ءماجىلىس توراعاسى مەيمانعا ەۋرازيا ەلدەرى پارلامەنتتەرى سپيكەرلەرىنىڭ 4-كەڭەسىنە قاتىسۋ ءۇشىن ارنايى كەلگەنىنە العىس ءبىلدىرىپ, بۇل سلوۆاك مەملەكەتىنىڭ جان-جاقتى ارىپتەستىكتى تەرەڭدەتۋگە دەگەن ىنتاسىنىڭ كورسەتكىشى ەكەنىن ايتتى.
«قازىرگى ۋاقىتتا ەلدەرىمىز اراسىندا سىندارلى ساياسي ديالوگ ورناپ, ساۋدا-ەكونوميكالىق, مادەني-گۋمانيتارلىق بايلانىستار جۇيەلى جالعاسىن تاۋىپ كەلەدى. وسى جولدا قازاقستان پرەزيدەنتى قاسىم-جومارت توقاەۆتىڭ ديپلوماتيالىق ميسسيانى ەلشىلىك رەتىندە قايتا قۇرۋ تۋرالى شەشىمى ءوزارا ىقپالداستىقتى قولداۋدىڭ دالەلى» دەلىنگەن حابارلامادا.
حالىقارالىق ماسەلەنى ءسوز ەتكەندە نۇرلان نىعماتۋلين سلوۆاكيانىڭ وسى جىلى ەقىۇ توراعالىق ەتىپ وتىرعانىنا ەرەكشە توقتالىپ, اتالعان حالىقارالىق ۇيىممەن ىنتىماقتىڭ ماڭىزدىلىعىنا توقتالدى.
ن.نىعماتۋلين قازاقستان ەۋروپا مەن ازيا اراسىنداعى «بايلانىستىرۋشى كوپىر» بولعاندىقتان, باسىم باعىتتار بويىنشا ءوزارا ءىس-قيمىلدى دامىتۋدىڭ بارلىق مۇمكىندىكتەرىن ءتيىمدى پايدالانۋ قاجەت ەكەنىن ايتتى. مىسالى, ءبىزدىڭ ەلىمىز ونەركاسىپ, يننوۆاتسيا, بالاما جانە جاڭارتىلعان ەنەرگيا كوزدەرى سالاسىندا جوعارى تەحنولوگيالى بىرلەسكەن جوبالاردى جۇزەگە اسىرۋعا ىنتالى. سونداي-اق استانا حاب IT-ستارتاپتار حالىقارالىق تەحنوپاركى, جاسىل تەحنولوگيا جانە ينۆەستيتسيالىق جوبالار حالىقارالىق ورتالىعى اياسىندا بىرلەسە جۇمىس ىستەۋدىڭ مۇمكىندىگى زور.
ءوز كەزەگىندە اندرەي دانكو ءبىزدىڭ ەلدەرىمىز ارىپتەستىگىنىڭ الەۋەتى زور ەكەنىن, سلوۆاك ەلى ەكىجاقتى, سونىڭ ىشىندە, پارلامەنتارلىق ىنتىماقتاستىقتى ودان ءارى تەرەڭدەتۋگە مۇددەلى ەكەنىن جەتكىزدى. وسى ورايدا, ءماجىلىس سپيكەرى پارلامەنتتەرىمىزدىڭ ىنتىماقتاستىق توپتار جانە بەيىندى كوميتەتتەر ارقىلى ءوزارا ساپارلار الماسۋ پراكتيكاسىن ورناتۋدىڭ ماڭىزدىلىعىن, بۇل زاڭناما سالاسىندا جان-جاقتى تاجىريبە الماسۋعا مۇمكىندىك بەرەتىنىن ايتتى. مارتەبەلى مەيمان ارنايى شاقىرۋ ءۇشىن العىسىن جەتكىزدى.
تاراپتار پارلامەنتتىك فورۋم قاتىسۋشى بارلىق ەلدەرگە جان-جاقتى ءتيىمدى جانە پايدالى پىكىر الماسۋعا كەڭ جول اشاتىنىنا سەنىمدى.
