ايماقتار • 23 قىركۇيەك، 2019

ونلاين-تاپسىرىس كومىردەن تارىقتىرمايدى

11 رەتكورسەتىلدى

تاياۋدا قاراعاندى وبلىسى اكىمىنىڭ ورىنباسارى الماس ايداروۆ جىلىتۋ ماۋسىمىنا دايىندىق اياسىندا كومىر ساتۋ بەكەتتەرىنىڭ جۇمىسىن تەكسەرىپ قايتتى. مۇنداعى باس­تى ماقسات – قامسىز وتىرعان اعايىن قار تۇسكەندە جاپا-تارماعاي جۇگىرىپ، سودان ۇزىن-سونار كەزەك تۋىنداپ، ايعاي-شۋ بولماسىن دەگەنى ەدى.

قاراعاندى وبلىسىندا كومىر نارىعىنداعى دۇرلىگۋگە جول بەرمەۋ ءۇشىن جەرگىلىكتى بيلىك جاعدايدى كۇندەلىكتى رەجىمدە قاداعالاپ وتىر­عانىن ايتا كەتكەن ءلازىم. ساتىپ الۋشى­لارعا ىڭعايلى بولۋى ءۇشىن وڭىردە كومىر جەتكىزۋ جونىن­دەگى call-ورتالىق اشىلدى جانە سايت­تا وتىنىم­دەردى الىستان قابىلداۋ دا ۇيىم­داستى­رىلدى.

– قازىر كومىر ماۋسىمىنىڭ قىزۋ كەزەڭى باس­تالدى. ءبىز جازدان باستاپ حالىقتى وتىندى الدىن الا ساتىپ الۋعا شاقىردىق. ۇسىنىس جەتكىلىكتى بولۋى ءۇشىن جەتكىزۋشىلەرمەن جۇمىس ىستەدىك. وتكەن جىلى بۇل تاجىريبە ءساتتى جۇزەگە اسىرىلدى. الايدا ءبىز شىلدە مەن تامىز ايلارىندا وتكەن جىلعا قاراعاندا از كومىر ساتىپ الىنعانىن انىقتادىق. مۇمكىن بۇل جازدىڭ ىستىق بولۋىمەن بايلانىستى بولار، – دەدى ا.ايداروۆ.

كومىر الۋعا ءجون-جوسىقسىز كەزەكتى بولدىرماۋ ءۇشىن ونلاين-جەتكىزۋ قىزمەتى ارقىلى كومىر ساتاتىن سىناما جوبا تۋرالى وبلىس اكىمىنىڭ ورىنباسارى ەگجەي-تەگجەيلى ايتىپ بەردى. مىسالى، 7543.kz سايتىندا شۇباركول كومىرىن ساتىپ الۋعا ونلاين-تاپسىرىس بەرۋگە بولادى. 7543 نومىرىندە وبلىستىڭ بارلىق تۇرعىندارى ءۇشىن قولجەتىمدى call-ورتالىق جۇمىس ىستەيدى.

مونيتورينگ مالىمەتتەرى بويىنشا، كومىردى جەتكىزۋ نەگىزىنەن كۇنبە-كۇن ىسكە اسىرىلادى، كەيبىر جاعدايلاردا ارى كەتسە ەكى تاۋلىككە سوزىلۋى مۇمكىن. سونداي-اق ساتىپ الۋشىلار ءوز قالاۋى بويىنشا ناقتى ءبىر بەلگىلەنگەن كۇنگە دە تاپسىرىس بەرە الادى.

ونلاين-تاپسىرىس بويىنشا كومىردىڭ ءبىر تونناسى 10 100 تەڭگە تۇرادى. جەتكىزۋ تولەمى مەكەن-جايعا بايلانىستى 5 مىڭ تەڭگەدەن باستالادى.

– بۇگىنگى تاڭدا بۇل ەڭ ارزان باعا. بۇعان قوسا، كومىردىڭ ساپالى بولۋىنا دا كەپىلدىك بەرىلەدى. جەتكىزۋ كەزىندە بانك كارتاسى ارقىلى نەمەسە قولما-قول اقشامەن تولەۋگە بولادى، – دەدى ا.ايداروۆ.

بيىل وبلىستا 2018 جىلعا قاراعاندا كومىر 2 ملن تونناعا ارتىق ءوندىرىلىپ، 37 ملن توننانى قۇراۋى ءتيىس دەپ جوسپارلانعان. جالپى ءونىمنىڭ 4،5 ملن تونناسى كوممۋنالدىق-تۇرمىستىق ماقساتتاعى كومىرگە تيەسىلى، ال 1،3 ملن توننانى قاراعاندى وبلىسىنىڭ تۇرعىندارى تۇتىنادى.

قاراعاندى

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

تەمەكىنىڭ تاۋقىمەتى

مەديتسينا • بۇگىن، 07:05

ۇقساس جاڭالىقتار