الماتى – قازاقستاندىقتاردىڭ ماقتانىشى, جايلى, كوشەلەرى كەڭ, ادەمى عيماراتتارى, ساياباقتارى, گۇل الاڭدارى مەن فونتاندارى كوپ جاسىل جەلەككە مالىنعان, ساۋلەلى قالا. سونىمەن قاتار الماتى – عىلىمي, مادەني, تاريحي, ءوندىرىس جانە ەلىمىزدىڭ قارجى ورتالىعى سانالادى.
«الماتىم – التىن ۇيام» اتتى بۇل ءىس-شاراعا شاتتىقتى شاھاردىڭ وندىردەي ونەرگە ۇمتىلعان بەينەلەۋ ونەرى مەكتەپتەرى قاتىستى, سونداي-اق اتالمىش مەرەكەگە وراي بالالار شىعارماشىلىعىنىڭ كورمەسى ۇيىمداستىرىلدى.
ولاردىڭ قاتارىندا «ArtLab» بەينەلەۋ ونەرىنىڭ كرەاتيۆتى مەكتەبى, «دا ۆينچي» جانە «Art Mix studio», «بوجيا كوروۆكا», «شەدەۆر» ستۋديالارى بار.
جاس تالانتتى سۋرەتشىلەر سۇيىكتى قالاسىنىڭ كورنەكى جەرلەرىن, مادەني جانە تاريحي ەسكەرتكىشتەردى, ءتۇرلى ارحيتەكتۋرالىق شەبەرلىكپەن سالىنعان عيماراتتار مەن ساياباقتاردى, سونىمەن قاتار قالانىڭ سيمۆولدارىن وزدەرىنىڭ جاڭا تۋىندىلارى ارقىلى كەلۋشىلەرگە ۇسىنىس ءبىلدىردى.
فەستيۆال اياسىندا وقۋشىلار سارايى جانە الماتى وبلىسى, قاراساي اۋدانى اباي اۋىلىنىڭ «شىرقا» ونەرگە باۋلۋ ورتالىعى بالالارعا ارنالعان كونتسەرتتىك باعدارلاما ۇسىندى. سونداي-اق «مەنىڭ تۇراتىن قالام» اتتى سلايد-ۆيكتوريناسى, «الماتى قالاسىنىڭ تاريحى» مۋزەيىنە كەلۋشىلەرگە ارنالعان ۆيكتورينا, «قازاق حالقىنىڭ سالت-ءداستۇرى مەن ادەت-عۇرىپتارى» اتتى بايقاۋ ۇيىمداستىرىلدى. ودان بولەك شاراعا قاتىسۋشىلار ءۇشىن قالانىڭ بەينەلەۋ ونەرى ستۋديالارىنىڭ جەتەكشىلەرى تاراپىنان شەبەرلىك ساباقتارىنان ءتالىم بەرىلدى.
الماتى
