رۋحانيات • 23 قىركۇيەك، 2019

قوس اقىن ۇزەڭگى قاعىستىردى

12 رەتكورسەتىلدى

سارىارقانىڭ تورىندە «رۋحاني جاڭعىرۋ» باعدار­لاماسى اياسىندا اقىن-جازۋشى، مەملەكەت جانە قوعام قايراتكەرى ساكەن سەيفۋلليننىڭ 125 جىل­دىعىنا ارنالعان حالىقارالىق ايتىس جوعارى دەڭ­گەي­دە ءوتتى. ەكى كۇنگە سوزىلعان جىر سايىسىندا قىر­عىزستان، موڭعوليا، قىتايدان جانە ەلىمىزدىڭ تۇپ­كىر-تۇپكىرىنەن كەلگەن 18 ايتىسكەر ونەر جارىس­تىردى.

قىم-قيعاش تارتىسقا تولى بولعان ايتىستىڭ العاشقى كۇنى جەتى ساعاتقا سوزىلدى. توعىز جۇپ ءوزارا ونەر سىناسىپ، ۇزدىك شىققان جەتى اقىن فينالدىق سايىسقا جولداما الدى. ال ەكىنشى كۇنى اقىندار التى ساعات ايتىس جاساپ، تىڭ­دارمان قاۋىمنىڭ جان سارايىن سەمىرتىپ، قۇلاق قۇرىشىن قاندىردى. وسىن­شا ۋاقىتقا سوزىلسا دا ساكەن اتىن­داعى تەاتردىڭ سارايىنداعى بىردە-ءبىر كو­رەرمەن ورنىنان تۇرىپ كەتپەدى. ياعني، بۇل دەگەنىڭىز اقىندار جۇرتتىڭ كوڭىلىنەن شىققان جاقسى ايتىستىڭ وتىن جاندىرا ءبىلدى دەگەن ءسوز.

جۇرتتىڭ جانىنا جاققان ايتىس­تىڭ ءبىرىن جانداربەك بۇلعاقوۆ پەن باۋىر­جان شەرمەدين ۇلى جاسادى. دەگەن­مەن الدىڭعىسىنىڭ ءسوز ساپتاسى، قيىن­نان قيىستىرعان تاپقىر شەبەرلىگى قارسىلاسىنان الدەقايدا وزىق تۇردى. مىسالى، جانداربەكتىڭ «قازاقستان كوپ ۇلتقا ورتاق وتان بولسا، قازاق ءتىلى دە ورتاق ءتىل بولۋ كەرەك» دەگەن ماعىناداعى ۇشقىر ويىنا كورەرمەن قاۋىم بەك ريزا بولىپ، ۇزاق قول سوقتى.

ماقسات احانوۆ پەن نۇرمات مانسۇروۆ اراسىنداعى ءسوز سايىسىندا دا سۇيسىنەرلىك تۇستار اسا كوپ بولدى. ەكى اقىن ۇساقتالماي، كەستەلى تىلمەن كەسەك-كەسەك ويلار ايتىپ، اۋقىمدى ماسەلەلەردى دە قوزعاۋعا بارا الدى. سونىسىمەن دە تىڭدارمان مەن قازىلار كوڭىلىنەن شىقتى دەگەن ويدامىز. اسىرەسە نۇرمات شايىر ساكەن تاقى­رىبىنا تەرەڭدەي ەنىپ، جالىندى اقىن، كورنەكتى مەملەكەت قايراتكەرىنىڭ كوشەلى ىستەرىن جادىمىزدا قايتا جاڭعىرتىپ، سۇڭعىلالىق تانىتقانى ءسۇيسىنتتى. مىسالعا الساق، ول ساكەن اقىننىڭ قولىندا بيلىك تۇرعان كەزىندە ارنايى بۇيرىق شىعارىپ، الەكساندر زاتاەۆيچكە قازاقتىڭ 1000 ءانىن جيناتقانىن، باسقا دا ۇلت مۇددەسى ءۇشىن ىستەگەن يگى ىستەرىن شەبەر تىلمەن ەل ەسىنە سالا ءبىلدى.

سونىمەن قاتار، ايبەك قاليەۆ پەن ديدار قاميەۆ، قىرعىزستاندىق جەڭىشبەك توقتوبەكوۆ پەن قىتاي قازاعى بۇركىتقازى ادىلبەك جانە تولەگەن جامانوۆ پەن اسەم ەرەجەقىزى جۇپتارىنىڭ اراسىنداعى جىر سايىسى ايتىستىڭ كورىگىن قىزدىرا ءتۇستى.

