نۇرلان نىعماتۋلين لي چجانشۋمەن كەزدەستى

پالاتا سپيكەرى قازاقستاننىڭ تۇڭعىش پرەزيدەنتى نۇرسۇلتان نازارباەۆ پەن قىتاي باسشىلىعى نەگىزىن قالاعان ەلدەرىمىز اراسىن­داعى سەنىمدى ساياسي ديالوگ, تىعىز ەكونوميكالىق بايلانىسقا اي­رىقشا نازار اۋداردى.

سونداي-اق ن.نىعماتۋلين قى­تايعا تۇڭعىش مەملەكەتتىك ساپارى كەزىندە قازاقستان رەسپۋب­ليكاسىنىڭ پرەزيدەنتى قاسىم-جو­مارت توقاەۆ پەن قىتاي تورا­عاسى سي تسزينپين اراسىندا جا­سال­عان كەلىسسوزدەر قازاقستان مەن قى­تاي قاتىناسىن ماڭگىلىك جان-جاق­تى ستراتەگيالىق ارىپتەستىك دەڭ­گەيىنە جەتكىزگەنىن جانە ءبىزدىڭ مەم­لە­كەتتەرىمىز ىنتىماقتاس­تى­عىندا جاڭا تاريحي كەزەڭ باس­تالعانىن اتاپ ءوتتى.

ءوز كەزەگىندە مارتەبەلى مەيمان قوس مەملەكەت اراسىنداعى ىنتىماقتاستىق دەڭگەيىن وتە جوعا­رى باعالادى. لي چجانشۋ قىتاي كەلەشەكتە دە ءوز دامۋ جولى بار قازاقستاننىڭ گۇلدەنۋىنە نيەت­تەس بولا وتىرىپ, الداعى ۋاقىتتا دا ەلىمىزدىڭ حالىقارالىق ارەنادا سالماقتى ءرول اتقارۋىنا قولداۋ كورسەتەتىندىگىن جەتكىزدى. وسى رەتتە بۇكىلقىتايلىق حالىق وكىلدەرى جينالىسى تۇراقتى كوميتەتىنىڭ توراعاسى جاقىندا مەملەكەتتەر باسشىلارى قول قويعان ماڭگىلىك جان-جاقتى سترا­تەگيالىق ارىپتەستىك تۋرالى بىرلەسكەن ما­لىمدەمەنىڭ ماڭىز­دى­لىعىنا توقتالدى.

ءماجىلىس توراعاسى ەكى ەل ىق­پال­داستىعىن ودان ءارى تەرەڭ­دە­تۋدە پارلا­مەنتارالىق بايلا­نىس­تىڭ ماڭىزى زور ەكەنىن ايت­تى. وسىعان وراي تاراپتار زاڭنا­مالىق, اسىرەسە رەفورمالار مەن يننوۆاتسيالىق دامۋدى قۇقىقتىق قامتاماسىز ەتۋ باعىتىندا تاجى­ريبە الماسۋعا كەلىستى.

كەزدەسۋ بارىسىندا ن.نىع­ماتۋلين لي چجانشۋ باستاعان دەلەگاتسيا ساپارى ەلدەرىمىزدىڭ كوپجاقتى ارىپتەستىگى مەن تاتۋ كورشىلىكتى نىعايتۋعا ەرەكشە ىقپال ەتەتىنىنە سەنىم ءبىلدىردى.

ءماجىلىس توراعاسى رەسمي سا­پار­دىڭ قىتاي حالىق رەسپۋبلي­كاسى قۇرى­لۋىنىڭ 70 جىلدىق مەرەيتويىمەن ساي­كەس كەلگەنىن العا تارتىپ, دوستاس قىتاي ەلىنە وركەنيەت پەن باق-بەرەكە تىلەدى.