رۋحانيات • 25 قىركۇيەك، 2019

قايراتكەر عۇمىرىنان ۇزىك سىر

105 رەت كورسەتىلدى

يگى ىستەردىڭ ۇيىتقىسى بولىپ كەلگەن ۇلتتىق اكادەميالىق كىتاپحانادا اليا يزەتبەگوۆيچ مۋزەيى مۇرىندىق بولۋىمەن قوس بىردەي كەلەلى جيىن ءوتتى. ەۋرازيا ەلدەرى پارلامەنتتەرى سپيكەرلەرىنىڭ ءتورتىنشى كەڭەسى اياسىندا ۇيىمداستىرىلعان القالى باسقوسۋدا «پرەزيدەنت ۆ كرۋپنوم پلانە» فوتوكورمەسى مەن «فوتومونوگرافيا الي يزەتبەگوۆيچا» كىتابى تانىستىرىلدى.

كورمەگە پارلامەنت ءما­جى­لىسىنىڭ دەپۋتاتى اسىل­بەك سماعۇلوۆ، بوسنيا جانە گەر­تسە­گوۆينا پارلامەنتى حالىق پالا­تاسىنىڭ توراعاسى باكير يزەتبەگوۆيچ، تۇركيا رەسپۋب­لي­كا­سىنىڭ قازاقستانداعى توتەن­­شە جانە وكىلەتتى ەلشىسى نەۆزات ۋيانىك، مادەنيەت جانە سپورت ۆيتسە-ءمينيسترى نۇرعيسا داۋەشوۆ، ۇلتتىق اكادە­ميا­لىق كىتاپحاناسىنىڭ باسشىسى ءۇمىتحان مۇڭالباەۆا، قازاقستاننىڭ بوسنيا جانە گەرتسەگوۆيناداعى ­ قۇرمەتتى كونسۋلى امەل ديزدارەۆيچ، بوسنيا ۇلتتىق مۋزەيىنىڭ ديرەكتورى ادنان جيشكو جانە وزگە دە شىعار­ماشىلىق قاۋىم وكىلدەرى قاتىستى. پارلامەنت ءماجىلىسىنىڭ دەپۋتاتى اسىلبەك سماعۇ­لوۆ قوس ەلدىڭ اراسىنداعى ديپ­لو­ماتيالىق قاتىناستىڭ ورنا­عانىنا 23 جىلدان استام ۋاقىت بولعانىن، مارتەبەلى مەيمان­داردىڭ بۇل جولعى ساپارى ءوزارا ىنتىماقتاستىقتى نىعايتۋدا ماڭىزدى ەكەنىن العا تارتتى.

– بوسنيا جانە گەرتسەگوۆينا مەملەكەتى قازاقستانعا حالى­ق­ارالىق دەڭگەيدە قولداۋ كورسەتىپ كەلەدى. ەلىمىزدىڭ 2013 جىلى ەقىۇ-عا توراعالىق ەتۋ كەزىندە، سونداي-اق 2017-2018 جىلدار بۇۇ قاۋىپسىزدىك كەڭەسىنىڭ ۋاقىتشا مۇشەسى بولۋىنا قولداۋ كورسەتۋىمەن وزگە دە حالىقارالىق شارالاردا ەكى ەل ۇستانىمى ءاردايىم جارقىن ۇيلەسىم تاۋىپ كەلەدى. وتكەن كەزەڭدەردە بارلىق سالادا تىعىز ساۋدا-ەكونوميكالىق قارىم-قاتىناس ىسكە اسىرىلۋدا. مادەني-گۋما­ني­تارلىق سالادا دا بىرقاتار ماڭىزدى ءىس-شارالار اتقارىلىپ ۇلگەردى. سونىڭ ءبىرى 2018 جىلى ساراەۆو قالاسىندا تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆتىڭ «تاۋەل­سىزدىك ءداۋىرى» اتتى كىتا­بى­نىڭ تۇساۋ­كەسەرى وتكەن بولاتىن. بيىل اقپاندا تۇركى مادەنيەتى جانە ونەرىن دامىتۋ جونىن­دە­گى حالىقارالىق تۇرك­سوي ۇيى­مى­نىڭ باستا­ماسىمەن ساراەۆو قالاسىندا قىزىل­وردا­لىق كامە­رالىق وركەستردىڭ گالا-كون­تسەرتى ءوتتى. ەكى ەل اراسىن­دا مەم­لەكەتارالىق جانە پارلا­مەن­ت­ارالىق بايلانىس ءوز جالعا­سىن تاۋىپ كەلەدى. بۇگىن ءبىز باكير يزەتبەگوۆيچتىڭ ءوز اكەسى جانە مەم­لەكەتتىڭ نەگىزىن قالاعان يۋگوس­-­لاۆياداعى ازامات سوعىسىنا توق­تاۋ سالعان، ءوزىنىڭ عانا ەمەس باسقا دا جاس مەملەكەتتەردىڭ بەيبىت ومىرگە قايتا ورالۋىنا، قايتا تۇلەۋىنە ەرەسەن ەڭبەك ەتكەن اليا يزەتبەگوۆيچكە ارناعان كىتاپتىڭ تۇساۋكەسەرىندە كەزدەسىپ وتىرمىز. ەكى ەل اراسىنداعى بايلانىس جالعاسىن تابا بەرسىن. باكير يزەتبەگوۆيچكە ساياسي قىزمەتىمەن قوسا شىعارماشىلىق جۇ­مىسىندا دا تابىس تىلەيمىن، – دەگەن اسىلبەك سماعۇلوۆ كەلە­شەك­تە كىتاپتىڭ قازاق تىلىنە اۋدا­­رى­لىپ، وقىرمان جۇرەگىنە جول تابا بەرسىن دەگەن سەنىمىن ءبىل­دىردى.

