ماسەلەن, مولدوۆا رەسپۋبليكاسى پارلامەنتىنىڭ ءتورايىمى زينايدا گرەچانىي باستاعان دەلەگاتسيامەن كەزدەسۋدە پارلامەنتارالىق ىنتىماقتاستىقتى نىعايتۋعا باسا نازار اۋدارىلدى. ن.نىعماتۋليننىڭ ايتۋىنشا, ەلدەرىمىز اراسىندا ساياسي ۇنقاتىسۋ, ساۋدا-ەكونوميكالىق جانە مادەني-گۋمانيتارلىق قاتىناستار قارقىندى دامىپ كەلەدى.
ال قاتار كونسۋلتاتيۆيىك كەڭەسىنىڭ توراعاسى احماد بەن ابداللا بەن زايد ءال ماحمۇد باستاعان دەلەگاتسيامەن جۇزدەسۋدە ن.نىعماتۋلين مارتەبەلى مەيمانعا ريزاشىلىق بىلدىرە كەلىپ, بۇل فورۋم ەۋروپا مەن ازيا مەملەكەتتەرىنىڭ پارلامەنتتەرى اراسىندا جان-جاقتى ديالوگ ورناتۋعا, ءوزارا سەنىمدى كۇشەيتۋگە, پارلامەنتارالىق ىنتىماقتاستىقتى ودان ءارى تەرەڭدەتۋگە جول اشاتىنىنا سەنىم ءبىلدىردى.
سونداي-اق وسى كۇنى ءماجىلىس سپيكەرى يوردانيا حاشيميت كورولدىگى حالىق جينالىسى وكىلدەر پالاتاسىنىڭ توراعاسى اتەف ءال-تاراۋن جانە ومان اش-شۋرا ءمادجليسىنىڭ توراعاسى حاليد حيلال ناسسەر ءال-مااۋالي باستاعان دەلەگاتسيانى قابىلدادى. ءماجىلىس توراعاسى اتاپ وتكەندەي, يوردانيا – قازاقستاننىڭ تاياۋ شىعىستاعى ماڭىزدى ارىپتەسى.
تاراپتار كەلەشەكتە دە بارلىق سالاداعى ءوزارا ءتيىمدى بايلانىستاردى بەلسەندى تۇردە ۇلعايتۋعا, حالىقارالىق كۇن تارتىبىندەگى وزەكتى ماسەلەلەر بويىنشا ۇستانىمداردى ۇيلەستىرۋگە, ەكىجاقتى قاتىناستارىمىزدىڭ قۇقىقتىق نەگىزدەرىن نىعايتۋعا بىرلەسە قولداۋ كورسەتۋگە نيەتتى ەكەندەرىن ءبىلدىردى.
ءماجىلىس سپيكەرى نۇرلان نىعماتۋلين حاليد حيلال ناسسەر ءال-مااۋاليمەن جۇزدەسۋدە ومان تاراپىنان جاسالعان جوعارى دەڭگەيدەگى العاشقى ساپار ەكەنىنە باسا نازار اۋدارىپ, ونى قازاقستانعا دەگەن ەرەكشە قۇرمەت رەتىندە باعالادى. بارلىق كەزدەسۋلەردە تاراپتار ەكى ەلدىڭ ارىپتەستىگىن كۇشەيتۋدە پارلامەنتتەر ءرولىنىڭ زور ەكەنىنە كوڭىل ءبولىپ, زاڭ شىعارۋ بويىنشا جان-جاقتى تاجىريبە الماسۋدىڭ ماڭىزدىلىعىنا توقتالدى.
كەزدەسۋ سوڭىندا مارتەبەلى مەيماندار ارنايى شاقىرۋ ءۇشىن العىستارىن جەتكىزدى.
