سپورت • 23 قىركۇيەك، 2019

«ولد تراففوردتا» ەسە جىبەردى

14 رەتكورسەتىلدى

ەلوردانىڭ «استانا» فۋتبول كلۋبى ەۋروپا ليگاسىنىڭ توپتىق كەزەڭىندەگى العاشقى ويىنىن اتاقتى «ولد تراففورد» ستاديونىندا «مانچەستەر يۋنايتەد» كومانداسىنا قارسى وتكىزىپ، 0:1 ەسەبىمەن جەڭىلىپ قالدى. العاشقى تايمدا الاڭ يەلەرىمەن تەڭ دارەجەدە ويناعان جەرلەستەرىمىز ەكىنشى تايمدا كۇتپەگەن جەردەن گول وتكىزىپ الدى.

وتكەن ويىندارمەن سالىس­تىرعاندا باس باپكەر رومان گري­گورچۋك «مانچەستەر يۋنايتەدكە» قارسى ويناعان قۇرامعا ازداعان وز­گەرىس ەنگىزگەنىن بايقادىق. بۇعان دەيىن قورعانىستا ويناپ كەلگەن لۋكا ءشيمۋنوۆيچتى جارتى­لاي قور­عا­نىسقا جىبەرىپ، ورنىنا كلۋب ساپىن جۋىر­دا عانا تولىقتىرعان جاركو توما­شەۆيچتى شىعاردى. سونداي-اق شابۋىل شەبىندە ءبىرىنشى مينۋتتان باستاپ رومان مۇرتازاەۆقا سەنىم ارتتى. ال ميۋ باس باپكەرى ولە گۋننار سۋلشەر «استاناعا» قارسى بىرقاتار جاس ويىنشىنى تەكسەرىپ كوردى. اتاپ ايتار بولساق، 21 جاستاعى قورعاۋشى اكسەل تۋازەبەنى، 19 جاستاعى جارتىلاي قورعاۋشى ەيندجەل گومەستى، 17 جاستاعى شابۋىلشى مەيسون گرينۆۋد پەن 19 جاستاعى تايت چونگتى ءبىرىنشى مينۋتتان باستاپ جاسىل الاڭعا شىعاردى.

ويىنداعى العاشقى قاۋىپتى شا­بۋىلدى الاڭ يەلەرى جاسادى. العاشقى بەس مينۋتتا «مانچەستەر يۋنايتەد» فۋتبولشىلارى ەريچ قورعاعان قاقپانى ەكى رەت نىساناعا الدى. ءۇشىنشى مينۋتتا فرەدتىڭ سول قاپتالدان شىرەنە تەپكەن دوبى قاقپا باعانىنا ءتيىپ، كەرى قايتتى. ال ماركۋس رەشفوردتىڭ سوققىسى قاقپادان الدەقايدا قيىس كەتىپ جاتتى.

«استانا» فۋتبولشىلارى دا قور­عا­نىسقا جاتىپ الماي، ءالسىن-ءالسىن قار­سى­لاس قاقپانىڭ ماڭايىندا شابۋىل ۇيىم­داستىردى. رومان مۇرتازاەۆ پەن دورين روتاريۋ وزدەرىنە بەرىلگەن مۇمكىندىكتى پاي­دالانا المادى. وسىلايشا العاشقى تايم 0:0 ەسەبىمەن اياقتالدى. ءبىرىنشى تايم­نىڭ ستاتيستيكاسى بويىنشا، ميۋ ءبىزدىڭ قاق­پاعا 11 سوققى جاساعان ەكەن. ال دوپ باقى­لاۋ بويىنشا 72/28، الاڭ يەلەرىنىڭ پايداسىنا.

