سپورت • 23 قىركۇيەك, 2019

«بارىس» «تراكتوردى» جەڭدى

240 رەت
كورسەتىلدى
1 مين
وقۋ ءۇشىن

ەلوردانىڭ «بارىس» حوككەي كلۋبى قۇرلىقتىق حوككەي ليگاسى (قحل) اياسىنداعى كەزەكتى تۋر ويى­نىن تاعى دا الماتىدا وتكىزىپ, قارسى­­لا­سىنان باسىم ءتۇستى. بۇل جولى چەليا­بىنىڭ «تراكتور» كومانداسىن قابىلداپ, 2:0 ەسەبى­مەن جەڭىسكە جەتتى.

«بارىس» «تراكتوردى» جەڭدى

«الماتى ارەناعا» جينالعان 12 مىڭنان اسا جانكۇيەر بۇل كەزدەسۋدە ەكى شايبانىڭ كۋاسى بولدى. كوماندالار العاشقى كەزەڭدە تەڭ ويناعانىمەن, كەزدەسۋدىڭ ەكىنشى بولىگىندە «بارىس» ويىنشىلارى قارسىلاستىڭ قاقپاسىنا ەكى بىردەي شايبا سوق­تى. ماتچتىڭ 22-مينۋتىندا رومان ستارچەنكو مەر­گەن­دىگىمەن كوزگە تۇسسە, ارادا 2 مينۋت وتكەندە يرو پاكارينەن ەسەپتى 2:0-گە جەتكىزدى. وسىلايشا «بارىس» كەزدەسۋدىڭ ەكىنشى بولىگىندە-اق ماتچ تاعدىرىن شەشىپ تاستادى.

بۇل جەڭىسىنەن كەيىن «بارىس» قحل-ءدىڭ تۋرنير كەس­تەسىندە 10 ۇپايمەن 6-ورىندا كەلەدى. جەرلەستەرىمىز كە­لەسى ەكى ويىنىن سىرت ايدىندا وتكىزەدى. 25 قىر­كۇ­يەك­­تە ماگنيتوگورسكىنىڭ «مەتاللۋرگ» كومانداسىنا قار­­سى ويناسا, 27 قىركۇيەكتە چەليابىنىڭ «تراكتور» كلۋ­­بى­نا قوناققا بارادى. ال 30 قىركۇيەكتەن باس­تاپ «با­رىس» قالعان كەزدەسۋلەرىن «بارىس ارەنادا» وتكى­زەدى.

سوڭعى جاڭالىقتار