«Isker ana» الەۋمەتتىك ءبىلىم بەرۋ جوباسى اياسىندا ايەلدەر تىگىن ءىسى, اسپاز, شاشتاراز, ۆيزاج, ەسەپشى, اعىلشىن ءتىلى, كومپيۋتەرلىك ساۋاتتىلىق سەكىلدى 10 ءتۇرلى ماماندىق بويىنشا وقىپ, سەرتيفيكات الدى. كۋرس بارىسىندا ءتۇرلى ترەنينگتەر وتكىزىلىپ, قاتىسۋشىلار الەۋمەتتىك جەلىلەردى ماقساتتى پايدالانۋ, جارناما ورنالاستىرۋ, ونلاين-ساۋدا جۇرگىزۋ ماشىقتارىن مەڭگەرىپ, بيزنەس جۇرگىزۋ نەگىزدەرىن وقىدى. ءوڭىر باسشىسى جوبا باستالار الدىندا كۋرس بىتىرۋشىلەردىڭ بيزنەس-جوبالارىن قاراستىرىپ, ءوز ىستەرىن دامىتۋعا قاجەت قۇرال-جابدىقتاردى ساتىپ الۋعا كومەك كورسەتىلەتىنىن ايتقان بولاتىن. وسى باعىتتا «Isker ana» جوباسىنىڭ ءى گرانت بايقاۋى ۇيىمداستىرىلدى.
– جوبا اياسىندا ارنايى ءبىلىم العان ايەل ادامداردىڭ اراسىنان كاسىپ باستاۋعا نيەت بىلدىرگەنى, بيزنەس-جوسپار جاساعاندارى گرانت بايقاۋىنا قاتىستى, – دەيدى وبلىستىق ىشكى ساياسات باسقارماسىنىڭ باسشىسى جاسۇلان بيسەمبيەۆ. – ناتيجەسىندە وبلىس بويىنشا 110 ايەل ادام گرانتقا يە بولدى. ولارعا ءوز ىستەرىن باستاۋلارى ءۇشىن قاجەت قۇرال-جابدىقتار بەرىلدى.
«Isker ana»-نىڭ ءبىرى – يندەر اۋدانىنىڭ تۇرعىنى ايدانا تەمىرعاليەۆا. جالعىزباستى انا بۇعان دەيىن مەملەكەتتەن الاتىن جاردەماقىمەن عانا كۇنەلتىپ كەلگەن. ەندى جاڭا كاسىپ مەڭگەرىپ, اۋىلىندا شاعىن بيزنەس باستايدى. «وسىنداي مۇمكىندىك سىيلاعان ايماق باسشىسىنا ريزاشىلىعىم شەكسىز. تەگىن كۋرسقا قاتىسىپ, دوستار تاپتىم, ءبىلىم كوكجيەگىمدى كەڭىتتىم, كوپ نارسە ۇيرەندىم. ەندى وقىعاندارىمدى ءىس جۇزىندە كورسەتۋ – ماقساتىم», دەيدى.
ءۇي شارۋاسىندا وتىرعان انالاردى كاسىپكە وقىتۋ ۇتىمدى شەشىم بولعانىن «Isker ana» جوباسىنا قاتىسۋشىلاردىڭ بولاشاققا دەگەن سەنىمدەرىنەن دە اڭعارۋعا بولادى. ال سەنىم – ۇلى كۇش.
اتىراۋ