ەكىنشى تايمدا رومان گريگورچۋك ەكى بىردەي فۋتبولشىنى الاڭعا شىعاردى. يۋري لوگۆينەنكو لۋكا ءشيمۋنوۆيچتى الماستىرسا، رومان مۇرتازاەۆتىڭ ورنىنا رانگەلو يانگانى شىعاردى. وسى وزگەرىستەن كەيىن بە، الدە باس باپكەردىڭ ۇزىلىستە بەرگەن نۇسقاۋىنان كەيىن بە ايتەۋىر «استانانىڭ» ويىنى ءبىراز جانداندى. جەرلەستەرىمىز 70-مينۋتقا دەيىن شابۋىل جاساپ، «مان­چەستەر يۋنايتەد» قورعاۋشىلارى مەن قاق­پاشىسىن ابدەن ابىگەرگە سالدى. ءتىپتى، رانگەلو يانگا وزىنە بەرىلگەن ەكى بىر­دەي مۇمكىندىكتى گولعا اينالدىرا الما­دى. «استانانىڭ» شابۋىلى كۇشەيە باستا­عانىن بايقاعان سۋلشەر الاڭعا نەگىزگى قۇرامنىڭ ويىنشىلارى حۋان ماتا مەن دجەسسي لينگاردتى شىعارعاننان كەيىن ميۋ-ءدىڭ ويىنى وزگەرىپ سالا بەردى. 73-مينۋتتا «قىزىل سويقانداردىڭ» 17 جاستاعى فۋتبولشىسى مەيسون گرينۆۋد گول سوعىپ كەتتى. «استانا» ويىنشىلارى كەزدەسۋدىڭ سوڭىنا قاراي شابۋىلعا شىققانىمەن گول سوعۋعا ۋاقىت جەتپەي قالدى. قورىتىندى ەسەپ – 1:0.

ماتچتان كەيىن «استانا» كلۋبىنىڭ باس باپكەرى رومان گريگورچۋك كومانداسى جەڭىلىپ قالسا دا، شاكىرتتەرىنە ريزا ەكەنىن ءبىلدىردى. «وسىنداي ويىننان كەيىن جىگىتتەرگە كەزدەسۋ سوڭىندا ارتىق ەشتەڭە ايتۋدىڭ دا قاجەتى جوق دەپ ەسەپتەيمىن. «مانچەستەر» مەن ءبىزدىڭ ويىننىڭ دەڭگەيىن باعامدادىم دەسەم بولادى. قالاي دەگەندە، «استانا» ويىنشىلارى جارادى. ولار جاقسى ويىن كورسەتتى. مەن ولاردىڭ الدىندا باسىمدى ءيىپ، كورسەتكەن ويىنىنا العىس ايتامىن» دەيدى گريگورچۋك.

سونداي-اق ولە گۋننار سۋلشەر ماتچ­تا جەڭىسكە جەتكەنىنە قۋانىشتى ەكەنىن جاسىرمادى. «بۇگىن كەزدەسۋ وتە قيىن ءوتتى. سەنىمدى ويناۋعا بولار ەدى، بىراق جاعدايدى ءوزىمىز قيىنداتىپ الدىق. ەگەر سەنىمدى ويناعىڭ كەلسە، العاشقى 20 مينۋتتا كەزدەسۋ تاعدىرىن شەشىپ، قالعان ۋاقىتتا  ويىننان ءلاززات الۋ كەرەك. دەگەنمەن جەڭىسكە جەتكەنىمىزگە جانە قاقپامىزعا گول وتكىزىپ الماعانىمىزعا قۋانىشتىمىن»، دەيدى سۋلشەر.

ءبىزدىڭ توپتاعى ەكىنشى ويىندا «پارتيزان» ءوز الاڭىندا «از الكمار» كومانداسىن قابىلداپ، 2:2 ەسەبىمەن تەڭ ءتۇستى. ءبىرىنشى تۋردان كەيىنگى تۋرنير كەستەسىندە «مانچەستەر يۋنايتەد» ءۇش ۇپايمەن توپ باستادى. «پارتيزان» مەن «از الكمار» ءبىر ۇپايمەن ەكىنشى جانە ءۇشىنشى ورىندى ءبولىسىپ تۇر. ال «استانا» ازىرشە ءتورتىنشى ورىندا. ەندى «استانا» توپتاعى كەلەسى ويىنىن 3 قازاندا «پارتيزانعا» قارسى وتكىزەدى. بۇل كەزدەسۋ «استانا ارەنا» ستاديونىندا وتەدى.

سوڭعى جاڭالىقتار

ءجۇز جىل

100 • كەشە

تاپا تال تۇستەگى قاراقشىلىق

ايماقتار • 20 قاراشا، 2019

ۇقساس جاڭالىقتار