جالپى، بۇل ايتىستىڭ قاراعاندى وبلى­سىنىڭ اكىمدىگى مەن Nur Otan پار­تيا­سىنىڭ قولداۋىمەن ۇيىمداس­تىرىلعانىن ايتا كەتكەن ءجون. ايتىستىڭ ەكىنشى كۇنى كەنشىلەر استاناسىنا ارنايى كەلگەن Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك جىر دوداسىن وتكىزۋ ءۇشىن قاراعاندىنىڭ كەزدەيسوق تاڭدالماعانىن اتاپ ءوتتى.

– سەبەبى، – دەدى ول، – سارىارقانىڭ كيەلى توپىراعىندا ساكەن سەيفۋللين دۇنيەگە كەلگەن. مۇنداعى ونەردىڭ بۇل تۇرىنە دەگەن ۇلكەن قولداۋ ادامدى سۇيسىنتەدى. ايتىس – حالىقتىڭ جانىنا جاقىن ونەر. ءبىز اقىنداردىڭ جىرلارى ارقىلى ادامداردىڭ ءوتىنىش-تىلەگىن ەستىگىمىز كەلەدى. مادەني جانە رۋحاني جاڭعىرۋ، ءداستۇردى ساقتاۋ ءبىزدىڭ ساياسي دوكترينامىزدىڭ ءبىر بولىگى.

حالىق ءارتىسى، قازاقستاننىڭ ەڭبەك ەرى ءاسانالى ءاشىموۆ باسقارعان قازىلار القاسىنىڭ شەشىمىمەن ەكى باس جۇلدە تاعايىن­دالىپ، ولارعا ماقسات احانوۆ پەن جانداربەك بۇلعاقوۆ لايىقتى دەپ تانىلدى. Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ەكى اقىننىڭ ارقايسىنا ەكى ميلليون تەڭگەنىڭ سەرتيفيكاتىن تابىس ەتتى.

ءبىرىنشى ورىن مەن 1 ميلليون تەڭگەنىڭ جۇلدەسى ءومىرجان كوپبوسىنوۆ پەن باۋىر­جان شەرمەدين ۇلىنا بۇيىردى.
ديدار قاميەۆ، مۇحتار نيازوۆ جانە تولەگەن جامانوۆ 500 مىڭ تەڭگەدەن الىپ، ەكىنشى ورىن جۇلدەگەرلەرى اتاندى. ال ءۇشىنشى جۇلدە – 300 مىڭ تەڭگەنىڭ سەرتيفيكاتتارىن ايبەك قاليەۆ، بۇركىتقازى ادىلبەك، اسەم ەرەجەكقىزى، بەكارىس شويبەكوۆ جانە نۇرمات مانسۇر ءوزارا ءبولىستى.

سونداي-اق «ساكەن سەيفۋللين قورى­نىڭ» ارنايى سىيلىعى قىرعىزستاندىق جەڭىشبەك توقتوبەكوۆكە تاپسىرىلسا، ايتىستىڭ ەڭ جاس قاتىسۋشىسى جۇلدىزاي ماراتبەكوۆا ء«اسانالى ءاشىموۆ قورىنىڭ» ارنايى سىيلىعىنا يە بولدى.

حالىقارالىق ايتىستىڭ جۇرگىزۋشىسى ءجۇرسىن ەرمان اقىنداردىڭ وتە وزەكتى ماسە­لەلەردى كوتەرە العانىن جانە ساكەن­دەي سۇڭقار اقىننىڭ، كورنەكتى مەملەكەت قايراتكەرىنىڭ بولمىس-بەينەسىن اشا العانىن ريزاشىلىقپەن اتاپ ءوتتى.

– مەنىڭشە اقىنداردىڭ ارقايسىنىڭ جەڭۋگە مۇمكىندىگى بولدى. ايتىستىڭ العاشقى كۇنى اقىندار بۇگىنگى كۇندە حالىق­تى تولعاندىرىپ جۇرگەن كوپتەگەن ماسە­لەنى ساحنا تورىنەن كوتەرە ءبىلدى. ال مۇنىڭ شەشىمىن تابۋدىڭ Nur Otan پارتياسى دوكتريناسىمەن ۇندەسىپ جاتقانى ءبىزدى قۋانتادى. وسىنىڭ ءبارىن كورەرمەن قاۋىم دا قىزۋ قولداپ وتىردى، – دەدى ايتىس ونەرىنىڭ قامقورشىسى.

قاراعاندى

سوڭعى جاڭالىقتار

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار