قولداۋ بولادى. ۇشىنشىدەن, سۇرانىسقا سايكەس قالامىزدا ينۆاتاكسيلەردىڭ سانىن كوبەيتەمىز. تورتىنشىدەن, ەرەكشە قاجەتتىلىگى بار بالالارىڭىزدى ارناۋلى بالاباقشالارعا ورنالاستىرۋعا كومەكتەسەمىز. بەسىنشىدەن, سىزدەردىڭ ماسەلەلەرىڭىزدى شەشۋدەن باس تارتپايمىز. وزدەرىڭىز سياقتى ازاماتتار قابىلداۋىمىزدا ءجيى بولادى. جاقىندا پرەزيدەنتتىڭ تاپسىرماسىنا سايكەس «جانۇيا» وتباسى ينستيتۋتىن قولداۋ ورتالىعىن اشتىق. سول ورتالىقتا سۇراقتارىڭىزدىڭ بارىنە جاۋاپ تاباسىزدار. ءبىز دە سول جەردە تۇراقتى قابىلداۋلار وتكىزەمىز, - دەدى ا.كولگىنوۆ.
21-23 قىركۇيەك ارالىعىندا ەلوردا اكىمى ا. كولگىنوۆ ازاماتتاردى 68 ادامدى جەكە قابىلدادى. ءۇش ايدان از ۋاقىت ىشىندە ەلوردا اكىمى 445 ادامدى قابىلدادى.