كورمەگە بوسنيا مەن گەرتسە­­گوۆينانىڭ تۇڭعىش پرەزي­دەن­­تى اليا يزەتبەگوۆيچتىڭ ادامي قاسيەتتەرى، ونىڭ تاعى­لى­مى مول تۇلعا رەتىندەگى قوعامداعى ورنىن ايشىقتايتىن دايەكسوزدەرمەن قوسا 40-قا تارتا مۇراعاتتىق فو­تو­­سۋرەتتەر كوپشىلىك نازارىنا ۇسىنىلدى. سونداي-اق ەل تاع­دى­رى­نىڭ شەشۋ­شى كەزەڭدەرى مەن سىن ساعاتتارىنداعى ۇستانىمى مەن ءومىر جولى جايىندا قىسقاشا ءدارىس وقىلدى. ەل تاۋەلسىزدىگى جولىنداعى كۇرەستە ۇلكەن ءرول اتقارعان كوشباسشىنىڭ ءومىر جولىنداعى ەڭ ماڭىزدى تۇستارى قامتىلعان. «وركەنيەتتى مەملەكەت قۇرۋ جولىنداعى بوستاندىق پەن قۇقىق قاعيدالارىن بەرىك ۇستانعان اليا يزەتبەگوۆيچتىڭ ءومىر جولى قىم-قيعاش بولدى. كوم­مۋنيستىك رەجىم ونى 17 جىل­عا باس بوستاندىعىنان ايىرىپ، ءومىرىنىڭ توعىز جىلىن قاپاستا وتكىزدى. ءبىر قاراعاندا، ونىڭ ەشقانداي مۇمكىندىگى بول­ما­عانداي كورىنەر ەدى. دانالىق پەن مەيىرىمدى، بەيبىتشىلىكتى ۇستىن ەتكەن قايراتكەر جان 2003 جىلى دۇنيەدەن قايتتى. ول ارتىنا ءتوزىمدى، ادىلدىكتى مۇرا ەتىپ قالدىردى. بوسنيا بۇل – بالقان تۇبەگىندەگى جاي عانا مەملەكەت ەمەس، ءتۇرلى ءدىن مەن مادەنيەت وكىلدەرى بەيبىت ءومىر سۇرەتىن ەل ەكەنىن كورسەتىپ كەتتى»، دەگەن بوسنيا جانە گەرتسەگوۆينا پارلامەنتى حالىق پالاتاسىنىڭ توراعاسى باكير يزەتبەگوۆيچ كورمە قوناقتارى مەن ۇيىمداستىرۋشى تاراپقا ايرىقشا العىس ءبىلدىردى.

كورنەكتى قايراتكەر يزەت­بە­گوۆيچ مورالدىق جانە ەتيكا­لىق قۇندىلىقتاردى حالى­قارالىق قوعامداستىق فاكتورى رەتىندە ساياسي بيلىكتىڭ قاينار كوزى ەتتى. ارحيۆ قۇجاتتارى، فوتوسۋرەتتەر مەن بەينەماتەريالدار، بىرەگەي قولجازبالار، ءبارى دە – بوسنيا مەن گەرتسەگوۆينا مەملەكەتىنىڭ ەرتەڭىن انىقتاعان وقيعالاردى بەينەلەيدى.

سوڭعى جاڭالىقتار

دوللار ارزاندادى

قارجى • بۇگىن، 15:58

ۇقساس جاڭالىقتار